Pakistan vs Afghanistan: టాస్‌ గెలిచిన పాకిస్థాన్‌.. ఆఫ్ఘనిస్థాన్‌ బ్యాటింగ్‌

Pakistan vs Afghanistan Toss: ఆసియా కప్‌లో భాగంగా బుధవారం (సెప్టెంబర్‌ 7) కీలకమైన మ్యాచ్‌ జరుగుతోంది. ఈ మ్యాచ్‌ పాకిస్థాన్‌, ఆఫ్ఘనిస్థాన్‌ మధ్యే అయినా ఇండియాకు కీలకం కానుంది. ఈ మ్యాచ్‌లో పాకిస్థాన్‌ గెలిస్తే ఇండియా మరో మ్యాచ్‌ మిగిలి ఉన్నా ఇంటిదారి పడుతోంది. ఇలాంటి కీలకమైన మ్యాచ్‌లో టాస్‌ గెలిచి ఫీల్డింగ్‌ ఎంచుకుంది పాకిస్థాన్‌.

ఈ మ్యాచ్‌కు పాకిస్థాన్‌ ఎలాంటి మార్పుల్లేకుండా బరిలోకి దిగుతుండగా.. ఆఫ్ఘనిస్థాన్‌ ఒక మార్పు చేసింది. ఇండియాపై గెలిచిన టీమ్‌తోనే పాకిస్థాన్‌ ఆడాలని నిర్ణయించింది. ఇందులో పాకిస్థాన్‌ గెలిస్తే శ్రీలంకతోపాటు ఫైనల్‌ చేరుతుంది. ఆఫ్ఘనిస్తాన్‌ గెలిస్తే ఫైనల్‌ రేసు ఆసక్తికరంగా మారుతుంది. ఒకవేళ పాక్‌ గెలిస్తే ఇండియా ఫైనల్‌ ఆశలు గల్లంతవుతాయి.

అందుకే ఇందులో ఆఫ్ఘనిస్థాన్‌ గెలవాలని భారత అభిమానులు ప్రార్థిస్తున్నారు. అయితే ఈ కీలక మ్యాచ్‌లో టాస్‌ గెలవడం పాకిస్థాన్‌కు కలిసొచ్చే విషయం. ఆసియా కప్‌లో చేజింగ్‌ టీమ్స్‌ రాణిస్తున్నాయి. ఇండియా సూపర్‌ ఫోర్‌లో ఆడిన రెండు మ్యాచ్‌లలోనూ ప్రత్యర్థి ముందు చాలెంజింగ్‌ టార్గెట్‌ ఉంచినా ఓడిపోయిన విషయం తెలిసిందే.