Yash Dayal: ఆ ఐదు సిక్స్‌ల తర్వాత యశ్ దయాల్ పరిస్థితి ఇంత దారుణంగా తయారైందా.. హార్దిక్ షాకింగ్ కామెంట్స్-yash dayal fell ill after that match reveals hardik pandya ,స్పోర్ట్స్ న్యూస్
తెలుగు న్యూస్  /  Sports  /  Yash Dayal Fell Ill After That Match Reveals Hardik Pandya

Yash Dayal: ఆ ఐదు సిక్స్‌ల తర్వాత యశ్ దయాల్ పరిస్థితి ఇంత దారుణంగా తయారైందా.. హార్దిక్ షాకింగ్ కామెంట్స్

Hari Prasad S HT Telugu
Apr 26, 2023 04:17 PM IST

Yash Dayal: ఆ ఐదు సిక్స్‌ల తర్వాత యశ్ దయాల్ పరిస్థితి ఇంత దారుణంగా తయారైందా అనిపిస్తుంది హార్దిక్ పాండ్యా కామెంట్స్ చూస్తే. ముంబై ఇండియన్స్ తో మ్యాచ్ సందర్భంగా గుజరాత్ టైటన్ బౌలర్ గురించి హార్దిక్ చేసిన కామెంట్స్ వైరల్ అవుతున్నాయి.

యశ్ దయాల్ తో రషీద్ ఖాన్, గిల్
యశ్ దయాల్ తో రషీద్ ఖాన్, గిల్ (IPL)

Yash Dayal: ఒకే ఒక్క ఓవర్ ఓ ప్లేయర్ ను హీరోను చేస్తే.. మరో ప్లేయర్ కెరీర్ నే తలకిందులు చేసింది. ఐపీఎల్ 2023లో గుజరాత్ టైటన్స్, కోల్‌కతా నైట్ రైడర్స్ మ్యాచ్ చివరి ఓవర్ ను ఎవరూ అంత త్వరగా మరచిపోరు. ఆ ఓవర్లో వరుసగా ఐదు సిక్స్ లు బాది అసాధ్యమనుకున్న విజయాన్ని కేకేఆర్ కు అందించాడు రింకు సింగ్. అయితే ఆ ఓవర్ వేసిన గుజరాత్ టైటన్స్ బౌలర్ యశ్ దయాల్ పరిస్థితి మాత్రం ఇప్పుడు దారుణంగా తయారైంది.

ట్రెండింగ్ వార్తలు

ఆ మ్యాచ్ తర్వాత అతడు ఐపీఎల్లో ఇప్పటి వరకూ మరో మ్యాచ్ ఆడలేదు. అంతేకాదు ఇక ఈ సీజన్ లో అతడు ఆడతాడా లేదా అన్నది కూడా చెప్పలేమని కెప్టెన్ హార్దిక్ పాండ్యా అనడం గమనార్హం. ఈ సందర్భంగానే యశ్ పరిస్థితి ఇప్పుడెలా ఉందో కూడా వివరించాడు. ఆ మ్యాచ్ తర్వాత అతడు అనారోగ్యానికి గురై, ఏడెనిమిది కిలోల బరువు తగ్గినట్లు హార్దిక్ చెప్పాడు.

"ఈ సీజన్ లో అతడు మళ్లీ ఆడతాడో లేదో చెప్పలేను. ఆ మ్యాచ్ తర్వాత అతడు అనారోగ్యానికి గురయ్యాడు. 7-8 కిలోల బరువు తగ్గాడు. ఆ సమయంలో వైరల్ ఇన్ఫెక్షన్ వ్యాపిస్తోంది. ఇక అదే సమయంలో అతడు ఎదుర్కొన్న ఒత్తిడి కారణంగా ప్రస్తుతం అతడు బరిలోకి దిగే పరిస్థితి కూడా లేదు. అతన్ని మళ్లీ ఫీల్డ్ లో చూడటానికి చాలా సమయమే పడుతుంది" అని హార్దిక్ చెప్పడం గమనార్హం.

ఆ ఒక్క మ్యాచ్ తో యశ్ దయాల్ కెరీర్ తలకిందులైందని చెప్పొచ్చు. టీమంతా అతనికి అండగా నిలిచిందని సహచర ప్లేయర్స్ చెబుతున్నా.. దాని తాలూకు షాక్ నుంచి యశ్ ఇప్పటికీ కోలుకోలేకపోయాడని స్పష్టమవుతోంది. అటు యశ్ కుటుంబం కూడా ఆ మ్యాచ్ తర్వాత చాలానే బాధపడింది. అతని కుటుంబ సభ్యులు ఇప్పటికీ కోలుకోలేకపోతున్నారు.

WhatsApp channel

సంబంధిత కథనం