Gavaskar on Gabba Pitch: గబ్బా పిచ్‌కు ఎన్ని డీమెరిట్ పాయింట్లు ఇచ్చారు?ఐసీసీ వైఖరిని ఎండగట్టిన గవాస్కర్..

Gavaskar on Gabba Pitch: బోర్డర్-గవాస్కర్ ట్రోఫీలో భాగంగా ఆస్ట్రేలియాతో జరిగిన మూడో టెస్టులో టీమిండియా ఓడిన సంగతి తెలిసిందే. ఇండోర్ వేదికగా జరిగిన ఈ టెస్టులో భారత్ 9 వికెట్ల తేడాతో పరాజయం పాలైంది. స్పిన్‌కు అనుకూలించే ఈ పిచ్‌పై ప్రస్తుతం సర్వత్రా చర్చ జరుగుతోంది. ఇది చాలా పేలవమైన పిచ్ అని పలువురు మాజీలు సైతం అసంతృప్తి వ్యక్తం చేస్తున్నారు. ఇదే విషయాన్ని ఐసీసీ కూడా పేర్కొంది. మ్యాచ్ రిఫరీ నివేదిక ఆధారంగా ఈ పిచ్ పేలవంగా ఉన్నట్లు ఐసీసీ స్పష్టం చేసింది. అంతేకాకుండా ఈ మైదానానికి మూడు డీ మెరిట్ పాయింట్లు కేటాయించింది. తాజాగా ఈ అంశంపై సునీల్ గవాస్కర్ స్పందించాడు. గబ్బా పిచ్‌కు ఎన్ని డీ మెరిట్ పాయింట్లు కేటాయించారు? అని ప్రశ్నించారు.

"నాకు ఓ విషయం తెలుసుకోవాలని ఉంది. గత ఏడాది నవంబరులో బ్రిస్బేన్ గబ్బా(Gabba Pitch) వేదికగా ఆస్ట్రేలియా-దక్షిణాఫ్రికా మధ్య జరిగిన మ్యాచ్ రెండు రోజుల్లోనే ముగిసింది. ఆ పిచ్‌కు ఎన్ని డీ మెరిట్ పాయింట్లు కేటాయించారు. అప్పుడు మ్యాచ్ రిఫరీ ఎవరు?" అంటూ ప్రశ్నల వర్షాన్ని కురిపించారు బౌలర్లకు ఎక్కువగా సహకరించిన ఈ పిచ్‌కు సంబంధించి ఐసీసీ అప్పట్లో ఒక్క డీమెరిట్ పాయింట్‌తో యావరేజ్ కంటే తక్కువ అని రేటింగ్ ఇచ్చిందని ఐసీసీ వైఖరిని ఎండగట్టారు.

గబ్బా వేదికగా గత నవంబరులో దక్షిణాఫ్రికా-ఆస్ట్రేలియా మధ్య జరిగిన టెస్టులో కంగారూ జట్టు ఆరు వికెట్ల తేడాతో విజయం సాధించింది. బౌలర్లకు ఎక్కువగా సహకరించిన ఈ పిచ్‌కు సంబంధించి ఐసీసీ అప్పట్లో ఒక్క డీమెరిట్ పాయింట్ అంటే యావరేజ్ కంటే తక్కువ అని రేటింగ్ ఇచ్చింది.

ఇక ఇండోర్ వేదికగా ఆస్ట్రేలియాతో జరిగిన మూడో టెస్టులో భారత్ 9 వికెట్ల తేడాతో ఓడిపోయింది. మూడో రోజు ఉదయమే మ్యాచ్ ముగిసింది. మ్యాచ్‌లో పిచ్ స్పిన్‌కు విపరీతంగా అనుకూలించింది. తొలి రోజు ఆరంభం నుంచే పిచ్‌పై స్పిన్నర్లు విజృంభించారు. ఆస్ట్రేలియా 9 వికెట్ల తేడాతో విజయం సాధించి భారత్ ఆధిక్యాన్ని 2-1కి తగ్గించింది.