FIFA 2022 Today Schedule: ఫ్రాన్స్‌తో ట్యూనిషియా ఢీ? ఆస్ట్రేలియాతో తలపడనున్న డెన్మార్క్?
FIFA 2022 Today Schedule: ఈ రోజు మ్యాచ్‌లు ఆసక్తికరంగా ఉండనున్నాయి. గ్రూప్-డీ జట్ల మధ్య జరిగే ఈ మ్యాచ్‌లో ఫ్రాన్స్ మినహా మిగిలిన మూడు జట్ల మధ్య నాకౌట్ దశ కోసం తీవ్ర పోటీ నెలకొననుంది. ఫ్రాన్స్ ఇప్పటికే రెండు విజయాలతో నాకౌట్‌కు చేరుకుంది.
FIFA 2022 Today Schedule: ఖతర్ వేదికగా జరుగుతున్న ఫిఫా ప్రపంచకప్ 2022లో బుధవారం నాడు గ్రూప్-డీలో రవత్తరమైన మ్యాచ్‌లు జరిగే అవకాశముంది. ఇప్పటికే ఈ గ్రూపులో ఫ్రాన్స్ జట్టు ఆడిన రెండు మ్యాచ్‌ల్లోనూ గెలిచి నాకౌట్ దశకు చేరుకోగా.. మిగిలిన మూడు జట్ల మధ్య తీవ్ర పోటీ నెలకొంది. గ్రూప్-డీలో ఉన్న నాలుగు జట్ల మధ్య జరగనున్న ఈ మ్యాచ్‌లు ఫలితం ఆసక్తికరంగా మారనుంది. మిగిలిన మూడు జట్లకు నాకౌట్ దశకు చేరుకునేందుకు సమాన అవకాశముంది.
ట్రెండింగ్ వార్తలు
ఈ రోజు మ్యాచ్‌ల షెడ్యూల్..
- అల్ రయాన్ వేదికగా ఫ్రాన్స్-ట్యూనిషయా మధ్య రాత్రి 8.30 గంటలకు జరగనుంది.
- రెండో మ్యాచ్ అల్ జనోబ్ వేదికగా ఆస్ట్రేలియా-డెన్మార్క్ మధ్య రాత్రి 8.30 గంటలకు నిర్వహించనున్నారు.
తొలి మ్యాచ్‌లో ఫ్రాన్స్‌ను ట్యూనిషియా ఢీ కొట్టనుంది. మరోవైపు ఆస్ట్రేలియాతో డెన్మార్క్ తలపడనుంది. ఫ్రాన్స్‌పై ట్యూనిషియా గెలిస్తే.. ఆ జట్టు తుది ఫలితం ఆస్ట్రేలియా-డెన్మార్క్ ఫలితంపై ఆధారపడి ఉంటుంది. ఎందుకంటే ఈ రెండు జట్లలో ఏది గెలిచినా.. భారీ తేడాతో గెలవకూడదు. ఒకవేళ గెలిస్తే ట్యూనిషియాపై వేటు పడుతుంది.
మరోవైపు ఆస్ట్రేలియా-డెన్నార్క్ మధ్య మ్యాచ్‌లో గెలిచే జట్టు కూడా ఫ్రాన్స్‌పై ట్యూనిషియా ఓడిపోవాలని కోరుకోవాలి. ఎందుకంటే ఫ్రాన్స్ మినహా మిగిలిన మూడు జట్లు ఒక్కో విజయంతో పాయింట్ల పట్టికలో వరుస స్థానాల్లో ఉన్నాయి. కాబట్టి ఈ మ్యాచ్‌లు ఆసక్తికరంగా సాగే అవకాశముంది. డిఫెండింగ్ ఛాంపియన్ అయిన ఫ్రాన్స్‌ను ట్యూనిషియా ఓడించడం అంత సులువేం కాదు. కాబట్టి ట్యూనిషియాకు పరిస్థితులు క్లిష్టంగా మారే అవకాశముంది.
మరోవైపు ఆస్ట్రేలియా-డెన్మార్క్ జట్లు బలబలాల పరంగా సమంగా ఉన్నప్పటికీ డెన్మార్కే బలంగా ఉన్నప్పటికీ ఆసీస్‌ను తక్కువ అంచనా వేయడానికి లేదు. బుధవారం అర్ధరాత్రి దాటిన తర్వాత గ్రూప్-సీ మ్యాచ్‌లు జరగనున్నాయి. అర్ధరాత్రి 12.30 గంటలకు పోలాండ్.. అర్జెంటీనాను ఢీకొట్టనుండగా.. సౌదీ అరేబియాతో మెక్సికో తలపడనుంది.
సంబంధిత కథనం