Akshar Patel | గర్ల్‌ఫ్రెండ్‌కు ప్రపోజ్‌ చేసిన అక్షర్‌ పటేల్.. ఫొటోలు వైరల్

జనవరి 20న అక్షర్‌ తన 26వ పుట్టినరోజు జరుపుకున్నాడు. ఆ బర్త్‌డే రోజే తన జీవితంలో ఓ పెద్ద నిర్ణయం తీసుకున్నాడు.

తన గర్ల్‌ఫ్రెండ్‌కు తాను ప్రపోజ్‌ చేసినట్లు సోషల్‌ మీడియా ద్వారా అక్షర్‌ చెప్పాడు.

"నా జీవితంలో ఓ కొత్త ఆరంభం" అని అక్షర్‌ తన సోషల్‌ మీడియాలో రాశాడు. దీంతోపాటు తాను గర్ల్‌ఫ్రెండ్‌తో ఉన్న ఫొటోను పోస్ట్‌ చేశాడు. టుగెదర్‌ అండ్‌ ఫరెవర్‌ అని కూడా అక్షర్‌ రాశాడు.

ఈ ఫొటోల్లో అక్షర్‌ తన మోకాలిపై కూర్చొని చేతిలో రింగుతో గర్ల్‌ఫ్రెండ్‌ మేహాకు ప్రపోజ్‌ చేయడం చూడొచ్చు. మ్యారీ మీ అని వెనుక హార్ట్‌ సింబల్‌లో రాసి ఉంది. ఆ తర్వాత అక్షర్‌, మేహా ఉంగరాలు మార్చుకున్నారు.

గాయం కారణంగా అక్షర్‌.. టీమిండియాతోపాటు సౌతాఫ్రికా వెళ్లలేకపోయాడు. శ్రీలంకతో సొంతగడ్డపై జరిగే టోర్నీకి కూడా అతడు అందుబాటులో ఉండే అవకాశం లేదు. ఇక ఐపీఎల్‌లో ఢిల్లీ క్యాపిటల్స్‌ టీమ్‌ ఇప్పటికే అతన్ని రిటేన్‌ చేసుకుంది.