IND Vs WI 3rd T20 : భారత్‌కు డూ ఆర్ డై మ్యాచ్.. హార్దిక్ మాస్టర్ ప్లాన్ ఏంటి?-cricket news ind vs wi 3rd t20 do or die match for team india west india need to win one match only ,స్పోర్ట్స్ న్యూస్
తెలుగు న్యూస్  /  Sports  /  Cricket News Ind Vs Wi 3rd T20 Do Or Die Match For Team India West India Need To Win One Match Only

IND Vs WI 3rd T20 : భారత్‌కు డూ ఆర్ డై మ్యాచ్.. హార్దిక్ మాస్టర్ ప్లాన్ ఏంటి?

Anand Sai HT Telugu
Aug 08, 2023 10:12 AM IST

IND Vs WI 3rd T20 : ఐదు మ్యాచ్‌ల T20 సిరీస్‌లో వెస్టిండీస్ ప్రస్తుతం 2-0 ఆధిక్యంలో ఉంది. టీమిండియా సిరీస్ గెలవాలంటే.. మిగిలిన మూడు మ్యాచ్‌లు గెలవాలి. కరీబియన్‌ జట్టు చరిత్ర సృష్టించాలంటే ఒక్క విజయం చాలు.

హార్దిక్ పాండ్యా
హార్దిక్ పాండ్యా (Getty)

ఈరోజు(ఆగస్టు 8) భారత్, వెస్టిండీస్ మధ్య మూడో టీ20 మ్యాచ్ జరగనుంది. రెండో మ్యాచ్ జరిగిన గయానాలోని ప్రొవిడెన్స్ స్టేడియంలో ఈ మ్యాచ్ కూడా ఉంటుంది. వరుసగా రెండు మ్యాచ్‌ల్లో ఓడిపోయిన టీమ్‌ఇండియా సిరీస్‌ను కోల్పోయే ప్రమాదంలో పడింది. ఈరోజు డూ ఆర్ డై మ్యాచ్. ఐదు మ్యాచ్‌ల టీ20 సిరీస్‌లో వెస్టిండీస్ ప్రస్తుతం 2-0 ఆధిక్యంలో ఉంది.

ట్రెండింగ్ వార్తలు

నేటి మ్యాచ్‌కి టీమిండియాలో మార్పు వస్తుందని చెప్పొచ్చు. ఎందుకంటే గత రెండు మ్యాచ్‌ల్లోనూ భారత్‌కు శుభారంభం లభించలేదు. పవర్ ప్లేలో భారత బ్యాటర్లు సత్తా చూపలేదు. శుభ్‌మన్‌ గిల్‌, జైస్వాల్‌కు అవకాశం రావొచ్చు. బ్యాటింగ్‌లో పెద్దగా ఆప్షన్‌ లేకపోవడంతో సంజూ శాంసన్‌, సూర్యకుమార్‌ యాదవ్‌ తడబడినా ఆడాల్సిందే.

కేవలం రెండు అంతర్జాతీయ మ్యాచ్‌లు ఆడిన తిలక్ వర్మ అద్భుత ప్రదర్శన చేస్తున్నాడు. అక్షర్ పటేల్ ఆల్ రౌండ్ గేమ్ కూడా సందడి చేయడం లేదు. విజయం కోసం బౌలర్లు ధైర్యంగా పోరాడాలి. యుజ్వేంద్ర చాహల్ తన స్పిన్ మ్యాజిక్‌పై పని చేయాల్సిన అవసరం ఉంది. అర్ష్దీప్ సింగ్, ముఖేష్ కుమార్, ఉమ్రాన్ మాలిక్ కూడా సరిగా ఆడాలి. హార్దిక్ పాండ్యా పక్కా ప్రణాళికతో ఆడాలి.

టెస్టు, వన్డే సిరీస్‌లను కోల్పోయిన వెస్టిండీస్ జట్టు టీ20 క్రికెట్‌కు తగినట్లుగా తయారైంది. కెప్టెన్ రోవ్‌మన్ పావెల్, బ్రాండన్ కింగ్, నికోలస్ పూరన్ అద్భుతమైన ఫామ్‌లో ఉన్నారు. మ్యాచ్ విన్నింగ్ ప్రదర్శన కనబరుస్తున్న పూరన్ ను కట్టడి చేసేందుకు టీమ్ ఇండియా పక్కా ప్రణాళిక రచించుకోవాలి. వీరితో కైల్ మేయర్స్, చార్లెస్, హెట్మెయర్ విండీస్ భారీ మొత్తం చేసేందుకు ప్లాన్ చేస్తున్నారు. బౌలింగ్‌లో ఒబెడ్ మెక్‌కాయ్, రొమారియో షెఫెరాన్, జాసన్ హోల్డర్ ఘోరంగా ఉన్నారు. నేటి మ్యాచ్‌లో కరీబియన్‌ సేనలో మార్పు అనుమానమే. భారత్, వెస్టిండీస్ మధ్య మూడో టీ20 మ్యాచ్ రాత్రి 8 గంటలకు ప్రారంభం కానుంది.

భారత టీ20 జట్టు : జైస్వాల్, శుభ్‌మన్ గిల్, ఇషాన్ కిషన్ (వికెట్ కీపర్), సూర్య కుమార్ యాదవ్ (వైస్ కెప్టెన్), సంజు శాంసన్ (వికెట్ కీపర్), హార్దిక్ పాండ్యా (కెప్టెన్), తిలక్ వర్మ, అక్షర్ పటేల్, యుజ్వేంద్ర చాహల్, కుల్దీప్ యాదవ్, అర్షదీప్ సింగ్, ఉమ్రాన్ మాలిక్, అవేష్ ఖాన్, ముఖేష్ కుమార్, రవి బిష్ణోయ్.

వెస్టిండీస్ టీ20 జట్టు : రోవ్‌మన్ పావెల్ (కెప్టెన్), కైల్ మేయర్స్ (వైస్ కెప్టెన్), జాన్సన్ చార్లెస్, రోస్టన్ చేజ్, నికోలస్ పూరన్, షిమ్రాన్ హెట్మెర్, షాయ్ హోప్, బ్రాండన్ కింగ్, జాసన్ హోల్డర్, రొమారియో షెఫెరన్, ఒడియన్ స్మిత్, అల్జారీ జోసెఫ్, ఏక్ హోస్సేన్, ఒబెడ్ మెక్‌కాయ్, ఒషానే థామస్.

WhatsApp channel