యోగినీ ఏకాదశి 2025: ఈరోజే యోగినీ ఏకాదశి.. ఈరోజు ఈ 5 వస్తువులను దానం చేయండి, సంపద మీ ఇంటికి వస్తుంది!
యోగినీ ఏకాదశి నాడు మహా విష్ణువుని భక్తిశ్రద్ధలతో ఆరాధించడం వలన శుభ ఫలితాలను పొందవచ్చు. ఈరోజున ఉపవాసం ఉంటే పాపాలన్నీ కూడా తొలగిపోతాయి. పద్మ పురాణం ప్రకారం, ఈరోజు ఎవరైతే భక్తిశ్రద్ధలతో ఉపవాసం చేసి మహా విష్ణువుని ప్రార్థిస్తారో వారికి ఆరోగ్యం బాగుంటుంది. ఈరోజు ఈ 5 వస్తువులను దానం చేస్తే మంచిది.
ప్రతి నెల రెండు ఏకాదశులు వస్తాయి. ఏకాదశి తిధి చాలా ప్రత్యేకమైనది. ఏకాదశి నాడు చాలామంది విష్ణుమూర్తిని ఆరాధిస్తారు. అలాగే ఏకాదశి నాడు ఉపవాసం కూడా చేస్తారు. ఈసారి యోగినీ ఏకాదశి ఎప్పుడు వచ్చింది? యోగినీ ఏకాదశి నాడు ఏం చేస్తే మంచిది అనే విషయాలను తెలుసుకుందాం.
యోగినీ ఏకాదశి తేదీ, సమయం
జూన్ 21, శనివారం నాడు యోగినీ ఏకాదశి వచ్చింది. జ్యేష్ఠ మాసం కృష్ణపక్ష ఏకాదశి జూన్ 21 ఉదయం 7:18కి మొదలై, జూన్ 22 ఉదయం 4:27 వరకు ఉంటుంది. ఉదయ తిథి ప్రకారం చూసుకోవాలి కనుక యోగినీ ఏకాదశి జూన్ 21న జరుపుకోవాలి.
యోగినీ ఏకాదశి నాడు మహా విష్ణువుని భక్తిశ్రద్ధలతో ఆరాధించడం వలన శుభ ఫలితాలను పొందవచ్చు. ఈరోజున ఉపవాసం ఉంటే పాపాలన్నీ కూడా తొలగిపోతాయి. పద్మ పురాణం ప్రకారం, ఈరోజు ఎవరైతే భక్తిశ్రద్ధలతో ఉపవాసం చేసి మహా విష్ణువుని ప్రార్థిస్తారో వారికి ఆరోగ్యం బాగుంటుంది, ఆర్థిక ఇబ్బందులు తొలగిపోతాయి, సంపద పెరుగుతుంది.
యోగినీ ఏకాదశి నాడు ఉపవాసం, పూజతో పాటుగా ఈ ఐదింటిని దానం చేయడం మంచిది
- ఈ సమయంలో ఎండలు ఇంకా తగ్గవు కనుక మంచినీటిని పంపిణీ చేయడం మంచిది. సమీప ఆలయాల్లో అందరికీ మంచి నీటిని ఇవ్వచ్చు. ఇలా చేయడం వలన విష్ణుమూర్తి, లక్ష్మీదేవి సంతోషించి వారి పై సంపదను కురిపిస్తారు.
- యోగినీ ఏకాదశి నాడు దుస్తులను దానం చేయడం కూడా మంచిది. మహా విష్ణువుకి పసుపు రంగు అంటే ఎంతో ఇష్టం. పసుపు రంగు దుస్తులను దానం చేయడం వలన సంతోషం, సంపద కలుగుతాయి. ఆర్థిక ఇబ్బందులు కూడా తొలగిపోతాయి.
- మహా విష్ణువుని ప్రత్యేకించి ఆరాధించే ఈ పవిత్ర దినాన ధాన్యాలు కూడా దానం చేయవచ్చు. పేదవారికి ఈ రోజున ధాన్యాలను ఇవ్వడం వలన విష్ణుమూర్తి ప్రత్యేక ఆశీస్సులు కలుగుతాయి. ఆర్థిక ఇబ్బందులు ఉండవు. తిండికి లోటు ఉండదు.
- యోగినీ ఏకాదశి నాడు అరటి పండ్లను దానం చేస్తే కూడా మంచిది. మహా విష్ణువుకి అరటి పండ్లు చాలా ఇష్టం. వీటిని ఇవ్వడం వలన మీరు లక్ష్మీదేవి అనుగ్రహాన్ని పొందవచ్చు. డబ్బుకి లోటు ఉండదు.
- ఈరోజు ఇంట్లో పూజ మందిరంలో నూనె లేదా నెయ్యితో దీపారాధన చేస్తే మంచిది. దీప దానం చేస్తే కూడా సకల సంతోషాలు కలుగుతాయి. దేనికి లోటు ఉండదు. ఏ ఇబ్బందులు రావు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
