Diwali puja: దీపావళి రోజు మీ రాశి ప్రకారం ఇలా లక్ష్మీపూజ చేయండి- సంపద పెరుగుతుంది

ఈ ఏడాది దీపావళి పండుగ సమయానికి సంబంధించి గందరగోళం నెలకొంది. చాలా పంచాంగాలలో దీపావళి అక్టోబర్ 31 అని ఉంది. మరికొందరు నవంబర్ 1న దీపావళిని కూడా జరుపుకుంటున్నారు. కానీ దీపావళికి పూజ సమయం అక్టోబర్ 31 సాయంత్రం మాత్రమే అందుబాటులో ఉంటుంది. 

ఈ రోజున లక్ష్మీ గణేశుడిని పూజించే సంప్రదాయం ఉంది. ఎలా పూజించాలి? మీ రాశి ప్రకారం దీపావళి రోజు ఎలా పూజ చేయాలో పండితులు సూచిస్తున్నారు. 

మేషం

శుక్ర యంత్రాన్ని ఆవాహన చేసిన తర్వాత వెండి పాత్రలో ఎర్రని వస్త్రాలు, కమలగట్ట లేదా స్ఫటికం, సుగంధ ద్రవ్యాలు, తేనె, రసమలై సమర్పించి పూజించాలి.

వృషభం

వృషభ రాశి జాతకులు బుధుడి యంత్రాన్ని ఆవాహన చేయాలి. ఆకుపచ్చని వస్త్రాలు ధరించి, మార్గజ్యోతిని, మల్లె పూల నూనెతో దీపం వెలిగించాలి. శనగ లేదా పెసర పప్పుతో చేసిన లడ్డూలు సమర్పించి బుధ యంత్రాన్ని పూజించాలి.

మిథునం

చంద్ర యంత్రాన్ని ఆవాహన చేసి వెండి పాత్రలో తెల్లని వస్త్రాలు, తెల్లని ముత్యాలు, తెల్లని పూలు, బియ్యం, పంచదార సమర్పించి పూజించాలి.

కర్కాటకం 

సూర్య యంత్రాన్ని ఆవాహన చేసిన తర్వాత ఒక రాగి పాత్రలో ఎర్రటి వస్త్రం, ఎర్ర చందనం, ఎర్రటి పువ్వులు, ఆవాలు, కొబ్బరి, వేరుశెనగలను సమర్పించి లక్ష్మీపూజ చేయడం వల్ల ఉత్తమ ఫలితాలు లభిస్తాయి. 

సింహం

సింహ రాశి జాతకులు బుధ యంత్రాన్ని ఆవాహన చేసిన తర్వాత, ఒక కాంస్య పాత్రలో ఆకుపచ్చ వస్త్రం, గోమేధికం, బియ్యం, పంచదార, పెసర లడ్డూను సమర్పించి పూజ చేసుకోవడం ఉత్తమం. 

కన్య

శుక్ర యంత్రాన్ని ఆవాహన చేసిన తరువాత, తెల్లని పట్టు వస్త్రాలు, స్పటికాలు, పంచదార మిఠాయిలు, సువాసన ద్రవ్యాలు, తెల్లటి పువ్వులు, కలకాండను వెండి పాత్రలో సమర్పించి పూజించండి.

తుల

మంగళ యంత్రాన్ని ఆవాహన చేసుకున్న తారవత ఎర్రని వస్త్రాలు, పగడాలు, పప్పులు, ఎర్రటి పువ్వులు, బెల్లంతో చేసిన వంటకాలను రాగి పాత్రలో సమర్పించండి.

వృశ్చికం

గురు యంత్రాన్ని పూజించాలి. బంగారు లేదా కంచు పాత్రలో పసుపు వస్త్రం, పుష్యరాగం, పప్పు, పసుపు ముద్ద, కుంకుమతో కూడిన స్వీట్లను సమర్పించి పూజించాలి.

ధనుస్సు

శని యంత్రాన్ని ఆవాహన చేసిన తర్వాత, కంచు పాత్రలో నీలిరంగు వస్త్రం, మినపప్పు, నువ్వులు, రోజ్‌వుడ్, నల్ల ఆవాలు, గులాబ్ జామున్ సమర్పించి పూజించండి. ఇలా చేయడం వల్ల అంతా మంచే జరుగుతుంది. 

మకరం

శని యంత్రాన్ని ఆవాహన చేసిన తర్వాత, ఒక గాజు పాత్రలో నీలం-తెలుపు మిశ్రమ వస్త్రం, జామునియా, నువ్వులు, ఆవాలు, బెల్లం లేదా తీపి పూరీని సమర్పించి పూజించండి.

కుంభం

గురు యంత్రాన్ని ఆవాహన చేసిన తర్వాత, పసుపు వస్త్రం, పసుపు పువ్వులు, శనగపప్పు, లక్ష్మీదేవికి ప్రీతికరమైన కొత్తిమీర, బార్లీ, పసుపు ముద్ద, శనగపిండి మిఠాయిలను కాంస్య లేదా ఇత్తడి పాత్రలో సమర్పించండి.

మీనం

మంగళ యంత్రాన్ని ఆవాహన చేసి, రాగి పాత్రలో ఎర్రని వస్త్రాలు, ఎర్రటి పువ్వులు, పప్పు, బెల్లం సమర్పించి పూజించండి. 

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.