Utpanna Ekadashi: ఉత్పన్న ఏకాదశి ఎప్పుడు? ఆ రోజు శ్రీ మహావిష్ణువును ప్రసన్నం చేసుకోవడం ఎలా?

కార్తీక మాసంలో వచ్చే ఏకాదశిని ఉత్పన్న ఏకాదశి అంటారు. ఈ ఏడాది నవంబరు 26న ఉత్పన్న ఏకాదశిని జరుపుకుంటున్నారు. విష్ణు ఆరాధనకు ఏకాదశి ముఖ్యమైనదిగా పరిగణిస్తారు. విష్ణువును ఆరాధించడం ద్వారా సాధకుడు అన్ని బాధలు, పాపాలను తొలగిస్తాడని నమ్ముతారు. ఈ రోజు ఉపవాసం పాటించడం వల్ల ఆరోగ్యం, సంతానం, సుఖం, మోక్షం, పాపాల నుండి విముక్తి లభిస్తాయి. సాధకుడికి విష్ణువు అనుగ్రహం ఉంటుంది. ఉత్పన్న ఏకాదశి ఖచ్చితమైన తేదీ, ఆ రోజు శ్రీ మహా విష్ణువును ప్రసన్నం చేసుకోవడానికి ఎలాంటి పరిహారాలు పాటించాలో తెలుసుకుందాం.

ఉత్పన్న ఏకాదశి ఎప్పుడు?

దృక్ పంచాంగ్ ప్రకారం ఏకాదశి తిథి నవంబర్ 26, 2024న ఉదయం 01:01 గంటలకు ప్రారంభమై మరుసటి రోజు నవంబర్ 27, 2024 తెల్లవారుజామున 03:47 గంటలకు ముగుస్తుంది. ఈసారి ఉత్పన్న ఏకాదశి రోజున 3 శుభ యోగాలు రూపొందుతున్నాయని పండితులు తెలిపారు. ఉపవాసం రోజున హస్తా నక్షత్రం ఉంటుంది. ఈ రోజున ఉపవాసం ఉండి విష్ణువును ఏకాదశి దేవతను పూజించే సంప్రదాయం ఉంది. నమ్మకం ప్రకారం దేవి ఏకాదశి ఈ తేదీన జన్మించింది. అందుకే దీనిని ఉత్పన్న ఏకాదశి అంటారు. ఈ ఉపవాసం, పూజల వల్ల పాపాలు నశించి పుణ్యం, మోక్షం కలుగుతాయి.

ఉత్పన్న ఏకాదశి శుభయెగాలు

ఈ సంవత్సరం ఉత్పన్న ఏకాదశి నాడు 3 శుభ యోగాలు ఏర్పడుతున్నాయి. ప్రీతి యోగం ఉదయం ప్రారంభమై మధ్యాహ్నం 2:14 గంటలకు ముగుస్తుంది. ఆ తర్వాత ఆయుష్మాన్ యోగం ఏర్పడుతుంది. ఇది మరుసటి రోజు మధ్యాహ్నం వరకు ఉంటుంది. ఏకాదశి రోజున ద్విపుష్కర యోగం నవంబర్ 27వ తేదీ ఉదయం 4:35 AM నుండి 6:54 AM వరకు ఉంటుంది.

ఉత్పన్న ఏకాదశి రోజున చేయవలసిన పరిహారాలు:

1. ఉత్పన్న ఏకాదశి రోజున విష్ణుమూర్తితో పాటు అమ్మవారిని ఏకాదశి పూజించడం చాలా ముఖ్యమైనదిగా భావిస్తారు. ఏకాదశి వ్రతం ప్రారంభించాలనుకునే వారు ఉత్పన్న ఏకాదశి నుంచి మొదలుపెట్టవచ్చు. శ్రీమహావిష్ణువు అనుగ్రహం వల్ల పాపాలు నశించి, జీవితాంతం ఆయన పాదాల చెంత స్థానం పొందుతారు. స్వర్గాన్ని పొందుతాడని విశ్వసిస్తారు.

2. ఉత్పన్న ఏకాదశి రోజున పూజ సమయంలో విష్ణువుకు పసుపు పువ్వులను సమర్పించండి. ఇలా చేయడం వల్ల ఆయన ప్రసన్నమయి కోరికలను తీరుస్తాడని నమ్మిక.

3. ఉత్పన్న ఏకాదశి రోజున సాయంత్రం తులసి మొక్క దగ్గర దీపం వెలిగించి లక్ష్మీనారాయణులను పూజించాలి. ఇలా చేయడం వల్ల ఇంట్లో సుఖసంతోషాలు, సౌభాగ్యాలు కలుగుతాయని నమ్ముతారు.

4. ఈ రోజున బ్రాహ్మణులకు దానం చేయడం శుభప్రదంగా భావిస్తారు.

5. ఏకాదశి ఉపవాసంలో కోరికలు నెరవేరడం కోసం రాత్రిపూట భజన-కీర్తన చేయడం శుభప్రదంగా భావిస్తారు.

6. ఈ రోజున విష్ణువుకు సాత్విక వస్తువులను సమర్పించి, తులసి ఆకులను ప్రసాదంలో చేర్చండి. తులసి లేనిదే శ్రీ మహా విష్ణువుకు ప్రసాదం లభించదని ప్రతీతి.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.