ఈ ఏడాది నరసింహ జయంతి ఎప్పుడు వచ్చింది? ఆరోజు ఏం చేయాలి, ఏం చేయకూడదో తెలుసుకోండి!
వైశాఖ మాసం శుక్లపక్ష చతుర్దశి నాడు నరసింహ జయంతిని జరుపుకుంటాము. ఈసారి నరసింహ జయంతి ఎప్పుడు వచ్చింది?నరసింహ జయంతి తేదీ, శుభ సమయం, ప్రాముఖ్యతతో పాటు ఆరోజు ఏం చేయాలి, ఏం చేయకూడదో తెలుసుకోండి. ఆరోజు ఇలా చేస్తే సమస్యలన్నీ తీరిపోయి సంతోషంగా ఉండచ్చు.
ప్రతీ సంవత్సరం వైశాఖ మాసం శుక్లపక్ష చతుర్దశి నాడు నరసింహ జయంతిని జరుపుకుంటాము. ఈసారి నరసింహ జయంతి ఎప్పుడు వచ్చింది?, ఈరోజు ఎటువంటి వాటిని పాటించాలి వంటి విషయాలని ఇప్పుడు తెలుసుకుందాం.
నరసింహ జయంతి తేదీ, శుభ సమయం
మే 10 శనివారం సాయంత్రం 5:29 గంటలకు చతుర్దశి తిధి మొదలవుతుంది. తర్వాత రోజు అంటే మే 11న ఆదివారం రాత్రి 8:01 తో ముగుస్తుంది. దీని ప్రకారం మే 11న ఆదివారం నాడు నరసింహ జయంతిని జరుపుకోవాలి.
పూజా సమయం
మే 11న ఆదివారం ఉదయం 10:57 నుంచి మధ్యాహ్నం 1:39 వరకు పూజ చేసుకోవడానికి అనుకూలంగా ఉంది. సాయంత్రం పూజ చేసుకోవాలనుకునే వారు సాయంత్రం 4:21 నుంచి 7:03 వరకు చేసుకోవచ్చు. ఈ పవిత్ర సమయంలో స్వామి వారిని ఆరాధించడం వలన ఆత్మవిశ్వాసం, ధైర్యం, వినయం కలుగుతాయి.
విష్ణువు దశావతారాల్లో నాలుగవ అవతారం
విష్ణువు దశావతారాల్లో నాలుగో అవతారం నరసింహుని అవతారం. ప్రహ్లాదుడుని కాపాడుకోవాలని హిరణ్యకశిపుడిని వధించడానికి విష్ణువు నరసింహ అవతారాన్ని ఎత్తాడు. ఈ స్వామి ఎప్పుడూ కూడా ఉగ్రరూపంలో ఉంటాడు. భక్తుడైన ప్రహ్లాదుడిని కాపాడుకోవాలని శ్రీహరి ఈ రూపంలో అవతరించాడు.
చెడుపై మంచి గెలిచిందన్న కారణంగా నరసింహ జయంతిని జరుపుకుంటాము. ఈరోజు ఉపవాసం ఉండి, స్వామివారిని ఆరాధించడం వలన సుఖ సంతోషాలు, శ్రేయస్సు కలుగుతాయి.
నరసింహ జయంతి నాడు ఏం చేస్తే మంచిది?
- రుణ సమస్యలతో బాధపడుతున్నట్లయితే నరసింహ స్వామికి వెండి కానీ ముత్యాలని కానీ సమర్పించడం మంచిది.
- నరసింహ జయంతి నాడు స్వామివారికి కేసరిని సమర్పిస్తే ఖర్చులు తగ్గిపోతాయి. ఆ కేసరిని ఇంటికి తెచ్చుకొని ఇంట్లో భద్రంగా ఉంచితే ఆదాయం పెరుగుతుంది. శత్రువుల బాధల నుంచి బయటపడడానికి నరసింహ జయంతి నాడు దేవాలయంలో నీటిని సమర్పించాలి.
- కాలసర్ప దోషం ఉన్నట్లయితే నరసింహ జయంతి నాడు నెమలీకలను సమర్పిస్తే మంచిది. ఇలా చేయడం వలన సమస్యలు తీరుతాయి.
- దీర్ఘకాలిక అనారోగ్యంతో బాధపడుతున్నట్లయితే స్వామివారికి చందనాన్ని సమర్పిస్తే మంచిది.
ఈరోజు ఏం చేయకూడదు?
- నరసింహ జయంతి నాడు తామసిక ఆహారాన్ని మాత్రమే తినాలి. మాంసం, మద్యం, ఉల్లి, వెల్లుల్లి వంటి వాటికి దూరంగా ఉండాలి.
- నరసింహ జయంతి నాడు ఎవరినీ అవమానించడం మంచిది కాదు. వృద్ధులని కానీ బలహీనులని కానీ ఈరోజు అవమానించడం మంచిది కాదు.
- నరసింహ జయంతి నాడు నలుపు కానీ నీలం రంగు దుస్తుల్ని కానీ ధరించడం మంచిది కాదు. ఎరుపు కానీ కుంకుమ రంగు దుస్తులు ధరించడం వలన శుభ ఫలితాలు ఉంటాయి.
- ఈరోజు ఎవరితోనైనా కోపంగా మాట్లాడడం, ప్రతికూల ఆలోచనలు కలిగి ఉండడం మంచిది కాదు. నరసింహ స్వామి శాంతి, భక్తితత్వాన్ని ఇష్టపడతాడు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
