Ruby stone: రూబీని ఎప్పుడు, ఎలా ధరించాలి? దీన్ని పెట్టుకోవడం వల్ల ఎలాంటి ప్రయోజనాలు దక్కుతాయి

Ruby stone: వజ్రాలు ధరించలేని వాళ్ళు ఈ మధ్య కాలంలో ఎక్కువగా మెడలో రూబీ గొలుసులు ధరిస్తున్నారు. ఎంతో షైనింగ్ గా ఉండే రూబీలు ధరించడం వల్ల స్పెషల్ అట్రాక్షన్ లుక్ వస్తుంది. మనిషికి అందాన్ని ఇస్తుంది. ఇంకొందరు రూబీ రాయి ఉంగరం కూడా ధరిస్తారు. 

రత్న జ్యోతిషశాస్త్రంలో రూబీని సూర్యుడి రత్నంగా పరిగణిస్తారు. జాతకంలో సూర్యుని స్థానం బలంగా ఉన్నప్పుడు ఒక వ్యక్తికి గౌరవం, ఉన్నత స్థానం, కీర్తి ప్రతిష్టలు లభిస్తాయని నమ్ముతారు. ఒక వ్యక్తి ప్రతి పనిలో విజయం సాధిస్తాడు. అదే సమయంలో బలహీనమైన సూర్యుడు వ్యక్తికి అనేక బాధాకరమైన ఫలితాలను ఇస్తాడు. 

సూర్యుని అశుభ ప్రభావం కారణంగా ఒక వ్యక్తి తేజస్సు, ప్రతిభ నాశనమవుతుంది. అటువంటి పరిస్థితిలో ఆదివారం ఉపవాసం ఉండి రూబీ రత్నాన్ని ధరించడం ప్రయోజనకరంగా ఉంటుంది. అయితే ఏదైనా రత్నాన్ని ధరించే ముందు దాన్ని పెట్టుకోవడం వల్ల కలిగే ప్రయోజనాలను తెలుసుకోవాలి. ఇది ధరించేందుకు ఉన్న నియమాలు ఏంటో ఖచ్చితంగా తెలుసుకోవాలి. 

రూబీ ధరించడానికి నియమాలు

రింగ్‌లో కనీసం 1.25 క్యారెట్ రూబీ ఉండాలి. 1.25 కంటే ఎక్కువ రట్టి రూబీ ఉన్న ఉంగరం చాలా పవిత్రమైనదిగా పరిగణిస్తారు. మీరు చైత్ర మాసంలో ఆదివారం పుష్య నక్షత్రంలో ఉదయం సూర్యోదయం సమయంలో రూబీని ధరించవచ్చు. మాణిక్యం ధరించడం వల్ల సూర్య భగవానుడి అనుగ్రహం లభిస్తుంది.

మేష రాశి వారు మార్చి 21 నుండి ఏప్రిల్ 20 వరకు రూబీని ధరించవచ్చు. ఇది కాకుండా సింహ రాశి వారు జూలై 21 నుండి ఆగస్టు 20 మధ్య కూడా రూబీని ధరించవచ్చు. తుల రాశి వారు ఈ రత్నాన్ని సెప్టెంబర్ 21 నుండి అక్టోబర్ 20 వరకు ధరించవచ్చు. వృశ్చిక రాశి వారు ఈ రత్నాన్ని అక్టోబర్ 21 నుండి నవంబర్ 20 వరకు ధరించవచ్చు. ధనుస్సు నవంబర్ 21 నుండి డిసెంబర్ 20 వరకు యాకుట్ రూబీని ధరించవచ్చు. మకర రాశి వారు డిసెంబర్ 21 మరియు జనవరి 20 మధ్య యాకుట్ రూబీని ధరించవచ్చు.

రూబీ ధరించడం వల్ల కలిగే ప్రయోజనాలు

సూర్యుని రత్నమైన రూబీని ధరించడం వల్ల మనిషికి బలం పెరుగుతుంది. జీవితంలో వచ్చే వ్యాధుల నుండి ఉపశమనం లభిస్తుంది. ఇది ఆరోగ్యాన్ని పెంపొందించడం కంటే శరీర సౌందర్యాన్ని పెంచేందుకే ఎక్కువగా ఉపయోగపడుతుంది. 

రూబీ ధరించడం వల్ల శక్తి, విశ్వాసం పెరుగుతుందని నమ్ముతారు. ఈ రత్నం ఒక వ్యక్తికి ఆత్మగౌరవాన్ని అందిస్తుంది. ప్రతి పనిలో విజయాన్ని తెస్తుంది. ఎరుపు రంగులో కనిపించే రూబీలు ఎంతో ఆకర్షణీయంగా ఉంటాయి. ఈ రత్నాన్ని బంగారు ఉంగరంలో ధరించడం వల్ల జీవితంలోని అనేక సమస్యల నుంచి ఉపశమనం లభిస్తుంది. పనుల్లో వచ్చే ఆటంకాలు తొలగుతాయి. విశ్వాసం, ధైర్యం పెరుగుతాయి. జీవితంలో ఎదురయ్యే పెద్ద పెద్ద సమస్యలు కూడా సులభంగా అధిగమించగలుగుతారు.

నిరాకరణ: ఈ కథనంలో అందించిన సమాచారం పూర్తిగా నిజం మరియు ఖచ్చితమైనది అని మేము క్లెయిమ్ చేయము. వీటిని అవలంబించే ముందు, ఖచ్చితంగా సంబంధిత రంగంలోని నిపుణుల సలహా తీసుకోండి.