Weekly Horoscope: ఈ వారం ఈ రాశుల వారు శ్రమతో గౌరవాన్ని, ఆదాయాన్ని పెంచుకుంటారు.. శత్రువులు మీద విజయం సాధిస్తారు

రాశి ఫలాలు (వారఫలాలు) 23.03.2025 నుంచి 29.03.2025 వరకు

ఆయనము: ఉత్తరాయనం, సంవత్సరం: శ్రీ క్రోధినామ సంవత్సరం

మాసం: ఫాల్గుణ మాసం, తిథి : కృ. నవమి నుంచి కృ. అమావాస్య వరకు

మేష రాశి

మేష రాశి వారు వారం ప్రారంభంలో సామర్థ్యానికి తగిన గుర్తింపు పొందుతారు. వ్యక్తుల సహకారం బాగుంటుంది. రహస్య శత్రువుల వల్ల ఇబ్బందకరంగా ఉన్నప్పటికీ అత్మీయులైన వ్యక్తులతో చర్చించి సమస్వయ పరిచి పరిస్థితులను అధిగమించగలుగుతారు. నిర్ణయ సామర్థ్యం ఉంటుంది. ప్రశాంతత పెరుగుతుంది. వృత్తిలో నిర్ణయాలు తీసుకుంటారు.

కుటుంబములోని ముఖ్య వ్యక్తులతో వారి సహకారంతో వ్యాపారంలో అభివృద్ధి సారిస్తారు. వ్యాపార అంశాలు శ్రమ, అధిక ఒత్తిడితో కూడుకొని ఉన్నప్పటికీ మీ సహజ సృజనాత్మకతతో మంచి ఆలోచనలతో సరియైన కమ్యూనికేషన్ తో అనుకున్నవి సాధించగలుగుతారు. విద్యార్థులు విద్యా సంబంధమైన విషయాలలో కొంత శ్రద్ద చూపించాలి.

వృషభ రాశి

వృషభ రాశి వారు వారం ప్రారంభంలో పరుషమైన మాటల వల్ల, ఆర్థిక సంబంధమైన అంశాలు అపార్థాలు, చికాకులు రాకుండా కుటుంబ సభ్యులతో, స్నేహితులతో జాగ్రత్త వహించాలి. ప్రయాణ విషయాలు, తొందరపాటు నిర్ణయాలు, డ్రైవింగ్ సంబంధించి జాగ్రత్తలు తీసుకోవాలి. సంతానానికి విద్యా సంబంధమైన విషయాలలో అభివృద్ది ఉంటుంది.

జీవిత భాగస్వామికి వృత్తికి సంబంధించిన అంశాలలో తగిన గుర్తింపు గౌరవం ఉంటాయి. నూతన అవకాశాలు వస్తాయి. పలుకుబడి కలిగిన గురు సంబంధీకులు, కళా రంగంలో ఉన్న వ్యక్తుల్నికలుస్తారు. వారం మధ్యలో మంచి నిర్ణయాలు తీసుకుంటారు. పరాక్రమం పెరుగుతుంది. కింద వ్యక్తులు మీకు సహకారము ఇస్తారు. వృతి విషయాలలో అధికారులతో ఆకస్మిక చికాకులు ఉంటాయి.

మిధున రాశి

మిధున రాశి వారికి వారం ప్రారంభంలో ఆరోగ్య సంబంధమైన ఖర్చులు అధికంగా ఉంటాయి ఆకస్మిక నిర్ణయాలు, సంతానము విద్యా విషయాలు, ప్రశాంతతని తగ్గిస్తాయి. కుటుంబ వాతావరణం, ఆర్థిక అంశాలు చర్చలు ఘర్షణాత్మకంగా ఉండే అవకాశం ఉంటుంది.

వీలైనంత మౌనం మంచిది. మాటల వల్ల అపార్థాలు రాకుండా ఉండడం మేలు. ఆర్థిక విషయాలలో హెచ్చుతగ్గులు. రుణముల విషయంలో రుణదాతలు ఒత్తిడి అధికంగా ఉంటుంది. తండ్రిగారి సహకారం లభిస్తుంది. తండ్రి ఆరోగ్యం మీద శ్రద్ధ తీసుకుంటారు.

కర్కాటక రాశి

కర్కాటక రాశి వారు భావోద్రేగాలను నియంత్రించుకోవాలి. మానసిక ఒత్తిడి విషయంలో యోగా, మెడిటేషన్ మంచిది. ఆర్థిక అంశాలు వాయిదా పడతాయి. ఆలస్యాలు చికాకును కలిగిస్తాయి. సమయానికి ఆహార స్వీకరణ, నిద్ర, విశ్రాంతి అవసరం. బంధువర్గంతో మాట పట్టింపులు లేకుండా ముందుకు వెళ్లాలి.

ఆర్థిక ఒత్తిడి శ్రమ, ముఖ్యముగా వ్యాపార భాగస్వామి వ్యవహారాలలోనూ ప్రయాణాలలోనూ అధికంగా ఉంటాయి. జీవిత భాగస్వామి తరుపు బంధువులతో ఆర్థిక, సహకార సంబంధమైన విషయాలలో చికాకులు ఉంటాయి.

సింహ రాశి

సింహ రాశి వారి ఆగిన పనులు ముందుకు వెళ్తాయి. చిన్ననాటి మిత్రులను కలుస్తారు. వృత్తి సంబంధమైన విషయాలు కొంతవరకు అనుకూలం. ఆర్థిక అంశాలు, పెద్దల సహకారం లభిస్తాయి. శత్రు రోగ రుణాలు మీద విజయం సాధిస్తారు. రుణాలు వసూలు అవుతాయి. రోగ నిరోధక శక్తి పెరుగుతుంది.

పోటీలలో విజయాలు సాధిస్తారు. పడిన శ్రమకి తగిన ప్రతిఫలం లభిస్తుంది. సంఘంలో గుర్తింపు, గౌరవం లభిస్తుంది వారం మధ్యలో వృత్తిలో శ్రమ, ఖర్చులు, సమయానికి విశ్రాంతి లోపం. కొలీగ్స్ సహకారంతో సమయానికి పనులు నిర్వర్తించడానికి, పై అధికారులతో మాట పడకుండా ఉండడానికి అధిక శ్రమ చేస్తారు.

కన్యా రాశి

కన్యా రాశి వారు వారం ప్రారంభంలో వృత్తిపరమైన విషయాలలో ఆశించిన స్థాయిలో ఫలితములు అందుకుంటారు. శ్రమ అధికంగా ఉంటాయి. వృత్తి సంబంధించిన విషయాలలో మార్గదర్శకులతో, పెద్దలతో విభేదాలు రాకుండా జాగ్రత్తగా ఉండాలి. ప్రశాంతత తక్కువగా ఉంటుంది. ఆర్ధిక అంశాలు అనుకూలం.

వారం మధ్యలో ఎదురుచూస్తున్న వర్తమానాలు అందుకుంటారు. ఆగిన పనులు ముందుకెడతాయి, ఆర్థిక విషయాలు, సంతాన విషయాలు అనుకూలంగా ఉంటాయి. తల్లితరపు బంధువులతో మీ ఆలోచనలు అనుకూలంగా ఉంటాయి. సంతోషకరమైన వాతావరణాన్ని గడుపుతారు.

తులా రాశి

తులా రాశి వారు వారం ప్రారంభంలో దూర ప్రయాణాలు. ఒత్తిడి అలసటతో కార్యాలు ప్రారంభిస్తారు. కుటుంబ కార్యక్రమాలు అనుకూలంగా ఉంటాయి. శుభకార్యాల నిమిత్తం చర్చలు జరుగుతాయి. కుటుంబ పెద్దల్ని, శ్రేయోభిలాషులని కలిసి వారి ఆశీస్సులు, తీసుకుంటారు. ఉన్నత విద్య కొరకు ప్రయత్నం చేస్తారు. విద్యార్థులకు శ్రమతో ఫలితాలు. మీ సృజనాత్మకత, కొలీగ్స్ సహకారంతో పనులు పూర్తి చేస్తారు. వ్యాపార వ్యవహారాలు అనుకూలంగా ఉంటాయి.

ఆశించిన ఫలితాలు ఉంటాయి. ఎదురుచూసిన వార్తలు అందుకుంటారు. ఆలోచనలు. ఫలిస్తాయి. శత్రువుల మీద విజయం సాధిస్తారు. రుణసంబంధమైన విషయాలు అనుకూలంగా ఉంటాయి.

వృశ్చిక రాశి

వృశ్చిక రాశి వారు వారం ప్రారంభంలో మానసికంగా ఏదో తెలియని నిరాశ, గందరగోళం, మాటల విభేదాలు రాకుండా జాగ్రత్తగా ఉండాలి. కుటుంబ సభ్యులతో ఘర్షణాత్మకమైన వైఖరి, అన్న దమ్ములతో మాట పట్టింపులు రాకుండా జాగ్రత్త వహించాలి. అనుకోని ఆందోళనలు, ఆకస్మిక ప్రయాణాలు చికాకులు. ఇబ్బంది కలిగిస్తాయి. ముఖ్యమైన కార్యక్రమాలు వాయిదా వేస్తారు.

ఆరోగ్యంపై ప్రత్యేక శ్రద్ధ పెడతారు. ప్రశాంతత కలిగేలా చూసుకోండి. జీవిత భాగస్వామి బంధువుల సహకారంతో ప్రయత్నాలు ఫలిస్తాయి. వృత్తిపరమైన విషయాలలో అధికారులతో రాజకీయ నాయకులతో చర్చించి కొత్త నిర్ణయాలు తీసుకుంటారు. ఉన్నత స్థాయి ఉన్నత అధికారుల మాట సహాయంతో వృత్తిపరమైన అభివృద్ది.

ధనస్సు రాశి

ధనస్సు రాశి వారికి ఉద్వేగాలు చాలా అధికంగా ఉంటాయి. నూతన వ్యక్తులతో వ్యాపార భాగస్వాములతో ఆర్థికపరమైన విషయాలలో ఘరణాత్మకమైన పరిస్థితులు రాకుండా జాగ్రత్త పడాలి. అప్పుడే మైత్రి బంధాలు బలపడతాయి, తగిన గుర్తింపు గౌరవం ఉంటుంది. ఇంతకుముందు ఇచ్చిన వ్యక్తుల దగ్గర నుంచి రావలసిన ధనాన్ని కొంతమేర అందుకుంటారు.

ఆకస్మికమైన ఆధ్యాత్మిక పరమైన ఖర్చులు. శుభకార్యాల నిమిత్తం అధికంగా ఉంటాయి. వారం మధ్యలో ఆరోగ్య విషయంలో శ్రద్ద తీసుకోవాలి. ముఖ్యంగా పనులు వాయిదా, ఆటంకాలు చికాకును కలిగిస్తాయి. మానసిక ప్రశాంతత తగ్గుతుంది. ఉద్వేగాలను నియంత్రించుకోవాలి. రోగ నిరోధక శక్తిని పెంచుకోండి.

మకర రాశి

మకర రాశి వారువారం ప్రారంభంలో రోగ నిరోధక శక్తిని పెంచుకోవాలి. నైపుణ్యాలు పెరుగుతాయి. సంతృప్తి తక్కువగా ఉంటుంది. శ్రమతో కార్యక్రమాలు ప్రారంభిస్తారు. వృత్తికి సంబంధిం దిన విషయాలు కొంతవరకు లాభదాయకంగా ఉంటాయి. ఆరోగ్య విషయంలో శ్రద్ద అవసరం. శ్రమతో గౌరవాన్ని, ఆదాయాన్ని పెంచుకుంటారు. శత్రువులు మీద విజయం సాధిస్తారు.

న్యాయ సంబంధమైన విషయాలు అనుకూలంగా ఉంటాయి. నూతన వృత్తుల కొరకు ప్రయత్నాలు ఒక కొలిక్కి వస్తాయి. వారం మధ్యలో మైత్రి బంధాలు బాగుంటాయి. సంఘంలో గుర్తింపు గౌరవం అభివృద్ధికరంగా ఉంటుంది. జీవిత భాగస్వామితో అనుకూలమైన వాతావరణం తదుపరి గృహాలంకరణ కొరకు, వ్యక్తిగత అవసరముల కొరకు కొనుగోలు ప్రయత్నం చేస్తారు.

కుంభ రాశి

కుంభ రాశి వారు వారం ప్రారంభంలో ఇష్టమైన వ్యక్తుల కొరకు, లేదా సంతానము అభివృద్ది కొరకు అధికమైన ఖర్చులు చేస్తారు. తల్లి తండ్రుల సహకారంతో భవిష్యత్తు ప్రణాళికలు రూపొందించుకుంటారు. సృజనాత్మకత బాగుంటుంది. వృత్తిపరమైన విషయాలు అనుకూలంగా ఉంటాయి. ఆదాయం కన్నా శ్రమకి తగిన గౌరవము గుర్తింపు లభిస్తుంది.

వ్యాపార భాగస్వాములతో మైత్రి బంధాలు బాగుంటాయి. శ్రమకి తగిన గుర్తింపు, గౌరవం లభిస్తుంది. వ్యాపారాన్ని విస్తరించే ఆలోచనలో ఉంటారు. ఆత్మవిశ్వాసం పెరుగుతుంది. సోషల్ మీడియా మొదలైన చోట్ల మీ నెట్వర్క్ ఉపయోగించి వృత్తి వ్యాపారాల్లో అభివృద్ధి కొరకు కొత్త కమ్యూనికేషన్ విధానాలు రూపాందిస్తారు.

మీన రాశి

చంద్రుడు కుజునితో కలిసి చతుర్థ స్థానంలో ఉండటం వల్ల ప్రశాంతత తక్కువగా ఉంటుంది. తల్లి ఆరోగ్యం, విద్యా సంబంధమైన విషయాలు, గృహ, వాహన అంశాల మీద ఎక్కువ ఫోకస్ చేస్తారు. తండ్రి, పెద్దల సహకారం అందుతుంది. ఆధ్యాత్మిక ఆలోచనలు అధికంగా ఉంటాయి.

విద్యార్థుల కష్టంతో పనిచేసే శ్రమతో విజయాలు సాధిస్తారు. వ్యక్తిగత ఆరోగ్యం మీద, ముఖ్యంగా కంటికి సంబంధించిన శ్రద్ధ అవసరం. ధైర్యం, పరాక్రమం, నిర్ణయ సామర్థ్యం, కమ్యూనికేషన్ విధానం పెరుగుతాయి. వారం మధ్యలో సంతానం అభివృద్ధి, ఎదుగుదల కొరకు ఆందోళన అధికంగా ఉంటుంది. మీ ఆలోచనలు ఫలిస్తాయి.