Varuthini Ekadashi 2025: వరూథిని ఏకాదశి ఎప్పుడు? ఆరోజు ఏం చేయాలి? ఇలా చేస్తే అష్ట కష్టాలు తొలగి, ఐశ్వర్యం కలుగుతుంది!

ప్రతీ సంవత్సరం వరూధిని ఏకాదశి మార్చి లేదా ఏప్రిల్ నెలలో వస్తుంది. ఈ సంవత్సరం, వరూధిని ఏకాదశి 24 ఏప్రిల్ 2025, గురువారం నాడు ఉంది. ఈ సంవత్సరం వరూధిని ఏకాదశి నాడు బ్రహ్మ, ఇంద్ర యోగాల పవిత్ర కలయిక ఏర్పడుతోంది. జ్యోతిషశాస్త్రంలో ఈ రెండు యోగాలను ఎంతో పవిత్రమైనదిగా భావిస్తారు.

వరూధిని ఏకాదశి

ఏకాదశి ఉపవాసం విష్ణు మూర్తికి అంకితం చేయబడింది. వరూథిని ఏకాదశి రోజున భక్తులు విష్ణుమూర్తిని పూజించి, ఆయన అనుగ్రహం పొందడానికి ఉపవాసం కూడా ఆచరిస్తారు. ఈ రోజున కొన్ని వస్తువులను దానం చేయడం వల్ల శ్రీ హరిని ప్రసన్నం చేసుకోవచ్చు.

జ్యోతిష శాస్త్రం ప్రకారం, వివాదాలను పరిష్కరించడానికి ఇంద్ర యోగం, ఆస్తికి సంబంధించిన పనులను పరిష్కరించడానికి బ్రహ్మ యోగం పవిత్రమైనదిగా భావిస్తారు. ఈ రెండు యోగాలు కూడా మతపరమైన పనులకు పవిత్రమైనవిగా భావిస్తారు.

వరూధిని ఏకాదశి రోజున ఏం దానం చేయాలి?

• వరూధిని ఏకాదశి రోజున, పేదలకు ఆహారం, పండ్లు, డబ్బును దానం చేయండి.
• ఈ రోజున ఆవులను దానం చేయడం కూడా శుభప్రదంగా భావిస్తారు.
• ఈ రోజున నువ్వులతో చేసిన వస్తువులను కూడా దానం చేయవచ్చు.

వరూధిని ఏకాదశి ఉపవాస సమయం

వరూధిని ఏకాదశి ఉపవాస దీక్ష ఏప్రిల్ 25, 2025, శుక్రవారం నాడు ఆచరించాలి. ఉపవాస దీక్షకు మంచి సమయం ఉదయం 05.46 నుండి 08.23 గంటల వరకు ఉంది.

వరూధిని ఏకాదశి నాడు ఏం చేయాలి?

1. వరూధిని ఏకాదశి వ్రతాన్ని ఆచరిస్తే సకల దోషాలు తొలగిపోతాయి. ఈరోజు మహావిష్ణువు అవతారమైనటువంటి వాహన మూర్తిని పూజించడం వలన మంచి ఫలితం ఉంటుంది. కొంతమంది శ్రీకృష్ణుడిని కూడా ఆరాధిస్తారు.
2. వరూధిని ఏకాదశి నాడు మధురాష్టకం పఠిస్తే కష్టాల నుంచి బయటపడొచ్చు. ఐశ్వర్యం, సంతోషం, ప్రేమ కలుగుతాయి.
3. కష్టాల నుంచి బయటపడడానికి ఈరోజు గజేంద్రమోక్షాన్ని పఠిస్తే కూడా మంచిది.
4. ఈరోజు విష్ణు సహస్రనామం పఠిస్తే భక్తి, ముక్తి కలుగుతాయి.
5. ఈరోజు పాపాలకు ప్రాయశ్చిత్తంగా భగవద్గీతలోని 11వ అధ్యాయం పఠిస్తే మంచిది.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.