Today Rasi Phalalu: ఈరోజు ఈ రాశుల వారికి అధిక ఖర్చులు, మానసిక ఒత్తిడి.. మీ రాశికి ఎలాంటి ఫలితాలు ఉన్నాయంటే..?

రాశిఫలాలు (దిన ఫలాలు) : 26.01.2025

ఆయనము: ఉత్తరాయనం, సంవత్సరం: శ్రీ క్రోధినామ

మాసం: పుష్యం, వారం : ఆదివారం, తిథి : కృ. ద్వాదశి, నక్షత్రం : జ్యేష్ట

మేషం

ఈరోజు ఈ రాశి వారికి గత మాసం కంటే వృత్తివ్యాపారాల్లో అనుకూలత కల్గుతుంది. మీ సామాజికపరిధి గౌరవ ప్రదంగా విస్తరింపబడుతుంది. దూరప్రయాణాలు, ఖర్చులు తప్పవు. ఉదర రక్తసంబంధ అనారోగ్యమునకు చికిత్స అవసరమవుతుంది.

వృషభం

ఈరోజు ఈ రాశి వారికి ఆర్థిక పరంగా ఇబ్బందులు ఉండవు. విదేశీవీసాలు, ఇతర దేశప్రయాణాలు కలసి వస్తాయి. ధైర్యంతో కార్యసిద్ధి కల్గుతుంది. విద్యా వికాసం కల్గుతుంది. రక్తపోటు నియంత్రణ విషయంలో శ్రద్ధ అవసరం. ధనం నిల్వచేస్తారు.

మిథునం

ఈరోజు ఈ రాశి వారికి మీ ఆశయాలను, లక్ష్యాలను మననం చేసుకుని, అవరోధాలను అధిగమించి, సహనం మరియు శాంతస్వభావంతో అన్నింటిలోనూ విజయం సాధిస్తారు. వాహనచోదకులు ప్రయాణాలలో జాగ్రత్తగా ఉండాలి.

కర్కాటకం

ఈరోజు ఈ రాశి వారికి ఆర్థికవిషయాల్లో శ్రద్ధ అవసరం. అనవసర ఖర్చులు తగ్గించుకోవాలి. మీ ఉద్యోగ జీవితంలో సమస్యలు, కొంత మానసిక ఒత్తిడి, వాదనలకు దూరంగా ఉండాలి. ముఖ్యంగా గుండె మరియు పొట్టకు సంబంధించిన ఆరోగ్యసమస్యలు పెరుగుతాయి.

సింహం

ఈ రాశి వారికి విలాసాలను అనుభవిస్తారు. సమస్త కోరికలు నెరవేరుతాయి. సంపద, ఆస్తి కూడబెట్టు కునే అవకాశం ఉంది. ఆస్తి, పేరు, కీర్తి, మంచి ఆదాయం, కుటుంబంలో ఆనందం, మంచిఆరోగ్యం కల్గుతాయి.

కన్య

ఈ రోజు ఈ రాశి వారికి ఆరోగ్యం పట్ల నిరంతరభయం. మార్గావ రోధాలను నిరోధించుటకు దూరప్రయాణాలు మానండి. అధికారుల వలన గానీ లేదా ప్రభుత్వం నుండి గుర్తింపు లేదా ప్రతిఫలం వస్తుంది.

తుల

ఈరోజు ఈ రాశి వారికి రావలసిన బాకీలు వసూలు అవుతాయి. సోదరవర్గంవారి అండదండలుంటాయి. ప్రణాళికలతో చేపట్టిన కార్యక్రమాలు విజయవంతం చేస్తారు. పుత్రసంతానప్రాప్తి. కోర్టువిషయాలు అనుకూలం.

వృశ్చికం

ఈరోజు ఈ రాశి వారికి న్యాయస్థానాల చుట్టూ తిరగడం, ధన వ్యయం, బంధనయోగం పొంచి ఉంది. తల నొప్పి, కంఠం సంబంధిత అనారోగ్య సూచనలు. నెలాఖరునుంచి సుబ్రహ్మణ్య ఆరాధన, అభిషేకం ఉపశమనాన్ని ఇస్తుంది.

ధనుస్సు

ఈరోజు ఈ రాశి వారికి అధికార హోదా పెరగడం, ఖర్చులు అధికమవుతాయి. ఆరోగ్యం సామాన్యం. గృహమున శుభకార్యాలు ఆలస్యమయ్యే అవకాశం ఉంది. వృత్తిపరంగా అనుకూలం.

మకరం

ఈ రాశి వారికి గతంనుంచి పేచీలతో సాగుతున్న వైవాహికబంధాలు ఒక కొలిక్కి వచ్చి విముక్తు లవుతారు. సహనాన్ని అలవరచుకోవడం మంచిది.

కుంభం

ఈరోజు ఈ రాశి వారికి పై అధికారులు మిమ్ములను ప్రశంసిస్తారు. పలుకుబడి, గుర్తింపు పొందుతారు. కుటుంబం మరియు స్నేహితులు మిమ్మల్ని గౌరవిస్తారు. సామాజికపరంగాకూడా ప్రశంసలు పొందుతారు. ఆరోగ్యం అనుకూలం.

మీనం

ఈ రోజు ఈ రాశి వారికి జీవితం ఉల్లాసంగా ఉంటుంది. సంతృప్తికరమైన ఆదాయాన్ని మరియు వృద్ధిని పొందు తారు. జీవితభాగస్వామితో మీ సంబంధంకూడా మధురంగా మరియు మృదువైనదిగా ఉంటుంది. మానసిక ప్రశాంతత లభిస్తుంది. మీ సంకల్పశక్తిని పెంచుతుంది.