ఈరోజే వరూథిని ఏకాదశి.. ఈరోజు ఏం చేయాలి, ఏం చేయకూడదో తెలుసుకోండి!
ఈ సంవత్సరం వరూథిని ఏకాదశి ఏప్రిల్ 24న వచ్చింది. ఈరోజు శ్రీమహావిష్ణువుని ఆరాధించడం వలన శుభ ఫలితాలను పొందవచ్చు. వరూథిని ఏకాదశి నాడు ఉపవాసం ఉండడం, దానాలు చేయడం వలన శుభ ఫలితాలు ఉంటాయి. అలాగే ఈ రోజు శ్రీమహావిష్ణువుని ఆరాధిస్తే సకల శుభాలు కలుగుతాయి, సంతోషంగా జీవించవచ్చు.
ప్రతీ సంవత్సరం చైత్రమాసం కృష్ణపక్షం ఏకాదశి నాడు వరూథిని ఏకాదశిని జరుపుకుంటాము. ఈ సంవత్సరం వరూథిని ఏకాదశి ఏప్రిల్ 24న వచ్చింది. ఈరోజు శ్రీమహావిష్ణువుని ఆరాధించడం వలన శుభ ఫలితాలను పొందవచ్చు. విష్ణుమూర్తి ప్రత్యేక ఆశీస్సులు లభిస్తాయి. పాపాలు అన్నీ తొలగిపోయి, సంతోషంగా ఉండొచ్చు. వరూథిని ఏకాదశి నాడు ఎటువంటి పొరపాట్లు చేయకూడదు, ఎటువంటి వాటిని పాటిస్తే మంచిది వంటి వివరాలని ఇప్పుడు తెలుసుకుందాం.
వరూథిని ఏకాదశి నాడు ఉపవాసం ఉండడం, దానాలు చేయడం వలన శుభ ఫలితాలు ఉంటాయి. అలాగే ఈ రోజు శ్రీమహావిష్ణువుని ఆరాధిస్తే సకల శుభాలు కలుగుతాయి, సంతోషంగా జీవించవచ్చు. అదృష్టం కూడా కలిసి వస్తుంది. ప్రతీ ఏకాదశి రోజు విష్ణుమూర్తిని, లక్ష్మీదేవిని ఎలా అయితే ఆరాధిస్తారో అలాగే వరూథిని ఏకాదశి నాడు కూడా ఆరాధించాలి.
వరూథిని ఏకాదశి పూజ, ఉపవాసం
ఉదయాన్నే నిద్ర లేచి తలస్నానం చేసి మహా విష్ణువుని ఆరాధించి, ఉపవాస దీక్షని మొదలుపెట్టాలి, ఈరోజు విష్ణుమూర్తితో పాటుగా లక్ష్మీదేవిని కూడా ప్రత్యేకించి ఆరాధించాలి. ఈరోజు తోచినది దానం చేయడం.. పేదలకు, లేని వారికి అవసరాన్ని బట్టి సహాయం చేయడం వలన శుభ ఫలితాలను పొందవచ్చు.
వరూథిని ఏకాదశి నాడు ఏం చేయాలి, ఏం చేయకూడదు?
- వరూథిని ఏకాదశి నాడు ఉపవాసం ఉన్నవారు అన్నం, నూనె, ఉప్పుతో చేసిన ఆహార పదార్థాలను తినకూడదు. అలా చేయడం వలన విష్ణుమూర్తికి కోపం వస్తుంది. పాలు, పండ్లు తీసుకోవచ్చు.
- నైవేద్యాలని పెట్టేటప్పుడు సాత్విక ఆహారాన్ని మాత్రమే నివేదన చేయాలి. విష్ణుమూర్తికి సంబంధించిన వాటిని మాత్రమే నైవేద్యంగా పెట్టాలి.
- వరూథిని ఏకాదశి చాలా పవిత్రమైనది. ఈరోజు సాత్విక ఆహారాన్ని మాత్రమే తీసుకోవాలి. మాంసం, మద్యం వంటి వాటికి దూరంగా ఉండాలి.
- వరూథిని ఏకాదశి నాడు విష్ణుమూర్తి మంత్రాలను జపిస్తే శుభ ఫలితాలను పొందవచ్చు. విష్ణుమూర్తి ప్రత్యేక అనుగ్రహం కూడా కలుగుతుంది.
- ఈ పవిత్రమైన రోజున పెద్దవారిని అవమానించడం, దూషించడం వంటివి చేయకూడదు.
- దుస్తులు, ఆహారం, డబ్బు, చల్లటి పానీయాలు, పండ్లు వంటివి దానం చేయడం వలన శుభ ఫలితాలను పొందవచ్చు. విష్ణుమూర్తి అనుగ్రహంతో సంతోషంగా ఉండొచ్చు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
సంబంధిత కథనం