ఈరోజు రాశి ఫలాలు.. వీరికి అష్టమ రవి, బుధుల ప్రభావంతో అనారోగ్య సూచన

ఈరోజు రాశి ఫలాలు (దిన ఫలాలు), తేదీ 23.09.2023

వారం: శనివారం, తిథి: అష్టమి, 

నక్షత్రం: మూల, మాసం: భాద్రపదం, 

సంవత్సరం: శోభకృత్‌ నామ, అయనం: దక్షిణాయనం

మేషరాశి

మేష రాశి వారికి ఈ రోజు మీకు అన్ని విధాలుగా కలసివచ్చును. మాతృ స్థానములో శుక్రుని ప్రభావం వలన కుటుంబ సౌఖ్యం, ఆనందం పొందెదరు. లాభస్థానములో శని అనుకూలత వలన వృత్తి ఉద్యోగ వ్యాపారాలలో అనుకూల ఫలితాలుండును. జన్మరాశియందు గురు, రాహువుల ప్రభావంచేత ఒత్తిళ్ళు కలుగు సూచన. మరింత శుభఫలితాల కోసం నవగ్రహ పీడాహర స్తోత్రాన్ని పఠించండి. వేంకటేశ్వరస్వామిని పూజించడం, సుప్రభాతం వినడం చదవడం వలన శుభఫలితాలు కలుగుతాయి.

వృషభ రాశి

వృషభ రాశి వారికి ఈ రోజు మీకు మధ్యస్థం నుండి అనుకూల ఫలితాలు ఉన్నాయి. వ్యయస్థానములో గురు, రాహువుల ప్రభావం వలన ఆర్థిక విషయాల్లో మరియు ఖర్చుల యందు జాగ్రత్తలు వహించాలి. శుక్రుడు, రవి, బుధుల అనుకూల గ్రహస్థితి వలన అనుకున్న ముఖ్యమైన పనులు పూర్తి చేసెదరు. శత్రువులపై విజయాన్ని పొందెదరు. స్త్రీలకు అనారోగ్య సమస్యలు వేధించును. విద్యార్థులకు కలసివచ్చును. పరీక్షలయందు అనుకూలత ఏర్చడును. నవగ్రహ ఆలయ ప్రదక్షిణం చేయడం మంచిది. దశరథ ప్రోక్త శని స్తోత్రాన్ని పఠించాలి. శనికి తైలాభిషేకం చేసుకోవడం మంచిది.

మిథున రాశి

మిథున రాశి వారికి ఈ రోజు మీకు అనుకూల ఫలితాలు ఉన్నాయి. లాభములో గురు, రాహువుల ప్రభావం వలన ఉద్యోగంలో అభివృద్ధి కలుగును. వ్యాపారస్తులకు వ్యాపారంలో ఆశించిన ఫలితాలేర్పడును. భాగ్యస్థానములో శని, కేంద్రస్థానములో కుజుని ప్రభావం వలన కుటుంబములో కొంత అసహనం కలుగును. స్త్రీలకు అనుకూలం. శనికి తైలాభిషేకం చేసుకోవడం మంచిది. దశరథ ప్రోక్త శని స్తోత్రాన్నిపఠించాలి. లింగాష్టకాన్ని పఠించండి.

కర్కాటక రాశి

కర్కాటక రాశి వారికి ఈ రోజు మీకు అనుకూలంగా లేదు. జన్మరాశియందు శుక్రుడు, వాక్‌ స్థానములో రవి ప్రభావం వలన ప్రతీ పనియందు చికాకులు, ఒత్తిళ్ళు అధికముగా ఉండును. అష్టమ శని ప్రభావం వలన కుటుంబం నందు, పనులయందు అశాంతి కలుగును. వ్యాపారస్తులకు అనుకూలంగా లేదు. విద్యార్థులు కష్టపడవలసిన సమయం. దశరథ ప్రోక్త శని స్తోత్రాన్ని పఠించాలి. నవగ్రహ ఆలయాలలో శనికి తైలాభిషేకం చేయించి నవగ్రహాలకు ప్రదక్షిణం చేయడం వల్ల శుభఫలితాలు కలుగుతాయి.

సింహరాశి 

సింహరాశి వారికి ఈ రోజు మీకు అనుకూలంగా లేదు. జన్మరాశియందు రవి, బుధుల ప్రభావం వలన చికాకులు, సమస్యలు అధికముగా ఉండును. ఆరోగ్య విషయంలో ఖచ్చితమైన జాగ్రత్తలు వహించాలి. వాక్‌ స్థానములో కుజుని ప్రభావం చేత కుటుంబములో గొడవలు, సమస్యలు, మనస్పర్థలు కలుగు సూచన. వ్యసనముల కోసం ధనాన్ని ఖర్చు చేసెదరు. ఖర్చులు నియంత్రించుకోవాలి. నవగ్రహ పీడాహర స్తోత్రాన్ని పఠించండి. వేంకటేశ్వరస్వామిని పూజించడం, సుప్రభాతం వినడం చదవడం వలన శుభ ఫలితాలు కలుగుతాయి.

కన్యారాశి

కన్యారాశి వారికి ఈ రోజు మీకు మధ్యస్థం నుండి అనుకూల ఫలితాలు ఉన్నాయి. జన్మరాశియందు కుజుడు, వాక్‌ స్థానమునందు చంద్రుని ప్రభావం వలన ఆవేశపూరిత నిర్ణయాలకు దూరంగా ఉండాలని సూచన. మీ మాటల వల్ల ఎదుటివారికి ఇబ్బంది కలుగును. ప్రయాణముల కోసం మీరు చేయు ప్రణాళిక సత్ఫలితాలిచ్చును. వ్యయస్థానములో రవి, బుధుల ప్రభావం వలన ముఖ్యమైన పనుల కోసం ధనాన్ని ఖర్చు చేసెదరు. లాభములో శుక్రుని ప్రభావం వలన ఆర్థికపరమైనటువంటి విషయాలు కలిసివచ్చును. నవగ్రహ ఆలయ ప్రదక్షిణం చేయడం మంచిది. దశరథ ప్రోక్త శని స్తోత్రాన్ని పఠించాలి. శనికి తైలాభిషేకం చేసుకోవడం మంచిది.

తులా రాశి

తులారాశి వారికి ఈరోజు మీకు కలసివచ్చును. ప్రయాణం కోసం మీరు చేయు ప్రయత్నములు ఫలించును. పంచమంలో శని అనుకూల ప్రభావం వలన సంతానం వలన ఆనందము కలుగును. కళత్ర స్థానములో గురు, రాహువులు జన్మస్థానం నందు కేతువు మరియు వ్యయస్థానమునందు కుజుని ప్రభావం వలన కుటుంబ సభ్యులతో వాదనలు కలుగును. వివాదాలకు దూరంగా ఉండాలని సూచన. శనికి తైలాభిషేకం చేసుకోవడం మంచిది. దశరథ ప్రోక్త శని స్తోత్రాన్ని పఠించాలి. లింగాష్టకాన్ని పఠించండి.

వృశ్చిక రాశి

వృశ్చిక రాశికి ఈ రోజు మీకు అనుకూలంగా ఉన్నది. అర్ధాష్టమ శని ప్రభావం ఉన్నప్పటికి లాభస్థానములో కుజుడు, దశమంలో రవి, బుధుల అనుకూలత వలన వృత్తి ఉద్యోగ వ్యాపారంలో అనుకూల ఫలితాలు ఉన్నాయి. శారీరక శ్రమ కలిగినప్పటికి అనుకున్న ముఖ్యమైన పనులు పూర్తి చేసెదరు. ఆరోగ్యం అనుకూలించును. బద్దకాన్ని విడచిపెట్టాలి. విద్యార్థులకు మధ్యస్థ సమయం. దశరథ ప్రోక్త శని స్తోత్రాన్ని పఠించాలి. నవగ్రహ ఆలయాలలో శనికి తైలాభిషేకం చేయించి నవగ్రహాలకు ప్రదక్షిణం చేయడం వల్ల శుభఫలితాలు కలుగుతాయి.

ధనూ రాశి

ధనూరాశి వారికి ఈరోజు మీకు మీకు కలసివచ్చును. తృతీయ స్థానములో శని అనుకూల ప్రభావం, పంచమంలో గురుని అనుకూల ప్రభావం దశమంలో, కుజుని అనుకూల ప్రభావంచేత నిరుద్యోగులకు ఉద్యోగ అవకాశాలు లభించును. ఉద్యోగస్తులకు ఉద్యోగంలో లాభదాయకంగా ఉండును. వ్యాపారస్తులకు ఈవారం కలసివచ్చును. విద్యార్థులకు ఈవారం పరీక్షలలో అనుకూల ఫలితాలు వచ్చును. అష్టమ శుక్రుని ప్రభావం వలన ఆరోగ్య విషయాలయందు జాగ్రత్తలు వహించాలి. వేంకటేశ్వరస్వామిని పూజించడం, సుప్రభాతం వినడం చదవడం వలన శుభఫలితాలు కలుగుతాయి.

మకర రాశి

మకరరాశి వారికి ఈ రోజు మీకు అంత అనుకూలంగా లేదు. అష్టమ రవి, బుధుల ప్రభావం వలన మకరరాశి వారు ఆరోగ్య విషయాల్లో ఖచ్చితమైన జాగ్రత్తలు వహించాలి. అర్జాష్టమ శని ప్రభావం వలన వృత్తి ఉద్యోగ వ్యాపారంలో చికాకులు ఇబ్బందులు ఏర్పడును. ఖర్చులు నియంత్రించుకోవాలని సూచన. ఉద్యోగస్తులకు కష్ట సమయం. మనస్తాపం కలుగు సూచనలు. నవగ్రహ ఆలయ ప్రదక్షిణం చేయడం మంచిది. దశరథ ప్రోక్త శని స్తోత్రాన్ని పఠించాలి. శనికి తైలాభిషేకం చేసుకోవడం మంచిది.

కుంభ రాశి

కుంభ రాశి వారికి ఈ రోజు మీకు అనుకూలంగా లేదు. అష్టమ కుజుడు, జన్మరాశి యందు శని (ఏలినాటి శని) ప్రభావం చేత ఆరోగ్య విషయాలయందు ఖచ్చితమైన జాగ్రత్తలు వహించాలి. కళత్రస్థానమునందు రవి సంచారం వలన కుటుంబమునందు చికాకులు కలుగును. తృతీయ స్థానమునందు గురు, రాహువుల ప్రభావం చేత పనులుయందు ఒత్తిళ్ళు ఏర్పడును. ముఖ్యమైన పనులు పూర్తి చేసెదరు. శనికి తైలాభిషేకం చేసుకోవడం మంచిది. దశరథ ప్రోక్త శని స్తోత్రాన్ని పఠించాలి. లింగాష్టకాన్ని పఠించండి.

మీన రాశి

మీన రాశి వారికి ఈ రోజు మీకు మధ్యస్థ ఫలితాలు ఉన్నాయి. ఏలినాటి శని ప్రభావం, అష్టమస్థానమునందు కేతువు ప్రభావంచేత అనారోగ్య సమస్యలు వేధించును. ఆరోగ్య విషయాలయందు శ్రద్ధ వహించడం మంచిది. ఉద్యోగస్తులకు ఉద్యోగంలో రాజకీయ ఒత్తిళ్ళు ఏర్పడును. వ్యాపారస్తులకు ధననష్టం కలుగు సూచన. విద్యార్థులకు మధ్యస్థ సమయం. నవగ్రహ ఆలయాలలో శనికి తైలాభిషేకం చేయించి నవగ్రహాలకు ప్రదక్షిణం చేయడం వల్ల శుభఫలితాలు కలుగుతాయి.

-బ్రహ్మశ్రీ చిలకమర్తి ప్రభాకర చక్రవర్తి శర్మ

మొబైల్‌ : 9494981000