Zodiac signs: సోలో ట్రావెలింగ్ సో బెటర్ అనే రాశులు ఇవే.. ప్రపంచాన్ని చుట్టేయాలనుకుంటారు-these are the zodiac signs that say solo traveling is so better they want to travel the world ,రాశి ఫలాలు న్యూస్
తెలుగు న్యూస్  /  రాశి ఫలాలు  /  Zodiac Signs: సోలో ట్రావెలింగ్ సో బెటర్ అనే రాశులు ఇవే.. ప్రపంచాన్ని చుట్టేయాలనుకుంటారు

Zodiac signs: సోలో ట్రావెలింగ్ సో బెటర్ అనే రాశులు ఇవే.. ప్రపంచాన్ని చుట్టేయాలనుకుంటారు

Gunti Soundarya HT Telugu
Jun 17, 2024 10:05 AM IST

Zodiac signs: కొంతమందికి ట్రావెలింగ్ అంటే చాలా ఇష్టంగా ఉంటుంది. ఒంటరిగా ఏదైనా ప్రదేశానికి వెళ్ళి ఎంజాయ్ చేయాలని అనుకుంటారు. ప్రపంచాన్ని చుట్టేయాలని ఆసక్తి ఈ రాశుల వారికి చాలా ఎక్కువ.

ట్రావెలింగ్ ఇష్టపడే రాశులు ఇవే
ట్రావెలింగ్ ఇష్టపడే రాశులు ఇవే (pixabay)

Zodiac signs: చాలా మందికి ఇతర ప్రదేశాలకు వెళ్లాలని, అక్కడ వింతలు విశేషాలు తెలుసుకోవాలని ఉత్సుకత ఉంటుంది. తరచూ ట్రావెలింగ్ చేసేందుకు ఇష్టం చూపిస్తారు. కొత్త ప్రదేశాలను వీక్షిస్తూ అక్కడి ప్రకృతి అందాలు చూసి మంత్రముగ్ధులు అవుతారు. ప్రపంచ యాత్రికులు కావాలని కోరుకుంటారు.

జ్యోతిషశాస్త్రం ప్రకారం రాశిచక్రంలో మొత్తం పన్నెండు రాశిగుర్తులు ఉన్నాయి. ఒక్కొక్కరికీ ఒక్కో ప్రత్యేక లక్షణం ఉంటుంది. అందులో కొందరు ప్రయాణం చేసేందుకు ఇష్టపడతారు. అలాంటి వ్యక్తులు దేశాన్ని, ప్రపంచాన్ని అన్వేషించడానికి ఇష్టపడతారు. ఈ వ్యక్తులకు ప్రయాణం అంటే చాలా ఇష్టం. అలాంటి వ్యక్తులు ఎక్కువ కాలం ఒకే చోట ఉండరని నమ్ముతారు.

కొంతమంది ఇంట్లో ప్రశాంతంగా కూర్చోవడానికి ఇష్టపడతారు. అదే సమయంలో ఇంకొందరు ప్రయాణాలు చేసి సరికొత్త విషయాలను తెలుసుకోవడంలో చాలా ఆసక్తిని కలిగి ఉంటారు. ఇలాంటి వాళ్ళు జీవితంలో ఎంత బిజీగా ఉన్నప్పటికీ ఎల్లప్పుడూ ప్రయాణానికి సమయాన్ని వెచ్చిస్తారు. మనసుకు అనుగుణంగా కొత్త ప్రదేశాలకు వెళ్తారు. అలా ట్రావెల్ చేసేందుకు ఇష్టం చూపించే రాశుల గురించి తెలుసుకుందాం.

మేష రాశి

మేష రాశి జాతకులకు ప్రయాణాలు అంటే చాలా ఎక్కువగా ఇష్టపడతారు. కొత్త ప్రదేశాలను సందర్శించడం ద్వారా వారికి సాంత్వన లభిస్తుంది. ఇతరులతో కాకుండా ఒంటరిగా ప్రయాణాలు చేసేందుకు ఆసక్తి చూపిస్తారు. ఇతరుల మద్దతు ఎప్పుడూ కోరుకోరు. వారు ట్రెక్కింగ్, రివర్ రాఫ్టింగ్, స్కై డైవింగ్ మొదలైనవాటిని ఇష్టపడతారు.

వృషభ రాశి

నిజానికి వృషభ రాశి వారిని అర్థం చేసుకోవడం చాలా కష్టం. అయితే ఈ రాశుల వారు కూడా సోలో ట్రావెల్ ప్రియులు. సుఖాల్లో జీవితం గడపడం కంటే కొత్త ప్రదేశాలను అన్వేషించడానికే ఎక్కువ ఆసక్తి చూపుతారు. వారు వ్యక్తులతో కలవడానికి ఇష్టపడరు. ఎక్కువగా వారు ప్రశాంతమైన వాతావరణం, మనసుకు శాంతి, ఓదార్పు ఇచ్చే ప్రదేశాలలో తిరుగుతూ ఆనందిస్తారు.

కన్యా రాశి

ప్రయాణాలను ఎక్కువగా ఇష్టపడేవారి జాబితాలో కన్యా రాశి వారు కూడా ఉన్నారు. ఒకే చోట కూర్చోవడానికి అసలు ఇష్టపడరు. సోలో ట్రావెలింగ్‌తో పాటు ఆహారం, షాపింగ్‌పై కూడా వీరికి చాలా ఆసక్తిని కలిగి ఉంటాడు. ఇది మాత్రమే కాదండోయ్ వివిధ ప్రదేశాల నుండి ప్రసిద్ధ వస్తువులను సేకరించడానికి వీళ్ళు ఇష్టపడతారు.

ధనుస్సు రాశి

ధనుస్సు రాశి వారికి ప్రపంచాన్ని అన్వేషించాలనే గాఢమైన కోరిక ఉంటుంది. వీరికి ఆధ్యాత్మిక పనుల పట్ల ఆసక్తి ఎక్కువ. అందుకే వారు ప్రయాణించడం, కొత్త సంస్కృతులను అన్వేషించడానికి ఇష్టపడతారు. ఈ రాశుల వారు మతపరమైన ప్రదేశాలకు వెళ్లేందుకు ఇష్టపడతారు. కొత్త ప్రదేశాలను సందర్శించడం ద్వారా వారు తమ జ్ఞానాన్ని పెంచుకోవడానికి తీవ్రంగా ప్రయత్నిస్తారు.

కుంభ రాశి

కుంభ రాశి వారు కూడా ప్రయాణం చేసేందుకు వచ్చే ఏ ఒక్క అవకాశాన్ని కూడా వదులుకోరు. ఇలాంటి వ్యక్తులు తరచూ వివిధ ప్రాంతాలకు వెళ్లేందుకు ఇష్టపడతారు. వారు తమ కుటుంబం లేదా స్నేహితులతో ప్రయాణించడానికి ఇష్టపడతారు. అలాంటి వ్యక్తులు బోరింగ్ ట్రిప్‌ని కూడా సరదాగా చేసుకుంటారు. సోలో ట్రిప్‌లో కూడా వారికి పెద్దగా ఇబ్బంది ఉండదు. వారు చారిత్రక ప్రదేశాలు, దేవాలయాలను అన్వేషించడానికి ఇష్టపడతారు. అక్కడి విశేషాలు తెలుసుకునేందుకు ఆసక్తి చూపిస్తారు.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.

WhatsApp channel

టాపిక్