Money luck zodiac signs: మిథున రాశిలో మూడు పెద్ద గ్రహాలు.. ఈ రాశుల భవితవ్యమే మారబోతుంది-sun mercury venus conjunction in mithuna rasi three zodiac signs get lot of money ,రాశి ఫలాలు న్యూస్
తెలుగు న్యూస్  /  రాశి ఫలాలు  /  Money Luck Zodiac Signs: మిథున రాశిలో మూడు పెద్ద గ్రహాలు.. ఈ రాశుల భవితవ్యమే మారబోతుంది

Money luck zodiac signs: మిథున రాశిలో మూడు పెద్ద గ్రహాలు.. ఈ రాశుల భవితవ్యమే మారబోతుంది

Gunti Soundarya HT Telugu
Jun 10, 2024 08:03 PM IST

Money luck zodiac signs: మరికొన్ని రోజుల్లో మూడు పెద్ద గ్రహాలు మిథున రాశిలో కలుసుకోబోతున్నాయి. దీని వల్ల త్రిగ్రాహి యోగం ఏర్పడుతుంది. రోజుల వ్యవధిలోనే మరోసారి ఈ యోగం ఏర్పడటం వల్ల కొన్ని రాశుల భవితవ్యం మారబోతుంది.

మిథున రాశిలో మూడు పెద్ద గ్రహాలు
మిథున రాశిలో మూడు పెద్ద గ్రహాలు (pixabay)

Money luck zodiac signs: జ్యోతిష్య శాస్త్రంలో సూర్యుడు, బుధుడు, శుక్రుడి కలయికను ప్రత్యేకమైనదిగా భావిస్తారు. మరి కొద్ది రోజుల్లో మిథున రాశిలోకి ఈ మూడు ప్రధాన గ్రహాలు ప్రవేశించబోతున్నాయి. 

సూర్యుడు ప్రవేశించిన వెంటనే మిథున రాశిలో త్రిగ్రాహి యోగం ఏర్పడుతుంది. ప్రస్తుతం ఈ మూడు గ్రహాలు వృషభ రాశిలో ఉన్నాయి. మొదటగా శుక్రుడు జూన్ 12న మిథున రాశిలోకి ప్రవేశిస్తాడు. తర్వాత జూన్ 14న గ్రహాల రాకుమారుడు బుధుడు ప్రవేశిస్తాడు. ఇక చివరిగా సూర్యుడు జూన్ 15న మిథున రాశి ప్రవేశం చేస్తాడు. దీంతో జూన్ 15 నుంచి మిథున రాశిలో మూడు గ్రహాల కలయిక జరుగుతుంది. అటువంటి పరిస్థితుల్లో త్రిగ్రాహి యోగం ప్రభావంతో కొన్ని రాశుల భవితవ్యం మారబోతుంది. కేవలం కొద్దిరోజులు వ్యవధిలోనే మరోసారి త్రిగ్రాహి యోగం ఏర్పడి కొన్ని రాశుల వారికి అదృష్టాన్ని ఇస్తుంది. అవి ఏవో తెలుసుకుందాం.

తులా రాశి

బుధుడు, శుక్రుడు, సూర్యుడి కలయిక తులా రాశి ప్రజలకు ప్రయోజనకరంగా ఉంటుంది. గ్రహాల గమనాన్ని మార్చడం ద్వారా ఈ రాశి జాతకుల మనసులో ధార్మిక కార్యక్రమాల పనులపై మనసు ఎక్కువగా నిమగ్నం అవుతుంది. ఆర్థిక పరిస్థితి స్థిరంగా ఉంటుంది. ఖర్చులపై పట్టు సాధిస్తారు. లవ్ లైఫ్ రొమాంటిక్ గా ఉంటుంది. కష్టకాలంలో కుటుంబ సభ్యుల మద్దతు లభిస్తుంది. ఉద్యోగంలో ప్రమోషన్ లభిస్తుంది. సూర్యుడి ప్రవేశంతో ఆర్థికంగా మీకు ప్రయోజనాన్ని ఇస్తుంది

మిథున రాశి

మిథున రాశిలోనే మూడు పెద్ద గ్రహాలైన శుక్రుడు, బుధుడు, సూర్యుడు సంయోగం చెందుతున్నాయి. ఫలితంగా వీరికి ఎంతో ప్రయోజనకరంగా ఉంటుంది. ఆదాయాన్ని పెంచుకోవడానికి అనేక కొత్త మార్గాలు చూస్తారు. ఈ మాసంలో మీరు అన్ని విషయాలలో విజయం సాధిస్తారు. మృతి జీవితంలో కొన్ని కొత్త బాధ్యతలు పొందుతారు. అదే సమయంలో మీరు మీ భాగస్వామి లేదా ప్రేమికులతో చాలా మంచి సమయాన్ని గడుపుతారు. ఉద్యోగ వ్యాపారాలకు అనుకూలమైన సమయం. కుటుంబ జీవితం ఆనందంగా ఉంటుంది. మంచి ఫలితాలు పొందుతారు. కొత్త పనులు ప్రారంభించేందుకు అనువైన కాలం ఇది. 

కన్యా రాశి

సూర్యుడు, శుక్రుడు, బుధుడి కలయిక కన్యా రాశి వారికి శుభదాయకంగా ఉంటుంది. ఈ సమయంలో మీరు చాలా సానుకూలంగా ప్రవర్తిస్తారు. ప్రతి పనిలో ఉత్సాహంగా పాల్గొంటారు. ధార్మిక కార్యక్రమాల పట్ల ఆసక్తి చూపిస్తారు. ఆరోగ్యం కూడా బాగుంటుంది. పిల్లలతో మంచి సమయాన్ని గడుపుతారు. కుటుంబ సంబంధాల్లో మాధుర్యం పెరుగుతుంది. ధన లాభం కలగడంతో ఆర్థిక పక్షం బలోపేతం అవుతుంది. గౌరవం కీర్తి ప్రతిష్టలు పెరుగుతాయి. పెట్టుబడులు లాభదాయకంగా ఉంటాయి. వైవాహిక జీవితం ఆహ్లాదకరంగా ఉంటుంది. 

ఈ మూడు రాశులు మాత్రం మూడు గ్రహాలు కలయిక వల్ల ప్రతికూల ప్రభావాలను ఎదుర్కొంటారు. ఈ సమయంలో వీరికి టెన్షన్ పెరుగుతుంది.

మకర రాశి

సహనం లోపిస్తుంది. స్వీయ నియంత్రణ చాలా అవసరం. అకడమిక్ పనులలో ఆటంకాలు ఎదురవుతాయి. మీ మీ రంగాల్లో శ్రమ అధికంగా ఉంటుంది. ఆదాయంలో ఆటంకాలు ఎదురవుతాయి. ఖర్చులు పెరుగుతాయి. 

కుంభ రాశి

ఆత్మవిశ్వాసం తగ్గుతుంది. ప్రశాంతంగా ఉండాలి. ఆరోగ్య విషయంలో జాగ్రత్త అవసరం. మీరు నిల్వ చేసుకున్న సంపద తరిగిపోయే ప్రమాదం ఉంది. మితిమీరి శ్రమించాల్సి వస్తుంది. ఖర్చులు కూడా భారంగా మారుతాయి. 

మీన రాశి

మీ భాగోద్వేగాలు అదుపులో ఉంచుకోవాలి. ఆత్మవిశ్వాసం తగ్గుతుంది. మితిమీరిన కోపాన్ని నివారించాలి. కుటుంబ బాధ్యతలు పెరుగుతాయి. ఉద్యోగంలో బదిలీకి ఆస్కారం ఉంది. 

 

 

WhatsApp channel