Vastu Tips for Money: దిండు పక్కన ఇవి పెట్టుకుని పడుకున్నారంటే దరిద్రాన్ని ఆహ్వానించినట్టే

జీవితంలో మనల్ని ఇబ్బంది పెడుతున్న ప్రతికూల శక్తులు ఎన్నో ఉంటాయి. అవేంటని మనం గుర్తించలేనప్పటికీ వీటి ప్రభావం ఇంట్లో ఆర్థిక శ్రేయస్సు, ఆరోగ్యంపై కచ్చితంగా కనిపిస్తుంది. సనాతన ధర్మం చెబుతున్న విషయం ఏంటంటే.. మన చుట్టూ ఉంటే ఎన్నో రకాల ప్రతికూల శక్తులను వదిలించుకోవడానికి వాస్తు శాస్త్రం మనకు చాలా బాగా సహాయపడుతుంది. వాస్తు అంటే కేవలం ఇంటిని నిర్మించేందుకు, శుభకార్యాలను ప్రారంభించేందుకు మాత్రమే ముఖ్యమని చాలా మంది భావిస్తారు. చాలా మందికి తెలియని విషయం ఏంటంటే కొన్ని వాస్తు సూచనల కారణంగా మనం జీవితం సంతోషం, శ్రేయస్సు, ఆరోగ్యంతో నిండిపోతుంది. అలాగే కొన్ని వాస్తు పొరపాట్ల వల్ల అనునిత్యం చికాకులు, ఆర్థిక ఇబ్బందులు, అనారోగ్యం వంటివి ఇబ్బంది పెడుతుంటాయి. వాస్తు ప్రకారం, నిద్రపోయేటప్పుడు కొన్ని వస్తువులను తల కింద లేదా దిండుకు దగ్గరగా ఉంచడం అస్సలు మంచిది కాదు.

ప్రముఖ వాస్తు శాస్త్ర నిపుణులు ఆచార్య ముకుల్ రస్తోగి ప్రకారం.. నిద్రపోయేటప్పుడు కొన్ని వస్తువులను తల కింద లేదా దిండుకు దగ్గరగా ఉంచడం జీవితంపై ప్రతికూల ప్రభావాన్ని చూపుతుంది. ఇది వ్యక్తి చేతిలో డబ్బు ఉండనివ్వదు. విజయానికి, సంతోషానికి అడ్డంకులను సృష్టిస్తుంది. వాస్తు ప్రకారం దిండు దగ్గర ఉంచకూడని వస్తువులేంటో తెలుసుకుందాం..

పడుకునేటప్పుడు దిండు దగ్గర ఉంచకూడని వస్తువులు ఏంటి?

• వాస్తు శాస్త్రం ప్రకారం.. పడుకునేటప్పుడు తల దగ్గర లేదా దిండు కింద పర్సు అస్సలు పెట్టుకోకూడదు. ఇలా చేయడం వల్ల ఇంట్లో ఖర్చులు పెరుగుతాయి. డబ్బు ఆదా చేయడం కష్టతరంగా మారుతుంది.
• చదువుకునే పుస్తకాలు, వార్తాపత్రికలు, ఫొటోలను దిండు కింద పెట్టుకుని నిద్రపోవడం కూడా మంచిది కాదు వాస్తు శాస్త్రం చెబుతోంది. ఇది జీవితంలో ప్రతికూల శక్తులను ఆహ్వానిస్తుంది. తద్వారా ఆర్థిక ఇబ్బందులు ఎదురవుతాయి.
• వాస్తు ప్రకారం.. రాత్రి పడుకునేటప్పుడు తల పక్కన వాటర్ బాటిల్ పెట్టుకోవడం వల్ల మానసిక స్థితి దెబ్బతింటుంది. మనస్శాంతి లోపిస్తుంది.
• రాత్రి నిద్రపోయేటప్పుడు తల దగ్గర మొబైల్, వాచీ, ఐప్యాడ్ లాంటి పెట్టుకోవడం కూడా మంచిది కాదని వాస్తు శాస్త్రం చెబుతోంది. ఇది మీ గదిలో నెగిటివిటీని పెంచి ఆరోగ్యాన్ని దెబ్బ తీస్తుంది. నిద్రలేమి సమస్యకు కారణమవుతుంది.
• వాస్తు ప్రకారం.. రాత్రి పడుకునేటప్పుడు తల దగ్గర గొలుసు, తాడు వంటివి కూడా పెట్టుకోకూడదు. ఇలా చేయడం వల్ల కెరీర్లో ఇబ్బందులు ఎదురవుతాయి. వృత్తిపరంగా కొన్ని చిక్కులకు ఇది కారణమవుతుంది.
• నిద్రపోయేటప్పుడు తల దగ్గర మందులు కూడా ఉంచకూడదని వాస్తు శాస్త్రం చెబుతోంది. ఇది జీవితంలో అశాంతికి దారితీస్తుంది.
• వాస్తు ప్రకారం, పడుకునేటప్పుడు షూలు, చెప్పులు వంటివి కూడా తల చుట్టూ లేదా మంచం చుట్టూ ఉంచకూడదు. ఇది జీవితంలో ప్రతికూలతను పెంచుతుంది.
• నిద్రపోయేటప్పుడు తల దగ్గర లేదా దిండు కింద బంగారు, వెండి ఆభరణాలను అస్సలు ఉంచకూడదని చెబుతారు. సనాతన ధర్మంలో ఇది చాలా అపవిత్రంగా భావిస్తారు. ఇలా చేయడం వల్ల దరిద్రాన్ని ఆహ్వానించినట్లవుతుంది. పురోగతికి ఆటంకం కలుగుతుంది. దరిద్రాన్ని దూరంగా ఉంచాలంటే వాస్త్రు ప్రకారం ఈ నియమాలను పాటించాలి.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.