సీతా నవమి ఎప్పుడు? తేదీ, సమయం వివరాలు ఇవిగో.. ఆరోజు ఇలా చేస్తే మీ భార్యాభర్తల మధ్య ప్రేమ రెట్టింపు అవుతుంది!
సీతా నవమి ఒక ముఖ్యమైన హిందూ పండుగ. హిందూమతంలో సీతా నవమికి ప్రత్యేక ప్రాముఖ్యత ఉంది. శ్రీరాముని భార్య, ఆదర్శ భారతీయ మహిళ సీతాదేవి జన్మదినంగా సీతా నవమిని జరుపుకుంటారు.
సీతా నవమి ఒక ముఖ్యమైన హిందూ పండుగ. హిందూమతంలో సీతా నవమికి ప్రత్యేక ప్రాముఖ్యత ఉంది. శ్రీరాముని భార్య, ఆదర్శ భారతీయ మహిళ సీతాదేవి జన్మదినంగా సీతా నవమిని జరుపుకుంటారు. ఈ రోజున సీతాదేవిని ప్రత్యేకంగా పూజిస్తారు.
పురాణాల ప్రకారం సీతా దేవి ఈ రోజున భూలోకం నుంచి ప్రత్యక్షమైంది. అందుకే ఈ రోజును సీతా జయంతి లేదా సీతా నవమిగా జరుపుకుంటారు. దీనిని జానకి నవమి అని కూడా అంటారు. సీతాదేవిని పూజించడం ద్వారా జీవితంలో సుఖసంతోషాలు, సౌభాగ్యాలు, సద్గుణాలు లభిస్తాయి.
సీతా నవమి తేదీ, సమయం
ఈసారి మే 5 సోమవారం నాడు సీతా నవమి వచ్చింది. నవమి తిథి మే 05, 2025 ఉదయం 07:35 గంటలకు మొదలు అవుతుంది. మే 06, 2025 ఉదయం 08:38 గంటలకు ముగుస్తుంది. కనుక మే 5 సోమవారం నాడు సీతా నవమిని జరుపుకోవాలి. ఉదయం 10:58 నుండి 01:38 గంటల వరకు పూజ చేసుకోవచ్చు. ఈ రోజున సీతాదేవిని పూజించడం వల్ల భార్యాభర్తల మధ్య ప్రేమానురాగాలు పెరుగుతాయి.
సీతా నవమి పూజా విధానం
- సీతా నవమి రోజున ఉదయాన్నే నిద్రలేచి స్నానం చేసి శుభ్రమైన దుస్తులు ధరించాలి.
- ప్రార్థనా స్థలాన్ని శుభ్రం చేసి గంగా జలంతో కడగాలి.
- రాముడు, సీతాదేవిల విగ్రహాన్ని ప్రతిష్ఠించండి. ఆ తరవాత దీపారాధన చేసి రాముడు సీతకు పూజ చేయాలి. అనంతరం సీతాదేవికి, రాముడికి హారతి ఇవ్వాలి.
- తరువాత సీతా నవమి వ్రత కథను పఠించండి. ఆ తర్వాత ఉపవాసం ఉండి రోజంతా ధ్యానించండి. సాయంత్రం మళ్లీ పూజ చేసి ప్రసాదం స్వీకరించాలి.
సీతా నవమి పరిహారాలు
- సీతానవమి నాడు 16 రకాల మేకప్ సామాన్లను సీతాదేవికి సమర్పించాలి. ఇలా చేయడం వలన అదృష్టం కలిసి వస్తుంది.
- ఈరోజు సీతాదేవికి పాయసాన్ని నైవేద్యంగా పెడితే కూడా మంచి ఫలితం ఉంటుంది. ఆ తర్వాత స్త్రీలకు ఈ ప్రసాదాన్ని పంచి పెట్టండి. ఇలా చేయడం వలన కుటుంబంలో ఆర్థిక సమస్యలు ఉండవు.
- ఈరోజు ఎర్రటి వస్త్రాన్ని సీతాదేవికి సమర్పిస్తే వైవాహిక జీవితంలో సమస్యలు తొలగిపోతాయి. భాగస్వామితో సంతోషంగా ఉండవచ్చు. ప్రేమానురాగాలు పెరుగుతాయి.
- మనస్ఫూర్తిగా ఈరోజు రాముడు సీతని ఆరాధించడం వలన విశేష ఫలితాన్ని పొందవచ్చు. జానకి స్తోత్రాన్ని రోజు చదివితే అదృష్టం కలిసి వస్తుంది.
- వైవాహిక జీవితంలో సమస్యలు తొలగిపోవాలంటే రాముడు సీతని ఆరాధించేటప్పుడు పసుపు ఉండలను సమర్పించండి.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
