Sankatahara Chaturthi: ఈరోజే సంకటహర చతుర్థి.. ఈరోజు ఏం చేయాలి, ఏం చేయకూడదు? ఉపవాస నియమాలు తెలుసుకోండి..

సంకటహర చతుర్థి నాడు వినాయకుడుని ఆరాధించి ఉపవాసం ఆచరిస్తారు. ఈసారి సంకటహర చతుర్థి 2025 జనవరి 17న వచ్చింది. ఈ రోజున వినాయకుడిని పూజిస్తారు.

ఈ ఉపవాసం యొక్క పుణ్య ఫలితం వల్ల, వ్యక్తికి సంతానం సుఖ సంతోషాలు లభిస్తాయని నమ్ముతారు. ఈరోజు ఉపవాసం సమయంలో సాయంత్రం చంద్రుడికి అర్ఘ్యం సమర్పించాలనే నియమం కూడా ఉంది.

శాస్త్రాల ప్రకారం, ఈరోజు ఉపవాసంలో కొన్ని విషయాలను అనుసరించడం వల్ల గణపతిని ప్రసన్నం చేసుకోవచ్చు. అలాగే ఆ వ్యక్తి కోరుకున్న ఫలితాలను పొందుతాడు. సంకటహర చతుర్థి రోజున ఏమి చేయాలో ఏమి చేయకూడదో తెలుసుకోండి.

సంకటహర చతుర్థి నాడు ఏం చేయాలి?

1. ఈ రోజున సూర్యోదయానికి ముందే నిద్రలేచి, స్నానం చేసి, శుభ్రమైన దుస్తులు ధరించాలి. ఆ తర్వాత వినాయకుడిని పూజించాలి.

2. పూజ సమయంలో చేతిలో నీరు వేసుకుని ఉపవాస దీక్ష చేయాలి.

3. ఈరోజు ఉపవాసం ఉండడం మంచిది.

4. వినాయకుడు, నువ్వుల లడ్డూలు, మోదకాలు మొదలైనవి సమర్పించాలి.

5. సాయంత్రం చంద్రోదయం తర్వాత చంద్రదేవునికి అర్ఘ్యం సమర్పించాలి.

6. ఈ రోజున ఉప్పు, నెయ్యి, బట్టలు, నువ్వులతో చేసిన వస్తువులను దానం చేయాలి.

7. పెద్దల ఆశీస్సులు తీసుకోవాలి.

సంకటహర చతుర్థి నాడు ఏం చేయకూడదు?

1. ఈ రోజు సూర్యోదయం తర్వాత నిద్రపోకూడదు.

2. స్నానం చేయకుండా ఆహారం తినకూడదు.

3. ఈ రోజున అబద్ధాలు చెప్పకూడదు.

4. ఉపవాసం సమయంలో పగటిపూట నిద్రపోకూడదు.

5. వాదోపవాదాలకు దూరంగా ఉండాలి.

6. మాంసం, మద్యం తీసుకోకూడదు.

సంకటహర చతుర్థి ముహూర్తం 2025:

ద్రిక్ పంచాంగం ప్రకారం, చతుర్థి తిథి 17 జనవరి 2025 ఉదయం 04:06 గంటలకు ప్రారంభమై 18 జనవరి 2025 ఉదయం 05:30 గంటలకు ముగుస్తుంది. చంద్రోదయ సమయం రాత్రి 09.09 గంటలు. అయితే, వివిధ నగరాల్లో చంద్రోదయ సమయం మారవచ్చు.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.