Phone Number Numerology: న్యూమరాలజీతో సరైన మొబైల్ నంబర్‌ను ఎలా ఎంచుకోవాలి? ఈ మార్పుతో, జీవితంలో కోరుకున్నవి పొందవచ్చు!

ఈరోజుల్లో ప్రతి ఒక్కరూ కూడా మొబైల్ ఫోన్ ని ఉపయోగిస్తున్నారు. ఎప్పుడైనా మీరు ఈ విషయాన్ని ఆలోచించారా..? మీ మొబైల్ నెంబర్ ఎలా మీ జీవితం పై ప్రభావం చూపిస్తుందని.. అదృష్ట రంగు, అదృష్ట సంఖ్య మాదిరి మొబైల్ నెంబర్ కూడా స్పెషల్ పవర్ ని కలిగి ఉంటుంది.

న్యూమరాలజీ ప్రకారం కొన్ని సంఖ్యలు పాజిటివిటీని తీసుకువస్తాయి. న్యూమరాలజీ ప్రకారం ఏ మొబైల్ నెంబర్ బావుంటుంది అనే దాని గురించి ఇప్పుడు తెలుసుకుందాం.

న్యూమరాలజీ ద్వారా మనం చాలా విషయాలను తెలుసుకోవచ్చు. భవిష్యత్తు ఎలా ఉంటుంది? ఈరోజు ఎలా ఉంటుంది? ఇలాంటి విషయాలు ఎన్నో న్యూమరాలజీ చెప్తుంది.

న్యూమరాలజీ ఎలా పని చేస్తుంది?

న్యూమరాలజీ మన జీవితానికి దిక్సూచి మాదిరి పనిచేస్తుంది. ప్రతి సంఖ్యకి కూడా ప్రత్యేక ఎనర్జీ ఉంటుంది. ఉదాహరణకు ఒకటి సంఖ్య నాయకత్వం, రెండు శాంతి.. ఇలా ప్రతి సంఖ్యకి కూడా ప్రత్యేకత ఉంటుంది.

మీ మొబైల్ నెంబర్ ఎందుకు ముఖ్యం?

మొబైల్ నెంబర్స్ కేవలం అంకెలు మాత్రం కాదు. ఒక గుర్తింపు కూడా. మీ పేరు, పుట్టిన రోజు మాదిరి మొబైల్ నెంబర్ కూడా అదృష్టాన్ని తీసుకువస్తుంది. అదృష్టాన్ని తీసుకువచ్చే సంఖ్య లేకపోతే ఇబ్బందుల్ని ఎదుర్కోవాల్సి ఉంటుంది. మీ మొబైల్ నెంబర్ మీకు అదృష్టాన్ని తీసుకువస్తే సానుకూల శక్తి ప్రవహిస్తుంది. అనుకున్న వాటిని పూర్తి చేయగలుగుతారు.

మొబైల్ నెంబర్ ద్వారా యూనిట్ అంకెను ఎలా తెలుసుకోవాలి?

ఉదాహరణకు ' 9 + 8 + 7 + 6 + 5 + 4 + 3 + 2 + 1 + 0 = 45.' ఇప్పుడు నాలుగు, ఐదు కలపండి. తొమ్మది వచ్చింది కదా? అంటే అప్పుడు యూనిట్ అంకె 9 అవుతుంది.

ఏ నెంబర్ ఏం చెప్తోంది?

ప్రతి సంఖ్యకి కూడా ఒక ప్రత్యేకత ఉంటుంది. ఏ సంఖ్యకి ఎలాంటి ప్రత్యేకత ఉందనేది ఇప్పుడు తెలుసుకుందాం..

1- నాయకత్వం, స్వాతంత్రం,కొత్త ప్రారంభం.

2- సామరస్యం, సమతుల్యత, భాగస్వామ్యాలు.

3- సృజనాత్మకత, కమ్యూనికేషన్, ఆనందం.

4- స్థిరత్వం, కృషి, ఆచరణాత్మకత.

5- సాహసం, మార్పు, స్వేచ్ఛ.

6- ప్రేమ, కుటుంబం, బాధ్యత.

7-ఆధ్యాత్మికత, ఆత్మపరిశీలన, జ్ఞానం.

8- శక్తి, విజయం, సమృద్ధి.

9- కరుణ, మానవతావాదం, ముగింపులు.

మీ లక్ష్యాలు, కోరికలతో సరిపోయే మొబైల్ నంబర్‌ ఎంచుకోవడం వలన సరైన శక్తిని ఆకర్షించడంలో సహాయపడుతుంది. ఒకవేళ మీరు కొత్త ఉద్యోగాన్ని మొదలు పెట్టాలనుకుంటే, 1 ఉన్న సంఖ్య మీ లీడర్షిప్ స్కిల్స్ ని మెరుగుపరుస్తుంది. అదే మీరు ప్రేమ కోసం చూస్తున్నట్లయితే, మీకు 6 సంఖ్య మంచిది.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.