Moving Legs: కూర్చున్నపుడు కాళ్ళు ఎందుకు కదపకూడదు? నష్టాలు తెలిస్తే ఇప్పుడే మానేస్తారు.. దరిద్రంతో పాటు ఎన్నో సమస్యలు
Moving Legs: జ్యోతిష్య శాస్త్రం ప్రకారం, కూర్చున్నప్పుడు కాళ్లు కదపడం మంచి అలవాటు కాదు. చాలా మంది కూర్చున్నప్పుడు కాళ్లు కదుపుతూ ఉంటారు. మీకు కూడా ఈ అలవాటు ఉందా? ఇది చూశారంటే మీరు ఇప్పుడే మానుకుంటారు.
మనం తెలియక చేసే చిన్న చిన్న పొరపాట్లు కూడా మనపై పెద్ద ప్రభావం పడేటట్టు చేస్తాయి. అందుకే మనం ఎలాంటి పొరపాట్లు చేసినా మన పెద్దలు సరి చేస్తూ ఉంటారు. ఇలా చేయొద్దు, అలా చేయొద్దు అని మనల్ని హెచ్చరిస్తూ ఉంటారు.
జ్యోతిష్య శాస్త్రం ప్రకారం, కొన్ని పొరపాట్ల వలన భారీ నష్టాన్ని ఎదుర్కోవాల్సి ఉంటుంది. జ్యోతిష్య శాస్త్రం ప్రకారం, కూర్చున్నప్పుడు కాళ్లు కదపడం కూడా మంచి అలవాటు కాదు. చాలా మంది కూర్చున్నప్పుడు కాళ్లు కదుపుతూ ఉంటారు. మీకు కూడా ఈ అలవాటు ఉందా? ఇది చూశారంటే మీరు ఇప్పుడే మానుకుంటారు.
- నిజానికి జ్యోతిష్య శాస్త్రం ప్రకారం కూర్చున్నప్పుడు కాళ్లు కదపడం అనేది మంచి అలవాటు కాదు. ఇలా చేయడం వలన ప్రతికూల ప్రభావం మనపై పడుతుంది.
- చాలా మంది కూర్చున్నప్పుడు కాళ్లు కదుపుతూ ఉంటారు. ఇది జాతకంలో చంద్రుని స్థానంపై ప్రతికూల ప్రభావాన్ని చూపిస్తుంది.
- చంద్రుడు మానసిక ప్రశాంతత, భావోద్వేగాలకు చిహ్నం. చంద్రుడు బలహీనంగా ఉన్నట్లయితే ఒక వ్యక్తి ఒత్తిడి, భయం, మానసిక శాంతిని ఎదుర్కోవాలి. ఇంటి వాతావరణం పై కూడా ప్రభావం పడుతుంది. శాంతిని కోల్పోవాల్సి వస్తుంది. అనారోగ్య సమస్యలు కూడా కలగొచ్చు.
ఇలాంటి ఇబ్బందులు కూడా కలగొచ్చు
- కూర్చుని కాళ్లు కదపడం మంచి అలవాటు కాదు. మానసిక స్థితిని ప్రభావితం చేయడమే కాకుండా నిర్ణయం తీసుకునే సామర్ధ్యాన్ని కూడా బలహీనంగా మారుస్తుంది.
- ఆత్మవిశ్వాసం కూడా తగ్గిపోతుంది.
- కూర్చుని కాళ్ళని కదపడం లక్ష్మీదేవిని అగౌరవపరిచినట్లు అవుతుంది. లక్ష్మీదేవి అనుగ్రహాన్ని కోల్పోవాల్సి ఉంటుంది. ఆర్థిక ఇబ్బందుల్ని ఎదుర్కోవాలి. డబ్బు రాకకు ఆటంకం కలుగుతుంది.
- ఈ అలవాటు అదృష్టాన్ని కూడా ఆపేస్తుంది. అడ్డంకులు కలిగే అవకాశం ఉంటుంది.
కాళ్ళు కదుపుతూ పూజించకూడదు
పూజ సమయంలో అస్సలు పాదాలను కదిలించకూడదు. ఇది అశుభం. పూజలో ఏకాగ్రత, అంకితభావం, మానసిక ప్రశాంతత చాలా ముఖ్యం. పాదాలని అలా కదుపుతూ ఉన్నట్లయితే ఏకాగ్రత దెబ్బతింటుంది. దేవతలకు ఆగ్రహం కలుగుతుంది. పూజ చేసిన ఫలితం దక్కదు.
తినేటప్పుడు కాళ్ళు కదపకండి
తినేటప్పుడు కూడా కాళ్ళను కదపడం మంచిది కాదు. అన్నం పరబ్రహ్మ స్వరూపం. అన్నపూర్ణను అవమానించినట్లు అవుతుంది. తినేటప్పుడు ఈ అలవాటుని మానుకోకపోతే ఆనందం తొలగిపోతుంది. శాంతి ఉండదు. శ్రేయస్సు పై ప్రభావం పడుతుంది. ఆర్థిక నష్టాలకు కూడా దారి తీస్తుంది.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
సంబంధిత కథనం