Mauni Amavasya: మౌని అమావాస్య నాడు ఈ ప్రదేశాలలో దీపం వెలిగిస్తే.. పూర్వీకులు సంతోషంగా ఉంటారు

మౌని అమావాస్యని చొల్లంగి అమావాస్య అని కూడా అంటారు. హిందూ క్యాలెండర్ ప్రకారం, పుష్య మాసంలో వచ్చే అమావాస్యని మౌని అమావాస్య అని అంటారు. ఈ సంవత్సరం మౌని అమావాస్య జనవరి 29న బుధవారం వస్తోంది. మత సంప్రదాయం ప్రకారం, పవిత్ర నదుల్లో స్నానం ఆచరించడం వలన పుణ్యం కలుగుతుంది. అలాగే మౌని అమావాస్య నాడు దానానికి కూడా ప్రత్యేక ప్రాముఖ్యత ఉంది.

మౌని అమావాస్యనాడు పూర్వికులకి తర్పణం, పిండ ప్రధానం, దానం చేయడం వలన విశేష ఫలితాలను పొందవచ్చు. వీటికి సంబంధించిన ముఖ్య విషయాలను ఇప్పుడు మనం తెలుసుకుందాం.

మౌని అమావాస్య నాడు స్నాన, దానాలకు శుభ ముహూర్తం

అమావాస్య తిథి 28 జనవరి 2025 రాత్రి 7:35 నుంచి 29 జనవరి 2025 సాయంత్రం 6:05 వరకు ఉంటుంది. బ్రహ్మ ముహూర్తం 29 జనవరి 2025 ఉదయం 5:25 నుంచి ఉదయం 6:18 వరకు వుంది.

పూర్వికుల కోసం ఎందుకు దీపం వెలిగించాలి?

1. పురాణాల ప్రకారం, అమావాస్యనాడు పూర్వికులు భూమిపైకి వస్తారు. ఈరోజు వారసుల నుంచి జల సమర్పణ, దానాలు, పిండాలని ఆశిస్తారు.
2. పూర్వికులకు ఈరోజు పిండ ప్రధానం చేయడం, దానాలు చేయడం వలన ఆత్మ సంతృప్తి కలుగుతుందని చెప్తారు.
3. పూర్వికులు సంతోషంగా ఉన్నట్లయితే కుటుంబం కూడా సంతోషంగా ఉంటుంది.
4. ఈరోజు సాయంత్రం పూర్వీకులు ఈ లోకానికి తిరిగి వస్తారు. అలాంటి పరిస్థితుల్లో చీకటి లేకుండా దీపాలని వెలిగిస్తారు. ఈరోజు దీపాలని వెలిగించడం వలన పూర్వీకులు తమ లోకానికి సులభంగా తిరిగి వస్తారని నమ్ముతారు.
5. అలాంటి పరిస్థితుల్లో పూర్వీకులకు దీపం వెలిగించిన వారు విశేష ఫలితాలను పొందుతారు. అందుకనే అమావాస్యనాడు పూర్వికులకు దీపాలను వెలిగిస్తారు.

ఎప్పుడు దీపాలను వెలిగించాలి?

మౌని అమావాస్యనాడు సూర్యాస్తమయం తర్వాత అంటే ప్రదోషకాలంలో పూర్వీకులకు దీపాలను వెలిగిస్తే విశేష పలితాలని పొందవచ్చు. సూర్యాస్తమయం సాయంత్రం 5:58కి అవుతుంది. అలాంటి పరిస్థితుల్లో ఈ సమయం తర్వాత పూర్వికులకు దీపాలను వెలిగించవచ్చు.

మౌని అమావాస్య నాడు ఎలా దీపారాధన చేయాలి?

1. మౌని అమావాస్యనాడు దీపారాధన చేసేటప్పుడు ముందు ఒక మట్టి ప్రమిదిని తీసుకుని, శుభ్రంగా నీటితో కడిగి ఆరబెట్టాలి.
2. ఈ ప్రమిదిలో కొంచెం ఆవాల నూనె వేసి వత్తులు వేసి దీపాన్ని వెలిగించాలి.
3. ఈ దీపాన్ని ఇంటి బయట దక్షిణం వైపు ఉంచడం మంచిది.

రాత్రి మొత్తం

ఈ దీపం రాత్రి అంతా వెలిగేటట్టు చూసుకోండి. కావాలంటే నువ్వుల నూనెతో అయినా దీపారాధన చేయొచ్చు. మీ పూర్వీకుల ఫోటో ఉంటే వారి ఫోటో ముందు కూడా దీపారాధన చేయొచ్చు.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.