ఈరోజే పంచగ్రహ కూటమితో ఏర్పడిన మహా శివయోగం, మాస శివరాత్రి.. ఇలా చేస్తే ఆయుష్షు, యశస్సు, ధన లాభంతో పాటు ఎన్నో!

చిలకమర్తి పంచాంగం రీత్యా, దృక్‌సిద్ధాంత పంచాంగ గణితం ఆధారంగా 26 ఏప్రిల్‌ 2025 శనివారం ఉదయం 8 గంటల 35 నిముషాల వరకు త్రయోదశి తిథి, తదుపరి రాత్రి వరకు చతుర్దశి తిథి ఉండడం చేత 26 ఏప్రిల్‌ 2025 మాస శివరాత్రి ఏర్పడిరదని ప్రముఖ ఆధ్యాత్మికవేత్త, పంచాంగకర్త బ్రహ్మశ్రీ చిలకమర్తి ప్రభాకర చక్రవర్తి శర్మ తెలిపారు.

ఉదయం త్రయోదశి ఘడియలలో శని త్రయోదశి పూజలు ఆచరించడానికి, సాయంత్రం ప్రదోషకాల సమయంలో, అర్ధరాత్రి లింగోద్భవ కాల సమయంలో చతుర్దశి తిథి వ్యాప్తి ఉండడం చేత మాస శివరాత్రి ఆచరించుకోడానికి శివ పూజలు చేసుకోడానికి అనుకూలమయిన సమయమని చిలకమర్తి తెలిపారు.

చంద్రుడు, శని, రాహువులు, బుధుడు, శుక్రుడుతో పంచగ్రహ కూటమి

ఇలా మాస శివరాత్రి రోజున చంద్రుడు మీనరాశిలో ఉండడం, మీన రాశిలోనే శని, రాహువులు, బుధుడు, శుక్రుడు మరియు చంద్రుడుతో కూడిన పంచగ్రహ కూటమి ఏర్పడడం చేత ఇది మహా శివ యోగముగా ఏర్పడిందని బ్రహ్మశ్రీ చిలకమర్తి ప్రభాకర చక్రవర్తి శర్మ తెలిపారు.

ఈ సమయములో చేసేటటువంటి శివారాధనకు విశేషమైన ఫలితం ఉంటుందని చిలకమర్తి తెలిపారు. ముఖ్యముగా ఏల్నాటిశని సంచరించు కుంభ, మీన, మేష రాశుల వారికి, శని ప్రభావం ఉన్న సింహ, ధను రాశుల వారికి శనివారం రోజు ఉదయం చేసే నవగ్రహ పూజలకి, శని పూజలకి, మరియు సాయంత్రం సమయంలో ఆచరించే శివారాధన, శివదర్శనాల వల్ల గ్రహ దోష నివృత్తి జరిగి శుభ ఫలితాలు పొందుతారని ప్రముఖ ఆధ్యాత్మిక వేత్త, పంచాంగకర్త బ్రహ్మశ్రీ చిలకమర్తి ప్రభాకర చక్రవర్తి శర్మ తెలిపారు.

ఉపవాస దీక్షలు, శివారాధన

1. పంచగ్రహ కూటమి ఉన్న ఈ మహాశివయోగ సమయంలో ప్రదోష కాల సమయంలో మాసశివరాత్రికి సంబంధించినటువంటి ఉపవాస దీక్షలు మరియు శివారాధన ఆచరించినటువంటివారికి శివుని అనుగ్రహం వలన శుభ ఫలితాలను పొందుతారు.
2. ఈరోజు శివాలయాలను దర్శించి అభిషేకాలు వంటివి ఆచరించుకోవడం చేత శివానుగ్రహం పొందుతారని ప్రముఖ ఆధ్యాత్మిక వేత్త, చిలకమర్తి తెలిపారు.
3. మాసశివరాత్రి రోజు పంచారామ క్షేత్రాలను కాని, ద్వాదశ జ్యోతిర్లింగాలను కాని లేదా పురాతన ప్రసిద్ధ శివాలయాలను దర్శించి అభిషేకాలు వంటివి జరుపుకోవడం చేత ఆయుష్షు, యశస్సు, ధనలాభం మరియు సౌఖ్యము కలుగునని చిలకమర్తి తెలిపారు.
4. మహా శివ యోగముతో కూడినటు వంటి మాసశివరాత్రి చాలా అరుదుగా వస్తుందని, అటువంటి ఈ మాసశివరాత్రి 26 ఏప్రిల్‌ 2025న సంభవించడం చేత ఈరోజు ఇంటియందు కాని, శివాలయములయందు కాని పూజలు నిర్వర్తించడం చేత గ్రహదోషములు తొలగి శుభఫలితాలను పొందుతారని చిలకమర్తి తెలిపారు.