జ్యేష్ఠ పౌర్ణమి ఎప్పుడు? తేదీ, శుభ ముహుర్తం, విశిష్టతతో పాటు ఎలాంటి పరిహారాలను పాటించాలో తెలుసుకోండి!

సంవత్సరానికి 12 పౌర్ణమి తిధులు వస్తాయి. జ్యేష్ఠ మాసంలో వచ్చే పౌర్ణమికి కూడా ఎక్కువ ప్రాధాన్యతను ఇస్తారు. ఈరోజు శుభకార్యాలని ప్రారంభించడానికి మంచి సమయమని భావిస్తారు. జ్యేష్ఠ పౌర్ణమి నాడు నదిలో స్నానం చేయడం వలన ఉత్తమ ఫలితాన్ని పొందవచ్చు. అదే విధంగా ఈరోజు లక్ష్మీదేవిని, విష్ణుమూర్తిని ఆరాధిస్తే కూడా విశేష ఫలితాలని పొందవచ్చు. ఈరోజు ఉపవాస దీక్షను ఆచరిస్తే కూడా మంచిది.

జ్యేష్ఠ పౌర్ణమి విశిష్టత

1. పౌర్ణమి నాడు సూర్యోదయానికి ముందే నిద్రలేచి ఉతికిన దుస్తులని ధరించాలి. ఆ తర్వాత పూజను ప్రారంభించాలి.
2. ఈరోజు విష్ణుమూర్తిని, లక్ష్మీదేవిని ప్రత్యేకించి పూజిస్తే ఫలితం పొందవచ్చు. ఈరోజు సత్యనారాయణ స్వామిని పూజిస్తే కూడా మంచి జరుగుతుంది.
3. ప్రవహించే నదిలో స్నానం చేయడం వలన పాపాలన్నీ తొలగిపోయి సంతోషంగా ఉండొచ్చు.
4. ఈరోజు రావి చెట్టుని పూజిస్తే కూడా విశేష ఫలితాన్ని పొందవచ్చు. ఈ విధంగా ఆచరిస్తే ఆనందం, శ్రేయస్సు కూడా కలుగుతాయి. కష్టాలు తొలగిపోతాయి.

పౌర్ణమి ఎప్పుడు వచ్చింది?

పంచాంగం ప్రకారం చూసినట్లయితే పౌర్ణమి ఉదయం 11:35 గంటలకు మొదలై, జూన్ 11 మధ్యాహ్నం 1:13 నిమిషాలకు ముగుస్తుంది. కనుక ఈ లెక్కన జూన్ 11న జరుపుకోవాలి.

జ్యేష్ఠ పౌర్ణమి నాడు ఏం చేయాలి?

• జ్యేష్ఠ పౌర్ణమి నాడు దానాలు చేస్తే మంచి ఫలితం ఉంటుంది.
• ఆహారం, బట్టలు వంటి వాటిని దానం చేయవచ్చు. అవసరమైన వాళ్లకి సహాయం చేయడం వలన కోరిన కోరికలు నెరవేరుతాయి. లక్ష్మీదేవి ఆశీస్సులు కూడా ఉంటాయి.
• పౌర్ణమి నాడు దేవాలయాలకు విరాళం ఇస్తే కూడా మంచి ఫలితం ఉంటుంది.
• ఈరోజు విష్ణుమూర్తిని, లక్ష్మీదేవిని ఆరాధిస్తే దుఃఖం, బాధలు తొలగిపోతాయి. జీవితంలో శాశ్వత ఆనందం ఉంటుంది.
• జ్యేష్ఠ పౌర్ణమి నాడు తులసి మొక్కని ఆరాదిస్తే కూడా మంచిది. ఈరోజు తులసి మొక్కను పూజిస్తే, జాతకంలో ఏమైనా లోపాలు ఉంటే తొలగించుకోవచ్చు. దానితో పాటు అదృష్టం, శాంతి కూడా కలుగుతాయి.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.