జ్యేష్ఠ పౌర్ణమి నాడు స్నానానికి ఇది మంచి సమయం.. ఈ రోజున ఏం దానం చేయాలి, ఎలాంటి పరిహారాలు పాటించాలో తెలుసుకోండి!

జ్యేష్ఠ పౌర్ణమి 2025 ముహూర్తం: హిందూమతంలో జ్యేష్ఠ పూర్ణిమకు ప్రత్యేక ప్రాముఖ్యత ఉంది. ఈ రోజున నాదీ స్నానం చేసే సంప్రదాయం ఉంది. ఈ రోజున పవిత్ర నదిలో స్నానం చేయడం ద్వారా సకల పాపాలు తొలగిపోయి ఆశించిన ఫలితాలు లభిస్తాయని నమ్ముతారు. ఈ రోజున దానం చేయడం వల్ల పూర్వికులు సంతోషించి వారి ఆశీస్సులు ఇస్తారు. ఈ రోజున విష్ణువును, శివుడిని పూజిస్తారు. జ్యేష్ఠ పూర్ణిమ ఎప్పుడు, స్నాన ముహూర్తంతో పాటు పూర్తి వివరాలను తెలుసుకోండి.

జ్యేష్ఠ పౌర్ణమి 2025 ఎప్పుడు?

పంచాంగం ప్రకారం పౌర్ణమి తేదీ 10 జూన్ 2025 ఉదయం 11:35 గంటలకు ప్రారంభమై 11 జూన్ 2025 మధ్యాహ్నం 01:13 గంటలకు ముగుస్తుంది. కనుక 2025 జూన్ 11న జ్యేష్ఠ పౌర్ణమి జరుపుకోవాలి.

జ్యేష్ఠ పౌర్ణమి స్నాన ముహూర్తం:

జ్యేష్ఠ పూర్ణిమ నాడు స్నానానికి మంచి సమయం ఉదయం 04:02 నుండి 04:42 వరకు ఉంటుంది. లేదంటే ఉదయం 10.35 గంటల నుంచి మధ్యాహ్నం 12.20 గంటల వరకు స్నానం చేయడానికి మంచిదే. జ్యేష్ఠ పూర్ణిమ రోజున ఉపవాసం ఉండి దానం చేయడం వల్ల అంతులేని పుణ్యం లభిస్తుందని నమ్ముతారు.

జ్యేష్ఠ పూర్ణిమ రోజున ఏమి దానం చేయాలి?

జ్యేష్ఠ పౌర్ణమి రోజున నీరు, ఫ్యాన్లు, శీతలీకరణ వస్తువులను దానం చేయడం పవిత్రంగా భావిస్తారు. వీటితో పాటు కీరదోసకాయ, దోసకాయ, పుచ్చకాయ, కాటన్ దుస్తులు, ఆహారం మరియు డబ్బును ఈ రోజున దానం చేయడం చాలా పవిత్రమైనదిగా భావిస్తారు.

1.తులసి మొక్కని పూజించండి

పౌర్ణమి నాడు తులసి మొక్కని ఆరాధించడం చాలా మంచిది. జాతకంలో ఏమైనా లోపాలు ఉంటే కూడా తొలగిపోతాయి. ఈ రోజు తులసి మొక్కని పూజించడం వలన అదృష్టం, శాంతి, శ్రేయస్సు కలుగుతాయి. సంతోషంగా ఉండొచ్చు.

2.మర్రి, రావి

అదే విధంగా పౌర్ణమి నాడు మర్రి, రావి చెట్లను పూజిస్తే మంచిది. వీటిని పూజిస్తే ఎంతో మంచి ఫలితం ఉంటుంది. సమస్యలు తీరుతాయి, సంతోషంగా ఉండొచ్చు. రావి చెట్టును ఆరాధించడం వలన లక్ష్మీదేవి అనుగ్రహం కూడా కలుగుతుంది. ఆర్థిక నష్టాలు కూడా తొలగిపోతాయి.

3.విష్ణుమూర్తిని ఆరాధించండి

పౌర్ణిమ నాడు విష్ణుమూర్తిని ఆరాధించడం మంచిది. ఈ రోజు సత్యనారాయణయుడిని పూజించడం వలన మహావిష్ణువు సంతోషిస్తాడు. ఆయన అనుగ్రహాన్ని కల్పిస్తారు.

4.చంద్ర దోషం నుంచి ఇలా బయటపడొచ్చు

జాతకంలో చంద్ర దోషం ఉన్నట్లయితే జీవితంలో అనేక ఇబ్బందులు వచ్చే అవకాశం ఉంది. పౌర్ణమి నాడు చంద్రుడిని ఆరాధించడం మంచిది. అలాగే చంద్రుడికి ఇష్టమైన వస్తువులను కూడా దానం చేయడం శుభప్రదం.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.