పుట్టిన రోజు నాడు కొవ్వొత్తిని ఊదడం మంచిది కాదా? చాలా మంది చేసే పొరపాట్లు ఇవే!
పూజ లేదా ఇతర శుభకార్యాల్లో మొట్టమొదట మనం దీపారాధన చేస్తాము. ఇలా చేయడం వలన ఇంట్లో సానుకూల శక్తి ప్రవహిస్తుంది. మంటల్ని ఆర్పినప్పుడు, జీవితంలో ఆనందాన్ని పంచే శక్తిని నాశనం చేస్తున్నట్లు అర్థం. పుట్టిన రోజు నాడు కొవ్వొత్తిని ఊదడం మంచిది కాదా? పుట్టిన రోజు నాడు ఏం చేయాలో, ఏం చేయకూడదో తెలుసుకోండి.
జ్యోతిష్య శాస్త్రం ప్రకారం పంచభూతాలలో అగ్ని శక్తివంతమైనది, పవిత్రమైనది. శక్తి, కాంతి, కొత్త ప్రారంభం, జీవితంలో విజయానికి చిహ్నంగా పరిగణిస్తారు. పూజ లేదా ఇతర శుభకార్యాల్లో మొట్టమొదట మనం దీపారాధన చేస్తాము. ఇలా చేయడం వలన ఇంట్లో సానుకూల శక్తి ప్రవహిస్తుంది.
మంటల్ని ఆర్పినప్పుడు, జీవితంలో ఆనందాన్ని పంచే శక్తిని నాశనం చేస్తున్నట్లు అర్థం. మన గ్రంథాలలో, పుట్టినరోజుతో పాటు ఏదైనా శుభకార్యాలను ప్రారంభించేటప్పుడు మంటల్ని ఆర్పడం అశుభకరమైనది. కాబట్టి పుట్టిన రోజు నాడు మంటను ఆర్పడం మంచిది కాదు.
పుట్టిన రోజు నాడు ఇలా చేయండి:
పుట్టిన రోజు నాడు కొవ్వొత్తిని ఆర్పకండి. కేకు పక్కన ఒక కొవ్వొత్తి పెట్టి దానిని అందరితో పాటు వెలిగించండి. ఆ తర్వాత ఆ కొవ్వొత్తిని దేవుడి మందిరంలో పెట్టండి. చాకుతో కేకును కోయకుండా, ఏదైనా స్పూన్‌తో కేకును కోసి అందరికీ పంచండి. ఆ తర్వాత ఇంట్లో ఉన్న పెద్దవాళ్లు, గురువుల ఆశీర్వాదం తీసుకోండి.
సాయంత్రం కేకును కట్ చేయకూడదా?
- సాయంత్రం సూర్యాస్తమయం సమయంలో కేకు కోయడం మంచిదా కాదా అనే విషయానికి వస్తే.. సాయంత్రం పూట సానుకూల శక్తి తగ్గి, ప్రతికూల శక్తి వస్తుంది. అలాంటి సమయంలో కేకు కోయడం కంటే ఉదయం లేదా మధ్యాహ్నం సమయంలో కోయడం మంచిది. దీని వలన సానుకూల శక్తి వ్యాపిస్తుంది.
- ఈరోజు అవసరమైన వారికి దుస్తులు, కావాల్సిన సామాన్లు వంటివి దానం చేయడం మంచిది. ఒకవేళ వీలైతే ఒక మొక్కను నాటడం కూడా మంచిది.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
