Feng shui Tips for Broom: ఇంట్లో చీపురును ఎలా ఉంచాలి? ఫెంగ్ షూయి నియమాలు తెలుసుకోండి

ఇంటి సుఖసంతోషాల విషయంలో పరిశుభ్రత చాలా ముఖ్యపాత్ర పోషిస్తుంది. ఇంట్లో మురికి ఉండటం వల్ల నెగిటివ్ ఎనర్జీ వస్తుందని నమ్ముతారు. దీని వల్ల వ్యక్తి జీవితంలో ఆటంకాలు ఎదుర్కోవాల్సి వస్తుంది. ఇంట్లో గొడవలు జరిగే పరిస్థితి కూడా రావచ్చు. ఇంట్లో చెత్తను ఊడవటానికి ఉపయోగించే చీపురుకు చాలా ప్రాముఖ్యత ఉంటుంది. చీపురును హిందువులు లక్ష్మీ దేవిలా భావిస్తారు. అలాగే ఫెంగ్ షుయీ కూడా చీపురుకు చాలా ప్రాధాన్యత ఇస్తుంది. ఫెంగ్ షూయి ప్రకారం ఇంట్లో చీపురును ఉంచేందుకు కొన్ని ప్రత్యేక నియమాలను పాటించాలి. పాదాలకు చీపురును ఎప్పుడూ తాకనివ్వకూడదు. అంతేకాదు.. చీపురును సరైన దిశలో, సరైన మార్గంలో ఉంచడం కూడా అవసరమని భావిస్తారు. చీపురు విషయంలో కొన్ని జాగ్రత్తలు తీసుకోకపోతే అది పేదరికానికి దారితీస్తుందని కూడా ఫెంగ్ షూయిలో పేర్కొన్నారు. ఫెంగ్ షుయ్ ప్రకారం ఇంట్లో చీపురును ఎలా ఉంచాలో తెలుసుకుందాం.

చీపురు ఎక్కడ ఉంచకూడదు?

• ఫెంగ్ షుయ్ ప్రకారం, చీపురును బహిరంగ ప్రదేశంలో విడిచిపెట్టకూడదు. చీపురును ఈ విధంగా ఉంచడం చెడు శకునంగా పరిగణించబడుతుంది.
• డైనింగ్ హాల్ లో చీపురు పెట్టకూడదని ఫెంగ్ షూయిలో పేర్కొన్నారు. డైనింగ్ హాల్ లో చీపురు ఉంచడం ఆహార ధాన్యాలు, డబ్బు ప్రక్షాళనకు ప్రతీక అని చెబుతారు.
• ఫెంగ్ షుయ్ ప్రకారం, చీపురును ఇంటి వెలుపల లేదా పైకప్పుపై ఉంచకూడదు.
• వంటగదిలో లేదా ఈశాన్యంలో చీపురు ఉంచడం నిషిద్ధమని ఫెంగ్ షూయి చెబుతోంది.
• చీపురును ఎప్పుడూ నిలబెట్టి ఉంచకూడదు. నేలపై పడుకోబెట్టాలి. ఇలా నిలబెట్టి ఉంచడం వల్ల పేదరికం వస్తుందని ఫెంగ్ షూయి చెబుతోంది.
• విరిగిన, పాడైపోయిన చీపురును ఉపయోగించడం చెడు శక్తుల్ని ఆహ్వానించవచ్చని ఫెంగ్ షూయి చెబుతొంది.
• అశుభ ప్రాంతాలలో, ముఖ్యంగా మాస్టర్బెడ్‌రూంలో లేదా బాత్‌రూమ్‌లో చీపురును ఉంచకూడదని ఫెంగ్ షూయి చెబుతోంది.
• ఎవరినీ చీపురుతో కొట్టి ఇంటి నుంచి తరిమివేయకూడదని నమ్ముతారు.
• ఇది కాకుండా, రాత్రి లేదా సాయంత్రం వేళల్లో చీపురుతొ ఊడవటం మానుకోవాలని ఫెంగ్ షూయి సూచిస్తుంది. ఇది ఇంటి శ్రేయస్సుకు హాని చేస్తుందని నమ్ముతారు.

చీపురును ఎక్కడ ఉంచాలి?

• ఫెంగ్ షూయి ప్రకారం చీపురును శుభకరమైన ప్రాంతాల్లో, శుభ్రంగా ఉంచడం చాలా ముఖ్యం.
• ఫెంగ్ షుయ్ ప్రకారం, చీపురును ఎల్లప్పుడూ ఇంట్లో దాచి ఉంచండి. ఇంటిలోని సభ్యులకు ఎదురుగా కనిపించకూండా ఉండే చోటులో ఉంచాలి.
• చీపురును ఇంటి ప్రధాన ప్రవేశ ద్వారం దగ్గర ఉంచడం మంచిది. ఇది దురదృష్టాన్ని దూరం చేసే మరియు పాజిటివ్ ఎనర్జీని ఆహ్వానించే సూచనగా భావిస్తారు.
• చీపురును ఇంటి నైరుతి లేదా పడమర దిశలో ఉంచడం సముచితంగా భావిస్తారు.
• చీపురును ఎడమ వైపు ఉంచడం ఉత్తమం. ఫెంగ్ షూయి ప్రకారం, ఇది హార్మనీ, శక్తిని అందించడంలో సహాయపడుతుంది. ఇంట్లో చీపురును ఎడమ వైపు ఉంచితే, అదృష్టం, శ్రేయస్సు వృద్ధి చెందుతుందని నమ్మకం.
• పండగలు, ప్రత్యేక రోజుల్లో చీపురు దగ్గర కొన్ని పూలు లేదా ములికలు పెట్టి పూజించడం కూడా ఇంటి శ్రేయస్సుకు దోహదం చేస్తుంది.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.