Horoscope Today । నేటి రాశి ఫలాలు.. ఈరోజు విష్ణు ఆరాధన చేస్తే అంతా మంచి జరుగుతుంది!

Horoscope Today in Telugu: తెలుగు రాశి ఫలాలు (దిన ఫలాలు) 22.03.2023

సంవత్సరం: శుభకృత్ నామ, అయనం: ఉత్తరాయనం, మాసం: చైత్రము వారం: బుధవారం, తిథి: శు. పాడ్యమి నక్షత్రం : ఉత్తరాభాద్ర

మేష రాశి :

మేషరాశి వారికి ఈ రోజు మధ్యస్థమునుండి చెడు ఫలితాలున్నాయి. మేషరాశికి జన్మరాశియందు శుక్ర, రాహువులు మరియు వ్యయస్థానము నందు రవి, బుధ, గురుల సంచారంచేత పనులు యందు ఆలస్యము మానసిక ఒత్తిళ్ళు మరియు శారీరక శ్రమ అధికముగా ఉండును. ఖర్చులు అధికమగును. ధన నష్టము సూచనలు. ఆరోగ్య విషయాల్లో జాగ్రత్త వహించాలి. వాహనాలు, గృహాలు వంటి వాటికి ధనము ఖర్చు చేయు సూచన. మేషరాశి ఉద్యోగస్తులకు అనుకూల ఫలితాలు ఉన్నప్పటికి ఉద్యోగములో పని ఒత్తిడి పెరుగును. వ్యాపారస్తులకు ఆర్థిక సమస్యలు అధికముగా ఉన్నాయి. ఖర్చులు తగ్గించుకోవాలని సూచన. మేషరాశివారు మరింత శుభ ఫలితాలు పొందడం కోసం మహా విష్ణువును ఆరాధన చేయడం మంచిది.

వృషభ రాశి :

వృషభరాశి వారికి ఈరోజు అనుకూల ఫలితాలున్నాయి. వృషభరాశివారికి లాభస్థానములో రవి, బుధ, గురుల ప్రభావంచేత చేసే పనులు అనుకూలించును. ఉద్యోగస్తులకు ఉద్యోగమునందు అనుకూలము, వ్యాపారస్తులకు వ్యాపారమునందు లాభములు కలుగును. వృషభరాశి వారికి వాక్ స్థానమునందు కుజుని సంచారం వలన గొడవలు, వాగ్వివివాదములకు దూరంగా ఉండాలి. ఖర్చులు తగ్గించుకోవాలని సూచన. వృషభరాశివారికి లాభమునందు గురుడు, దశమము నందు శని ప్రభావం చేత ఆర్ధికపరంగా లాభము చేకూరును. ఈ రోజు మరింత శుభ ఫలితాలు పొందడం కోసం వృషభరాశి వారు విష్ణు సహస్ర నామ పారాయణ చేయడం మంచిది.

మిథున రాశి :

మిథున రాశి వారికి ఈ రోజు మధ్యస్తముగా ఉంది. మిథున రాశి వారికి జన్మరాశి యందు కుజుని ప్రభావంచేత శారీరక శ్రమ, మానసిక ఘర్షణలు అధికముగా ఉండును. ఆరోగ్య విషయమునందు జాగ్రత్తలు వహించాలి. రవి, బుధ, గురులు దశమంలో ఉండటంచేత ఉద్యోగస్తులకు అనుకూల ఫలితములు. వ్యాపారస్తులకు లాభదాయకముగా ఉండును. కుజుని ప్రభావం చేత ఒత్తిళ్ళు అధికముగా ఉండును. మిథున రాశి వారు మరింత శుభ ఫలితాలు పొందడం కోసం మహా విష్ణువును ఆరాధన చేయడం మంచిది.

కర్కాటక రాశి :

కర్కాటక రాశి వారికి ఈ రోజు మధ్యస్థమునుండి ఫలితాలు ఉన్నాయి. భాగ్యమునందు రవి, బుధ, గురులు సంచారము వలన కర్కాటక రాశివారికి వృత్తి ఉద్యోగ వ్యాపారములయందు మధ్యస్థ ఫలితములు ఏర్పడుతున్నవి. దశమ స్థానమునందు శుక్ర, రాహువుల సంచారం వలన ఉద్యోగస్తులకు ఈ రోజు అనుకూలంగా ఉంది. రాజకీయ ఒత్తిళ్ళు అధికముగా ఉండును. అష్టమ శని ప్రభావంచేత ఆరోగ్య విషయంలో జాగ్రత్తలు వహించాలి. స్త్రీలు ఆరోగ్య విషయాలయందు జాగ్రత్తలు వహించాలని సూచన. విద్యార్థులకు మధ్యస్థ సమయము. ఈ రోజు మరింత శుభ ఫలితాలు పొందడం కోసం కర్కాటక రాశి వారు విష్ణు సహస్ర నామ పారాయణ చేయడం మంచిది.

సింహ రాశి :

సింహరాశి వారికి ఈ రోజు చెడు ఫలితాలున్నాయి. సింహరాశికి అష్టమ స్థానము నందు రవి, బుధ, గురుల ప్రభావం చేత ఆరోగ్య విషయాల్లో జాగ్రత్తలు వహించాలి. పనులయందు శ్రమ మరియు చికాకులు అధికమగును. ఆర్థిక విషయాలు ఇబ్బంది పెట్టు సూచన. గొడవలకు దూరంగా ఉండాలని సూచన. లాభములో కుజుని ప్రభావం చేత సింహరాశి ఉద్యోగస్తులకు అనుకూలము. వ్యాపారస్తులకు మధ్యస్థ ఫలితాలు ఏర్పడుచున్నవి. విద్యార్థులకు జాగ్రత్త వహించవలసినటువంటి సమయము. స్త్రీలు కుటుంబ విషయాలయందు, ఆరోగ్య విషయాలయందు జాగ్రత్తలు వహించాలి. సింహ రాశివారు మరింత శుభ ఫలితాలు పొందడం కోసం మహా విష్ణువును ఆరాధన చేయడం మంచిది.

కన్య రాశి :

కన్యారాశి వారికి ఈ రోజు మధ్యస్థం నుండి అనుకూల ఫలితాలున్నాయి. కళత్ర స్థానమునందు రవి, బుధ, గురుల సంచారం వలన కుటుంబమునందు కొంత చికాకులు అధికముగా ఉండును. దశమంలో కుజుని అనుకూలత వలన ఉద్యోగస్తులకు లాభదాయకముగా ఉండును. వ్యాపారస్తులకు మధ్యస్థ సమయము. శని ఆరో ఇంట అనుకూల ప్రభావంచేత అనుకున్న ప్రతీ పనియందు విజయాన్ని చూచెదరు. అష్టమ స్థానమునందు శుక్ర, రాహువుల సంచారము వలన శారీరక శ్రమ, ఒత్తిళ్ళు అధికముగా ఉండును. అయినప్పటికి మిగతా గ్రహాల అనుకూల స్థితి వలన అనుకున్న ప్రతీ పని పూర్తి చేసెదరు. ప్రయాణములు లాభించును. ధనలాభము, కీర్తి కలుగును. ఈ రోజు మరింత శుభ ఫలితాలు పొందడం కోసం కన్యారాశి వారు విష్ణు సహస్ర నామ పారాయణ చేయడం మంచిది.

తులా రాశి :

తులారాశి వారికి ఈ రోజు మధ్యస్థం నుండి అనుకూల ఫలితాలున్నాయి. పంచమంలో శని మరియు ఆరో ఇంట రవి, బుధ, గురుల ప్రభావంచేత తులారాశివారు చేసే పనులు అనుకూలించును. కళత్ర స్థానమునందు శుక్ర, రాహువులు భాగ్యస్థానమునందు కుజుని ప్రభావంచేత ఉద్యోగస్తులకు ఉద్యోగమునందు శుభఫలితములు, వ్యాపారస్థులకు లాభము కలుగును. ఆరోగ్య విషయాల యందు కుటుంబ వ్యవహారాల యందు జాగ్రత్తలు వహించాలని సూచన. విద్యార్థులకు అనుకూలమైన సమయము. మరింత శుభ ఫలితాలు పొందడం కోసం తులారాశి వారు మహా విష్ణువును ఆరాధన చేయడం మంచిది.

వృశ్చిక రాశి :

వృశ్చికరాశికి ఈ రోజు మధ్యస్థం నుండి అనుకూల ఫలితాలున్నాయి. అష్టమ కుజుని ప్రభావంచేత వృశ్చికరాశి వారికి శారీరక శ్రమ, పని ఒత్తిళ్ళు మానసిక వేదన అధికమగును. ఆరోగ్య విషయాల యందు జాగ్రత్తలు వహించాలి.రవి, బుధ, గురులు ఆరో స్థానమునందు పంచమంలో శని ప్రభావంచేత ఉద్యోగస్తులకు ఉద్యోగమునందు మధ్యస్థ ఫలితాలు, వ్యాపారస్తులకు వ్యాపారము నందు అనుకూల ఫలితములు కలుగును. విద్యార్థులకు అనుకూలమైనటువంటి సమయము, ప్రయాణములు అనుకూలించును. ఈ రోజు మరింత శుభ ఫలితాలు పొందడం కోసం వృశ్చికరాశి వారు విష్ణు సహస్ర నామ పారాయణ చేయడం మంచిది.

ధనుస్సు రాశి :

ధనూ రాశి వారికి ఈ రోజు అనుకూలముగా ఉన్నది. చతుర్థ స్థానమునందు రవి, బుధ, గురుల ప్రభావం చేత కుటుంబ సౌఖ్యము కలుగును. ఆర్థిక సమస్యల నుండి బయటకు వచ్చెదరు. పంచమ స్థానమునందు శుక్ర, రాహువుల ప్రభావంచేత కుటుంబ సౌఖ్యము, లాభము పొందెదరు. ప్రయాణములు అనుకూలించును. ధనూరాశి వారికి శని అనుకూల స్థితి వలన చేసే పనులయందు విజయము పొందెదరు. కళత్ర స్థానమునందు కుజుని ప్రభావం వలన కుటుంబ సభ్యులతో వివాదాలకు దూరంగా ఉండాలి. ఉద్యోగస్తులకు అనుకూలమైనటువంటి రోజు. వ్యాపారస్తులకు అనుకూలమైన సమయము. ధనూరాశి వారికి ఈరోజు ధనలాభము, సౌఖ్యము కలుగు సూచన. ధనూరాశి వారు మరింత శుభ ఫలితాలు పొందడం కోసం మహా విష్ణువును ఆరాధన చేయడం మంచిది.

మకర రాశి :

మకర రాశి వారికి ఈ రోజు మధ్యస్థముగా ఉన్నది. ధనస్థానమునందు శని ప్రభావంచేత ఖర్చులు అధికమగును. భ్రాతృ స్థానమునందు రవి, బుధ, గురుల ప్రభావం చేత కుటుంబమునందు సమస్యలు, వివాదాలు, మానసిక ఘర్షణలు అధికమగును. చతుర్ధ స్థానమునందు శుక్ర, రాహువులు, ఆరో స్థానమునందు కుజుడు అనుకూలించును. ఉద్యోగస్తులకు మధ్యస్థ సమయము, వ్యాపారస్తులకు మధ్యస్థ ఫలితాలు, విద్యార్థులకు అనుకూలముగా ఉన్నది. మకరరాశివారికి ఏలినాటి శని ప్రభావంచేత ధన విషయమునందు జాగ్రత్తలు వహించాలి. ఈ రోజు మరింత శుభ ఫలితాలు పొందడం కోసం మకరరాశి వారు విష్ణు సహస్ర నామ పారాయణ చేయడం మంచిది.

కుంభ రాశి :

కుంభ రాశి వారికి ఈ రోజు మధ్యస్థ ఫలితాలు ఉన్నాయి. కుంభరాశివారికి జన్మరాశియందు శని సంచారం వలన శారీరక శ్రమ, మానసిక ఒత్తిళ్ళు అధికముగా ఉండును. ధన స్థానము కుటుంబ స్థానము వాక్ స్థానము అయినటువంటి 2వ ఇంట రవి, బుధ, గురుల ప్రభావం చేత ఆర్ధిక విషయాలు, ఖర్చులలో ఆవేశపూరిత నిర్ణయాలు తీసుకొను సూచనలు. కుటుంబ సమస్యలతో వాగ్వివిదాలకు దూరంగా ఉండాలని సూచన. తృతీయ స్థానము నందు శుక్ర, రాహువులు, పంచమ స్థానముల కుజుని అనుకూలత వలన ఉద్యోగస్తులకు మధ్యస్థ సమయము. వ్యాపారస్తులకు ఖర్చులతో కూడియున్నటువంటి సమయము. పనుల యందు ఆలస్యము. కుటుంబ వ్యవహారాలయందు చికాకులు కలుగును. కుంభరాశి వారు ఈ రోజు మరింత శుభ ఫలితాలు పొందడం కోసం మహా విష్ణువును ఆరాధన చేయడం మంచిది.

మీన రాశి :

మీన రాశి వారికి ఈ రోజు మధ్యస్థ ఫలితాలు అధికముగా ఉన్నవి. జన్మరాశియందు రవి, బుధ, గురులు ప్రభావం చేత మీనరాశి వారికిశారీక శ్రమ, మానసిక ఒత్తిళ్ళు అధికమగును. మీన రాశివారు ఆరోగ్య విషయాలలో జాగ్రత్తలు వహించాలి. వ్యయస్థానము నందు శని ప్రభావంచేత మీన రాశి వారికి ఖర్చులు అధికముగా అగును. రాజకీయ ఒత్తిళ్ళు అధికముగా ఉండును. ఉద్యోగస్తులకు చెడు సమయము. వ్యాపారస్తులకు ఆర్ధిక సమస్యలు అధికముగా ఉండును. విద్యార్థులకు కష్ట సమయము. ఈ రోజు మరింత శుభ ఫలితాలు పొందడం కోసం మీన రాశి వారు విష్ణు సహస్ర నామ పారాయణ చేయడం మంచిది.

- బ్రహ్మశ్రీ చిలకమర్తి ప్రభాకర చక్రవర్తి శర్మ,

మొబైల్: 9494981000.