Home Doors Vastu: ఇంట్లో 1 నుండి 3 తలుపులు ఉంటే ఏం అవుతుంది? తలుపుల విషయంలో పాటించాల్సిన నియమాలు తెలుసుకోండి!
Home Doors Vastu: వాస్తు ప్రకారం ఇల్లు కట్టుకుంటే విజయం ఉంటుందనే నమ్మకం. ఇంట్లో 1 నుండి 3 తలుపులు ఉంటే ఏం అవుతుంది? దీని వలన ఎలాంటి శుభ ఫలితాలుంటాయి, ఎలాంటి నష్టాలు ఉంటాయి అనేది ఇక్కడ తెలుసుకోవచ్చు. మరి ఇక ఇప్పుడే పూర్తి వివరాలు చూసేద్దాం.
ఇళ్ళలో ఉన్న తలుపులు మన జీవితాలపై అనేక విధాలుగా ప్రభావం చూపుతాయి. పరోక్షంగా ఇది సంఖ్యాశాస్త్రాన్ని ఆధారం చేసుకుంటుంది. సంఖ్యాశాస్త్రంలో ప్రతి సంఖ్య వేరువేరు గ్రహాలను సూచిస్తుంది. తలుపులు చెక్కతో చేస్తారు. కాబట్టి ఇది నక్షత్రాన్ని సూచిస్తుంది. ప్రతి నక్షత్రానికి వేరువేరు వృక్ష సంకులం ఉంటుంది.
ఇంటికి ఒక తలుపే ఉంటే?
ఇంటికి ఒకే ఒక తలుపు ఉంటే అధిక శుభ ఫలితాలను పొందవచ్చు. కుటుంబంలో ఉన్న కష్టమైన పరిస్థితులు సులభంగా పరిష్కారమవుతాయి. కుటుంబంలో శాంతి, ప్రశాంతత ఉంటుంది. ఆరోగ్యంలో ఎలాంటి ఇబ్బందులు ఉండవు. ఇలాంటి ఇంట్లో నివసించేవారికి మంచి ఆత్మవిశ్వాసం ఉంటుంది. సాధారణంగా తమ పనులకు వారు ఇతరులను ఆశ్రయించరు. కానీ ఇళ్లకు ఒకే ఒక తలుపు ఉంచడం అసాధ్యం.
పిల్లల బాగా చదువుకుంటారు
పిల్లల కోసం చదువుకునేందుకు చిన్న గదిని కట్టుకోవడం సాధారణం. ఇలాంటి గదులకు ఒక తలుపు ఉంటే, పిల్లలకు చదువులో ఎక్కువ ఆసక్తి కలుగుతుంది. ఏకాగ్రతతో చదువులో పాల్గొనడానికి వీలుంటుంది. గురువుల పట్ల ప్రేమ, విశ్వాసం మరియు గౌరవంతో వ్యవహరించడానికి వీలుంటుంది. కానీ అధిక ఆత్మవిశ్వాసంతో తప్పు నిర్ణయాలు తీసుకునే అవకాశం ఉంటుంది. కాబట్టి జాగ్రత్తగా ఉండటం మంచిది. ఈ తలుపు తూర్పు లేదా ఉత్తర దిశ నుండి లోపలికి వెళ్లేలా ఉంటే మరింత మంచిది.
ఇంటికి రెండు తలుపులు ఉంటే ఏం అవుతుంది?
- ఏ ఇంట్లోనైనా రెండు తలుపులు ఉంటే అక్కడ నివసించే కుటుంబంలో ఒకరితో ఒకరు మంచి అనుబంధం ఉంటుంది. ఇలాంటి ఇళ్ళలో సాధారణంగా స్త్రీలకు లేదా ఆడపిల్లలకు ప్రత్యేక ప్రాధాన్యత లభిస్తుంది.
- ఉత్తర దిశలో ముఖ్య ద్వారం ఉండి దానికి ఎదురుగా మరొక తలుపు ఉంటే, కుటుంబ సభ్యులకు మంచి ఆరోగ్యం ఉంటుంది. ఒకరినొకరు అర్థం చేసుకొని జీవించడానికి వీలుంటుంది.
- కానీ ముఖద్వారం తలుపు మరొక తలుపు కంటే ఎత్తుగా ఉండాలి. ఇంటి ముఖ్య ద్వారం తూర్పు దిశలో ఉండి దానికి ఎదురుగా మరొక తలుపు ఉంటే, ఏ పనిని ప్రారంభించినా మంచి విజయాలు ఉంటాయి. వారి మనసు వారి అదుపులో ఉంటుంది.
- ఈ విధంగా ఇంటి తలుపులు ఉంటే అనవసరంగా ఇతరుల ప్రభావానికి లోనవ్వరు.
- విద్యార్థులకు కూడా చదువులో ప్రత్యేక ఆసక్తి కలుగుతుంది. వారి జ్ఞాపకశక్తి అధికంగా ఉంటుంది. ముఖ్య ద్వారం తూర్పు దిశలో ఉండి ఎత్తుగా ఉండటం మంచిది.
- ఇంటి ముఖ్య ద్వారం తప్పనిసరిగా దక్షిణ లేదా పశ్చిమ దిశలో ఉంటే తప్పనిసరిగా తూర్పు లేదా ఉత్తర దిశలో మరొక తలుపు ఉంచడం చాలా అవసరం. తూర్పు, ఉత్తర దిశలలో తలుపులు ఉంటే ఆ ఇంట్లో ఏ రకమైన వాస్తు దోషాలు ఉండవు.
ఇంటికి మూడు తలుపులు ఉంటే ఏమవుతుంది?
ఏ ఇంట్లోనైనా మూడు తలుపులు ఉండటం తప్పు. దీనివల్ల వాస్తు దోషం ఏర్పడుతుంది. మంచి ప్రయత్నాలు చేసినా ప్రారంభించిన పనుల్లో విజయం లభించదు. తప్పనిసరిగా మూడు తలుపులు ఉంచాల్సిన పరిస్థితి ఎదురైతే ముఖ్య ద్వారం తూర్పు లేదా ఉత్తర దిశలో ఉంచాలి. తూర్పు దిశ గోడపై ధర్మ గురువుల లేదా గురు దత్తాత్రేయుల చిత్రాన్ని ఉంచడం మంచిది.
ఈ గోడపై గురువుల మూల మంత్ర యంత్రాన్ని కూడా పెట్టచ్చు. ఈ గోడకు సంబంధించి నీలి లేదా ఆకుపచ్చ రంగులను ఉపయోగించకూడదు.
ఈ పొరపాట్లు చేయకూడదు
- అలంకరణ కోసం వంగిన లేదా ఉబ్బిన తలుపులను ఉంచకూడదు.
- ముఖ్య ద్వారానికి ఎదురుగా మెట్లు ఉంచకూడదు.
- ఈశాన్య, ఆగ్నేయ, నైరుతి, వాయువ్య మూలల్లో ముఖ్య ద్వారం ఉండకూడదు.
- ముఖ్య ద్వారం ముందు దేవాలయం లేదా అరటి చెట్టు నీడ పడకూడదు.
సంబంధిత కథనం