Yogini ekadashi 2024: యోగిని ఏకాదశి రోజు ఈ ఆరు పరిహారాలు పాటించారంటే.. అదృష్టం, ఆనందం, సంపద-follow these six nivaras on yogini ekadashi 2024 you will get luck ,రాశి ఫలాలు న్యూస్
తెలుగు న్యూస్  /  రాశి ఫలాలు  /  Yogini Ekadashi 2024: యోగిని ఏకాదశి రోజు ఈ ఆరు పరిహారాలు పాటించారంటే.. అదృష్టం, ఆనందం, సంపద

Yogini ekadashi 2024: యోగిని ఏకాదశి రోజు ఈ ఆరు పరిహారాలు పాటించారంటే.. అదృష్టం, ఆనందం, సంపద

Gunti Soundarya HT Telugu
Jul 01, 2024 11:14 AM IST

Yogini ekadashi 2024: యోగిని ఏకాదశి నాడు కొన్ని పరిహారాలు పాటించడం వల్ల విష్ణుమూర్తి అనుగ్రహం పొందుతారు. ఆనందం, అదృష్టం, సంపద లభిస్తుంది. ఈరోజు పఠించాల్సిన మంత్రాలు ఏవో తెలుసుకుందాం.

యోగిని ఏకాదశి పరిహారాలు
యోగిని ఏకాదశి పరిహారాలు

Yogini ekadashi 2024: యోగిని ఏకాదశి శ్రీ హరివిష్ణువుకు అంకితం చేయబడింది. ప్రతి సంవత్సరం జ్యేష్ఠ మాసంలోని కృష్ణ పక్ష ఏకాదశిని యోగిని ఏకాదశిగా జరుపుకుంటారు. ఈ ఏడాది జులై 2వ తేదీ యోగిని ఏకాదశి వచ్చింది.ఈ రోజు పూర్ణ భక్తితో శ్రీమహావిష్ణువును పూజించడం ద్వారా పాపాల నుండి విముక్తి పొందవచ్చు. యోగిని ఏకాదశి రోజున కొన్ని చర్యలు చేయడం వల్ల ఆర్థిక సమస్యలు తొలగిపోవడమే కాకుండా జీవితంలో ఆనందం, శ్రేయస్సు పెరుగుతుంది.

4 శుభ యోగాలతో యోగిని ఏకాదశి 

యోగిని ఏకాదశి నాడు నాలుగు శుభ యోగాలు ఏర్పడుతున్నాయి. జులై 2 ఉదయం 11.17 గంటల వరకు ధృతి యోగం ఉంటుంది. ఈ సమయంలో విష్ణుమూర్తిని ఆరాధించడం వల్ల పుణ్యఫలం లభిస్తుంది. అనంతరం ఉదయం 8.37 గంటలకు త్రిపుష్కర యోగం ఏర్పడుతుంది. జులై 3 ఉదయం 4.40 గంటల వరకు ముగుస్తుంది. ఇదే రోజు సర్వార్థ సిద్ధి యోగం కూడా వస్తుంది. ఉదయం 5.27 గంటలకు ప్రారంభమై మరుసటి రోజు 4.40 గంటల వరకు ఉంటుంది. ఈ సమయంలో విష్ణుమూర్తి ఆరాధిస్తే కష్టాలన్నీ తీరిపోతాయి. దీనితో పాటు శివ యోగం కూడా ఏర్పడుతుంది. 

యోగిని ఏకాదశి పరిహారాలు

యోగిని ఏకాదశి రోజున శ్రీ హరి విష్ణువుకు పంచామృతంతో అభిషేకం చేయండి. ఇలా చేయడం వల్ల మీ కార్యాలయంలో వచ్చే ఇబ్బందులు తొలగిపోతాయి. మీ నైపుణ్యాలను ప్రదర్శించడానికి మీకు కొత్త అవకాశాలు కూడా లభిస్తాయి.

మీ వైవాహిక జీవితంలో విబేధాలు ఏర్పడి, కష్టాలు రోజురోజుకూ పెరుగుతుంటే యోగిని ఏకాదశి రోజున తులసి తల్లిని పూజించండి. ఈ రోజున లక్ష్మీ మాత, తులసి మాతకు మేకప్ వస్తువులను సమర్పించండి. ఇలా చేయడం వల్ల దాంపత్య జీవితంలోని సమస్యలు తొలగిపోతాయి. 

యోగిని ఏకాదశి నాడు దానం చేయడం ప్రత్యేక ప్రాముఖ్యతను కలిగి ఉంటుంది. అందువల్ల మీ జీవితంలోని అన్ని కష్టాలను తొలగించడానికి యోగిని ఏకాదశి రోజున పేద లేదా నిరుపేద వ్యక్తికి ఆహారం తినిపించండి.

యోగిని ఏకాదశి నాడు శ్రీమద్ భగవద్గీత కథను పఠించడం పుణ్యమైనదిగా పరిగణిస్తారు. 

మీరు ఆర్థిక సమస్యలతో ఇబ్బంది పడుతుంటే యోగిని ఏకాదశి రోజున బ్రహ్మ ముహూర్తంలో పూర్ణ భక్తితో శ్రీమహావిష్ణువును పూజించి తమలపాకుపై ఓం విష్ణవే నమః అని రాసి భగవంతుని పాదాల చెంత సమర్పించండి. మరుసటి రోజు ఈ ఆకును పసుపు గుడ్డలో చుట్టి సురక్షితంగా ఉంచండి.

యోగిని ఏకాదశి రోజున రావి చెట్టు కింద నెయ్యి దీపం వెలిగించి పరిక్రమ చేస్తే విష్ణువు, తల్లి లక్ష్మి అనుగ్రహం లభిస్తుంది. ఇలా చేయడం వల్ల ఇంట్లో ఉన్న దరిద్రం తొలగిపోతుంది.

పఠించాల్సిన మంత్రాలు

యోగిని ఏకాదశి రోజు పూజ చేసే సమయంలో ఈ మంత్రాలు పఠించడం వల్ల విష్ణు అనుగ్రహం లభిస్తుంది. 

ఓం శ్రీ విష్ణువే చా విద్మహే వాసుదేవాయ ధీమాహి తనో విష్ణుః ప్రచోదయాత్- విష్ణు గాయత్రి మంత్రం 

మంగళం భగవాన్ విష్ణుః మంగళం గరున్వాధజః 

మంగళం పుండరీ కాక్ష మంగాలయ తానో హరిః

 

 

WhatsApp channel