Kal sarpa dosham: నాగ పంచమి నాడు కాల సర్ప దోషాన్ని వదిలించుకోవడానికి ఈ నివారణ పాటించండి

Kal sarpa dosham: ప్రతి సంవత్సరం శ్రావణ మాసంలోని శుక్ల పక్షం ఐదో రోజున నాగ పంచమి పండుగను జరుపుకుంటారు. ఈ రోజున నాగదేవతను పూజించడం శుభప్రదంగా భావిస్తారు. నాగ పంచమి నాడు నాగదేవతను పూజించడం ద్వారా అన్ని కష్టాలు, కాలసర్ప దోషాలు కూడా తొలగిపోతాయని నమ్ముతారు.

ధృక్ పంచాంగం ప్రకారం ఆగస్టు 9వ తేదీ శుక్రవారం శ్రావణ మాసం శుక్ల పక్షంలోని పంచమి రోజున నాగ పంచమిని జరుపుకుంటారు. ఉదయతిథి నమ్మకం ప్రకారం ఆగస్టు 9న నాగ పంచమి. పంచాగ్ ప్రకారం శ్రావణ మాసంలోని శుక్ల పక్ష నవమి ఆగస్టు 09 (ఆగస్టు 8 రాత్రి) ఉదయం 12:36 గంటలకు ప్రారంభమై ఆగస్టు 10వ తేదీ తెల్లవారుజామున 03:14 గంటలకు ముగుస్తుంది. అందుకే ఆగస్టు 09న నాగ పంచమిని జరుపుకోనున్నారు.

నాగ పంచమి ఆరాధనలో మీరు వేప, దోసకాయ, నిమ్మ, పెరుగు, అన్నం కలిపి ఒక ప్రత్యేక వంటకాన్ని తయారు చేసి నాగదేవతకు, కుల దేవతలకు సమర్పించవచ్చు. కాలసర్ప దోషం విషయంలో నాగ పంచమి రోజున శివుడిని పూజించి మహామృత్యుంజయ మంత్రం జపించాలి. గంగాజలంలో నల్ల నువ్వులను కలిపి శివునికి అభిషేకం చేయండి. వెండి లేదా రాగితో చేసిన ఒక జత పాములను కూడా పవిత్ర నదిలో వదలవచ్చు లేదా శివలింగంపై సమర్పించవచ్చు.

నాగదేవతను పూజించేటప్పుడు ఈ విషయాన్ని తప్పనిసరిగా గుర్తుంచుకోవాలి. ముఖ్యంగా నాగదేవత పూజ సమయంలో పసుపును ఉపయోగించాలి. ధూపం, దీపాలు, పూజా ద్రవ్యాలు సమర్పించిన తర్వాత నాగదేవతకు మిఠాయిలు సమర్పించాలి.

పొరపాటున కూడా ఈ పని చేయకండి

నాగ పంచమి రోజున భూమిని తవ్వడం అశుభం అని నమ్ముతారు. అంతే కాకుండా నాగ పంచమి రోజున నాగలిని కూడా భూమిలో ఉపయోగించరు. ఈ రోజు సూదిలో దారం వేయకూడదని అంటారు. ఈ రోజున పాన్ లేదా ఇనుప పాత్రను నిప్పు మీద పెట్టడం కూడా అశుభంగా భావిస్తారు.

కాలసర్ప దోష నివారణలు

కాల సర్పదోషం నివారణకు పలు చర్యలు చేపడతారు. వివాహిత స్త్రీలు కుటుంబ ఆనందం కోసం సర్ప దేవతను ఆరాధిస్తారు. ఇళ్ళలో తాడుతో పామును తయారు చేస్తారు. అలాగే పేడతో గోడపై పాము ఆకారం చేసి పూజ చేస్తారు. శివాలయాల్లో వాసుకి, శేషనాగ్ లను పూజిస్తారు. ఇలా చేయడం వల్ల కాలసర్ప దోషం తొలగించడంతో పాటు సంపద, సంతోషం, శ్రేయస్సు కలుగుతాయి. నాగపంచమి రోజు పచ్చిపాలు, వంతకాలను నాగదేవుడికి నైవేద్యంగా సమర్పించి ప్రసాదంగా తీసుకుంటారు.

నాగపంచమి రోజు పాములను పూజించడం ప్రత్యేక ప్రాముఖ్యత ఉందని శాస్త్రాలలో వివరించారు. సర్పదేవునికి తెల్లని పూలు, ధూపం, పాలు వంటిని సమర్పించి పూజ చేయాలి. అనంతరం “ఓం నవకుల్ నాగాయ విద్మహే విశాదంతాయ ధీమాహి, తన్నో సర్పన ప్రచోదయాత్” అనే మంత్రాన్ని పఠించాలి. నాగపంచమి రోజు ఈ మంత్రం పఠించడం వల్ల కాలసర్ప దోషం వల్ల బాధపడే వ్యక్తి దాని నుంచి విముక్తి పొందుతాడు. శివుడిని పూజించాలి.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.