Karthika purnima: కార్తీక పౌర్ణమి రోజు ఈ పరిహారాలు పాటించి చూడండి- మీ పేదరికం తొలగిపోతుంది
Karthika purnima: కార్తీక మాసంలో వచ్చే పౌర్ణమి చాలా పవిత్రమైనది, ప్రయోజనకరమైనదిగా పరిగణించబడుతుంది. జ్యోతిష్య శాస్త్రం ప్రకారం ఈ రోజున కొన్ని చర్యలు చేస్తే ఆర్థిక శ్రేయస్సు, లక్ష్మీదేవి దీవెనలు లభిస్తాయి. ఈ ఏడాది నవంబర్ 15న కార్తీక పౌర్ణమి వచ్చింది.
వాస్తవానికి ప్రతి నెలలో రెండు ఏకాదశు లు, ఒక పూర్ణిమ తిథి ఉంటాయి. కానీ కార్తీక మాసంలో వచ్చే ఏకాదశి, పౌర్ణమి తిథికి ప్రత్యేక ప్రాముఖ్యత ఉంది. కార్తీక మాసంలోని శుక్ల పక్షంలోని ఏకాదశిని దేవుత్తని ఏకాదశి అంటారు.
విష్ణువు నాలుగు నెలల తర్వాత యోగ నిద్ర నుండి మేల్కొంటాడు. ఈ నాలుగు నెలల కాలాన్ని చాతుర్మాసం అంటారు. అందువల్ల ఈ మాసం విష్ణువుకు చాలా ప్రీతికరమైనది. ఈ సంవత్సరం కార్తీక పూర్ణిమ 15 నవంబర్ 2024న వచ్చింది. కార్తీక పౌర్ణమి రోజును సద్వినియోగం చేసుకోవడానికి గ్రంధాలలో కొన్ని చర్యలు పేర్కొనబడ్డాయి. ఈ రోజున కొన్ని చర్యలు చేస్తే ఆనందం, సంపద, గౌరవం పెరుగుతాయని నమ్ముతారు. కార్తీక పూర్ణిమ రోజు ఎలాంటి చర్యలు తీసుకోవాలో తెలుసుకోండి.
తులసికి నీరు సమర్పించాలి
హిందూ మతంలో తులసి మొక్కను గౌరవిస్తారు. తులసి మొక్కను నిత్యం పూజించాలి. కానీ కార్తీక పూర్ణిమ నాడు తులసిని పూజించడం చాలా ప్రయోజనకరంగా భావిస్తారు. కార్తీక పూర్ణిమ నాడు తులసికి నీరు సమర్పించి సాయంత్రం తులసి దగ్గర నెయ్యి దీపం వెలిగించాలి. తులసికి నిత్యం నీళ్ళు సమర్పించి దీపం వెలిగిస్తే జీవితంలో సుఖసంతోషాలు లభిస్తాయని నమ్ముతారు.
లక్ష్మీ స్తోత్రాన్ని పఠించండి
కార్తీక పూర్ణిమ రోజున విష్ణు సహస్రనామం, లక్ష్మీ స్తోత్రాలను పఠించాలి. దీని తరువాత సాయంత్రం దీపం దానం చేయాలి. ఇలా చేయడం వల్ల జీవితంలో ఆర్థిక శ్రేయస్సు లభిస్తుందని నమ్ముతారు. దీనితో పాటు శ్రీమహావిష్ణువు, లక్ష్మీదేవి ప్రత్యేక అనుగ్రహం లభిస్తుంది.
సూర్య భగవానునికి నీరు సమర్పించండి
కార్తీక పూర్ణిమ నాడు సూర్య భగవానుడికి నీటిని సమర్పించాలి. సూర్య భగవానుడికి నీరు సమర్పించడం వల్ల శుభం కలుగుతుందని నమ్ముతారు. దీనితో పాటు జాతకంలో సూర్యుని స్థానం బలపడుతుంది. గంగా నది లేదా ఏదైనా పవిత్ర నదిలో స్నానం ఆచరించిన తర్వాత సూర్యుడికి అర్ఘ్యం సమర్పించడం వల్ల పూర్వ జన్మలో చేసిన పాపాలు తొలగిపోతాయి.
దీపదానం చేయడం
కార్తీక పూర్ణిమ రోజున దీప దానం చేయడం చాలా శుభప్రదంగా భావిస్తారు. మీరు కోరుకుంటే మీరు ఏదైనా నదిలో లేదా చెరువులో దీపాన్ని దానం చేయవచ్చు. అలా కుదరకపోతే తులసి ముందు దీపం పెట్టుకోవచ్చు. దీపదానం చేయడం వల్ల శని, రాహు, కేతు, యమ వల్ల కలిగే అశుభాలు తగ్గుతాయని నమ్మకం.
శివుడికి అభిషేకం
కార్తీక పౌర్ణమి రోజు శివాలయానికి వెళ్ళి అభిషేకం నిర్వహించడం చాలా మంచిది. పాలు, గంగా జలం, తేనె, పెరుగు వంటి వాటితో శివలింగానికి అభిషేకం చేయడం వల్ల జీవితంలో నెలకొన్న కష్టాలు తొలగిపోతాయి. శివుడి అనంతమైన అనుగ్రహం మీకు లభిస్తుంది. కార్తీక పౌర్ణమి రోజు త్రిపురాసురుడు అనే రాక్షసుడికి శివుడి సంహరించాడని పురాణాలు చెబుతున్నాయి. అందుకే ఈరోజు శివారాధన విశేషమైన ఫలితాలు ఇస్తుంది.
గమనిక: ఈ కథనంలో అందించిన సమాచారం పూర్తిగా నిజం మరియు ఖచ్చితమైనది అని మేము క్లెయిమ్ చేయము. వీటిని అవలంబించే ముందు, ఖచ్చితంగా సంబంధిత రంగంలోని నిపుణుల సలహా తీసుకోండి.
