Palmistry: అరచేతిలో మీకు ఈ గుర్తు ఉంటే ఐశ్వర్యం, కీర్తికి లోటు ఉండదు

హస్త సాముద్రికం ప్రకారం అరచేతిలో ఉన్న శుక్రుడు, బృహస్పతి, బుధుడు, సూర్యుడి పర్వతాలు ఒక వ్యక్తి ప్రేమ, వృత్తి, ఆర్థిక స్థితి, ఆరోగ్యం గురించి అనేక శుభ, అశుభ సంకేతాలను సూచిస్తాయి. మరీ ముఖ్యంగా అరచేతిలో ఉన్న సూర్య పర్వతం చాలా ముఖ్యమైనదిగా చెబుతారు.

సూర్య పర్వతం స్థానం ఆధారంగా ఒక వ్యక్తి శుభ అశుభ సంకేతాలు వారి జీవితంపై తీవ్ర ప్రభావాన్ని చూపుతాయని నమ్ముతారు. సూర్య పర్వతాన్ని కీర్తి, గౌరవానికి కారకంగా భావిస్తారు.

హస్త సాముద్రికం ప్రకారం అరచేతిలోని ఉంగర వేలి కింద ఉన్న ప్రదేశాన్ని సూర్య పర్వతం అని పిలుస్తారు. సూర్య పర్వతం బలమైన స్థానం ఒక వ్యక్తి సంతోషకరమైన, విజయవంతమైన జీవితాన్ని సూచిస్తుంది.

సూర్య పర్వతం ఆధారంగా అంచనా

సూర్య పర్వతం చదునుగా ఉండి అణగదొక్కినట్లు కనిపిస్తే ఆ వ్యక్తి వ్యక్తిత్వం బలహీనంగా ఉంటుందని నమ్ముతారు. అదే సమయంలో సూర్య పర్వతం పూర్తిగా అభివృద్ధి చెంది, పైకి ఉబ్బినట్లు కనిపిస్తే ఆ వ్యక్తిలో ఆత్మవిశ్వాసం, ధైర్యం నిండుగా ఉంటాయి. ఆ జాతకులు జీవితంలోని ప్రతి రంగంలో అపారమైన విజయాన్ని పొందుతారు

సూర్య పర్వతం ఒకవేళ అభివృద్ధి చెందకపోతే అది వ్యక్తి సాధారణ జీవితాన్ని సూచిస్తుంది. దీని వల్ల ఆ వ్యక్తి జీవితం పేరు, ప్రఖ్యాతలు లేకుండా గడిచిపోతుందని, పెద్దగా ఎవరికీ పరిచయం ఉండదని నమ్ముతారు.

కాస్త గులాబీ రంగులో కనిపిస్తే

సూర్య పర్వతం బాగా అభివృద్ధి చెంది, కాస్త గులాబీ రంగుగా కనిపిస్తే ఆ వ్యక్తికి సమాజంలో చాలా గౌరవం లభిస్తుందని నమ్ముతారు. అభివృద్ధి చెందిన సూర్య పర్వతం జాతకులని పేదరికం నుంచి ధనవంతులు కావడానికి సహాయపడుతుందని నమ్ముతారు. అలాంటి వారు జీవితాన్ని ఎంతో విలాసవంతంగా గడుపుతారు. ఆకస్మిక ధనలాభం అందుతుంది.

అరచేతిలో స్పష్టమైన, పూర్తిగా అభివృద్ధి చెందిన సూర్య పర్వతం ఒక వ్యక్తిని ఆత్మవిశ్వాసం, సౌమ్యుడు, దయగల ఉదారవాదిగా మారుస్తుందని చెబుతారు. అలాంటి వారు ధనవంతులు అవుతారు. అంతేకాదు ప్రతిభతో సమృద్ధిగా ఉంటారు, ఆలోచనలతో క్రమబద్ధీకరిస్తారు.

గమనిక: పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.