ఫిబ్రవరి 8న భీష్మ ఏకాదశి.. ఈరోజు చేయాల్సినవి, చేయకూడనివి తెలుసుకోండి.. సకల పాపాలు తొలగిపోవాలంటే ఇలా చేయవచ్చు
భీష్మ ఏకాదశి నాడు మహావిష్ణువు, లక్ష్మీదేవికి పూజలు చేయడం వలన విశేష ఫలితాన్ని పొందవచ్చు. భీష్మ ఏకాదశి ఎప్పుడు వచ్చింది?, ఆ రోజు ఏం చేస్తే మంచిది అనే విషయాలని తెలుసుకుందాం.
ఈనెల 8వ తేదీన భీష్మ ఏకాదశి. ఈ పర్వదినాన్ని దేశ వ్యాప్తంగా ఉన్న ప్రజలు జరుపుకుంటారు. భీష్మ పితామహుడు దేహాన్ని విడిచిపెట్టి స్వర్గానికి వెళ్లిన సమయం ఇది. భీష్మ ఏకాదశి నాడు మహావిష్ణువు, లక్ష్మీదేవికి పూజలు చేయడం వలన విశేష ఫలితాన్ని పొందవచ్చు. భీష్మ ఏకాదశి ఎప్పుడు వచ్చింది?, ఆ రోజు ఏం చేస్తే మంచిది అనే విషయాలని తెలుసుకుందాం.
ఈసారి భీష్మ ఏకాదశి ఎప్పుడు వచ్చింది?
ప్రతీ సంవత్సరం వచ్చే మాఘ మాసం శుద్ధ ఏకాదశిని భీష్మ ఏకాదశి అంటారు. ఈసారి ఫిబ్రవరి 7న రాత్రి 9:26 గంటలకు మొదలవుతుంది. ఫిబ్రవరి 8న రాత్రి 8:15 తో ముగుస్తుంది. కనుక ఫిబ్రవరి 8న భీష్మ ఏకాదశి పండుగను జరుపుకోవాలి. ఈరోజు విష్ణుమూర్తిని, లక్ష్మీదేవిని పూజించడం వలన విశేష పలితాన్ని పొందవచ్చు. అలాగే ఈ రోజు ఉపవాసం ఉండడం వలన కూడా మంచి ఫలితం ఉంటుంది.
భీష్ముడు కురుక్షేత్రంలో మరనాయాసం పొందుతూ ఉత్తరాయణం మొదలయ్యే వరకు వేచి చూశాడు. ఉత్తరాయణం మొదలయ్యాక అష్టమి నాడు దేహాన్ని విడిచి పెట్టడం మొదలుపెట్టాడు. ఏకాదశి నాడు భీష్ముడు పూర్తిగా తన తనువుని వదిలిపెట్టి వెళ్ళిపోయాడు. అందుకని భీష్మ ఏకాదశిని అత్యంత పుణ్యకాలంగా భావిస్తారు.
భీష్మ ఏకాదశి నాడు చేయవలసినవి, చేయకూడనివి
- ఈరోజు భీష్ముడికి తర్పణాలని వదులుతారు. భీష్ముడిని ఎవరైతే తర్పణం విడుస్తారో వారు చేసిన పాపాలన్నీ కూడా పోతాయి.
- భీష్మ ఏకాదశి నాడు బ్రాహ్మణులకు గొడుగు, చెప్పులు, బట్టలు దానం చేయడం వలన మంచి ఫలితం ఉంటుంది.
- ఈరోజు విష్ణు సహస్రనామాలను జపిస్తే కూడా విశేష ఫలితం ఉంటుంది. ఈరోజును విష్ణు సహస్రనామ జయంతి అని కూడా అంటారు. దశమి నాడు రాత్రి నుంచి ద్వాదశి వరకు ఉపవాసం చేసి రాత్రి జాగారం చేస్తే కూడా మంచి ఫలితం ఉంటుంది.
- ఈ భీష్మ ఏకాదశి నాడు ఉపవాసం చేసి, విష్ణు సహస్రనామాలు జపిస్తూ ఉంటే విష్ణుమూర్తి అనుగ్రహం కలుగుతుంది.
- ఈరోజు భగవద్గీతని పఠిస్తే కూడా మంచిది.
- ఈరోజు ఉల్లిపాయ, వెల్లుల్లి, మాంసం, మద్యం వంటి వాటికి దూరంగా ఉండాలి.
- ఉపవాసం ఉండలేని వారు సాత్విక ఆహారాన్ని తీసుకుని విష్ణువు, లక్ష్మీదేవిని పూజిస్తే మంచిది.
- ఈరోజు చెడు పనులకి దూరంగా ఉండాలి. జూదం, మోసం చేయడం లాంటివి చేయకూడదు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.