Ashtalakshmi Raj Yogam : అష్టలక్ష్మి రాజయోగం.. ఆ రాశుల వారికి అదృష్టం..

Ashtalakshmi Raj Yogam : జ్యోతిష్యశాస్త్రంలో శుక్ర గ్రహ సంచారాన్ని చాలా ప్రయోజనకరంగా పరిగణిస్తారు. ఎందుకంటే శుక్రగ్రహ సంచారం వల్ల.. అనేక రాశులపై ఆ ప్రభావం ఉంటుంది. పైగా ఇది మంచి ప్రయోజనాలు అందిస్తుంది. అయితే ముఖ్యంగా శుక్రుని సంచారం వల్ల మూడు రాశుల వారికి అదృష్టం కలిసి వస్తుంది అంటున్నారు జ్యోతిష్యులు.

వేద జ్యోతిషశాస్త్రంలో.. శుక్రగ్రహాన్ని ఆనందం, సంపద, వైభవం, ఐశ్వర్యం మొదలైన వాటికి కారకంగా పరిగణిస్తారు. శుక్రుడు వృషభం, తులారాశి వారికి అధిపతిగా చెప్తారు. జ్యోతిష్యుల అభిప్రాయం ప్రకారం.. జాతకంలో శుక్ర దేవుడి స్థానం ఎక్కువగా ఉంటే.. వారికి జీవితంలో ఏ లోటు ఉండదని చెప్తారు.

నవంబర్ 11వ తేదీన అనగా ఈరోజు రాత్రి 07:52లకు శుక్రుని సంచారం జరుగుతుంది. దీంతో అష్టలక్ష్మీ రాజయోగం ఏర్పడుతోంది. అష్టలక్ష్మి రాజయోగం ప్రభావం వల్ల కొన్ని రాశుల వారికి అదృష్టం కలిసి రాబోతుంది. మరి ఏ రాశులవారికి లక్ కలిసి వస్తుందో ఇప్పుడు తెలుసుకుందాం.

మకర రాశి

మకర రాశి వారికి పదకొండవ స్థానంలో అష్టలక్ష్మి రాజయోగం ఏర్పడుతోంది. ఆ స్థానాన్ని అదృష్ట ప్రదేశంగా పరిగణిస్తారు. వృశ్చిక రాశిలో శుక్రుడు రాకతో వ్యాపారులకు లాభిస్తుంది. మీరు పెట్టుబడుల నుంచి లాభం పొందుతారు.

కుంభ రాశి

కుంభ రాశి వారికి దశమ స్థానంలో అష్టలక్ష్మి రాజయోగం ఏర్పడుతోంది. పదవ స్థానం వ్యాపారం, పని ప్రదేశంగా చెప్తారు. అందుకే ఈ అష్టలక్ష్మీ రాజయోగం కాలంలో మీరు ఆర్థిక లాభాలను పొందుతారు. ఆర్థిక రంగం బలంగా ఉంటుంది. ఆదాయ వనరులు పెరుగుతాయి. పిల్లల నుంచి శుభవార్తలు అందుకుంటారు.

మీన రాశి

మీన రాశి వారికి తొమ్మిదవ స్థానంలో అష్టలక్ష్మి రాజయోగం ఏర్పడుతోంది. ఆ స్థానాన్ని అదృష్ట ప్రదేశంగా పరిగణిస్తారు. ఈ సమయంలో మీరు అదృష్టాన్ని పొందుతారు. అవివాహితులకు వివాహమయ్యే అవకాశముంది. డబ్బు విషయంలో ఇది చాలా మంచి సమయం.

ఈ కథనంలో అందించిన సమాచారం పూర్తిగా నిజమని చెప్పలేము. మీ జ్యోతిష్యుడిని సంప్రదించి.. మీరు తగిన సలహాలు తీసుకోండి.