Aja ekadashi: అజ ఏకాదశి ఉపవాస కథ గురించి ఇక్కడ తెలుసుకోండి

Aja ekadashi: ప్రతి నెలలో రెండు ఏకాదశులు ఉంటాయి. జన్మాష్టమి తర్వాత వచ్చే ఏకాదశిని అజ ఏకాదశి అంటారు. శ్రీ మహావిష్ణువుకు ఏకాదశి పండుగ అంటే చాలా ఇష్టమని చెబుతారు. ఒక సంవత్సరంలో 24 ఏకాదశులు వస్తాయి. ఈ సంవత్సరం అజ ఏకాదశి ఆగస్ట్ 29న శ్రావణమాసంలో జరుపుకుంటారు.

ఉదయ తిథి కారణంగా ఆగస్ట్ 29న ఏకాదశిని పురస్కరించుకుని మరుసటి రోజు పారణ నిర్వహిస్తారు. ఎవరైతే ఏకాదశి ఉపవాసం ఆచరిస్తారో వారికి మరణం తర్వాత మోక్షం లభిస్తుందని పురాణాలు చెబుతున్నాయి. ప్రతి ఏకాదశికి ప్రత్యేక ప్రాముఖ్యత ఉంటుంది.

విష్ణుమూర్తి యోగ నిద్రలో ఉన్న సమయంలో అజ ఏకాదశి వస్తుంది. ఈరోజు ఉపవాసం ఉండి విష్ణువును ఆరాధించిన వారికి పాపాల నుంచి విముక్తి లభిస్తుంది. ఉపవాసం ఉంటున్న వాళ్ళు తప్పనిసరిగా అజ ఏకాదశి వ్రత కథను పారాయణం చేయాలి. మీరు కూడా ఉపవాసం పాటిస్తున్నట్లయితే, మీరు ఉపవాసం కథను ఇక్కడ చదవవచ్చు.

అజ ఏకాదశి శుభ సమయం

ఏకాదశి తిథి ప్రారంభం- ఆగస్ట్ 29 ఉదయం 1.19 గంటల నుంచి

ఏకాదశి తిథి ముగింపు- ఆగస్ట్ 30 ఉదయం 1.37 వరకు ఉంటుంది.

అజ ఏకాదశి ఉపవాస కథ

పురాణాల ప్రకారం ఏకాదశి ప్రాముఖ్యతను శ్రీకృష్ణుడు స్వయంగా ధర్మరాజు యుధిష్ఠిరునికి చెప్పాడు. ఈ వ్రతం ప్రాముఖ్యతను వివరిస్తూ అజ ఏకాదశి నాడు ఉపవాసం ఉండేవాడు అశ్వమేధ యాగం చేసినంత పుణ్యానికి అర్హుడని చెప్పాడు. మరణానంతరం విష్ణులోకంలో స్థానం పొందుతాడు.

సత్యయుగంలో సూర్యవంశీ చక్రవర్తి రాజు హరిశ్చంద్ర గొప్ప సత్యవాది. అతని మాటలకు ప్రసిద్ధి చెందాడు. కథ ప్రకారం అతను ఒకసారి తను ఇచ్చిన మాట కోసం తన మొత్తం రాజ్యాన్ని రాజఋషి విశ్వామిత్రుడికి దానం చేశాడు. దక్షిణ ఇవ్వడానికి, అతను తన భార్యను, కొడుకును మాత్రమే కాకుండా తనను కూడా చండాలునికి బానిసగా విక్రయించాడు.

అతను ఎన్నో కష్టాలు పడ్డాడు. కానీ అతను సత్యం నుండి తప్పుకోలేదు. అప్పుడు అతను ఒక రోజు రుషి గౌతముడిని కలుసుకున్నాడు. అతను రుషి గౌతముడిని ఏదైనా పరిష్కారం చెప్పమని అడిగాడు. అతను హరిశ్చంద్రకు అజ ఏకాదశి మహిమను చెప్పి ఈ వ్రతాన్ని ఆచరించమని కోరాడు. హరిశ్చంద్రుడు తన శక్తి మేరకు ఈ ఉపవాసాన్ని పాటించాడు. దాని కారణంగా అతను తన కోల్పోయిన రాజ్యాన్ని తిరిగి పొందడమే కాకుండా తన కుటుంబంతో పాటు అన్ని రకాల ఆనందాలను అనుభవించిన తరువాత అతను చివరకు భగవంతుని సర్వోన్నత నివాసానికి చేరుకున్నాడు.

అజ ఏకాదశి వ్రతం ప్రభావం వల్ల అతని పాపాలన్నీ నశించాయి. అతను కోల్పోయిన తన రాజ్యాన్ని, కుటుంబాన్ని కూడా తిరిగి పొందాడు.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.