ఇంట్లో మెట్లు ఏ దిశలో ఉంటే మంచిది? వాస్తు శాస్త్రం ఏం చెప్తోందో తెలుసుకోండి!
వాస్తు ప్రకారం పాటిస్తే సానుకూల సానుకూల శక్తి ప్రవహించి, ప్రతికూల శక్తి తొలగిపోతుంది. వాస్తు శాస్త్రం ప్రకారం, ఇంట్లో మెట్లు ఏ దిశలో ఉండాలి, ఎటు ఉంటే మంచిదనే విషయాలను తెలుసుకుందాం. ఇలా పాటిస్తే కుటుంబంలో సానుకూల శక్తి కలిగి, సంతోషంగా ఉండచ్చు.
జాతకం అనేది ఒక వ్యక్తికి మాత్రమే సంబంధించినది. కానీ ఒక ఇంటి వాస్తు ఆ ఇంట్లో నివసించే ప్రతి ఒక్కరికీ సంబంధించినది. కాబట్టి వాస్తు విషయంలో జాగ్రత్తగా ఉండటం మంచిది.
ఇంట్లో మెట్లు ఏ దిశలో ఉండాలి?
ఇంట్లో మెట్లు తూర్పు-ఆగ్నేయ దిశలో ఉంటే మంచిది. ఇది కుటుంబంలో మంచి సమన్వయానికి దారితీస్తుంది.
- కుటుంబ సభ్యుల ఆరోగ్యం మెరుగుపడుతుంది. గురువు, మరియు కుటుంబ దేవతల ఆశీస్సులు పొందుతారు.
- కుటుంబంలోని చిన్న పిల్లలకు కుటుంబంలోని పెద్దలపై గౌరవం పెరుగుతుంది.
ఉత్తర వాయవ్య భాగం
- ఈ దిశలో మెట్లు ఉండటం మరింత లాభదాయకం. అలాంటి ఇంట్లో నివసిస్తున్న వృద్ధుల జీవితంలో ఎలాంటి ఇబ్బందులు ఉండవు. వారి ఆరోగ్యంలో స్థిరత్వం ఉంటుంది. కుటుంబంలో ప్రత్యేక కీర్తి ప్రతిష్టలు ఉంటాయి.
- అలాంటి ఇంట్లో నివసించే వారికి సమాజంలో ఉన్నత గౌరవం, హోదా లభిస్తాయి.
- సొంతంగా వ్యాపారం చేసుకుంటే పాపులారిటీ వస్తుంది.
- కుటుంబ ఆర్థిక బాధ్యత వీరికి దక్కుతుంది. కానీ నేరుగా మేడపైకి వెళ్లే మెట్లు నిర్మించడం మంచిది కాదు. దీనివల్ల కుటుంబంలో అనవసర వాగ్వివాదాలు జరుగుతాయి. ఎంతగా ప్రయత్నించినా పనులు పూర్తి కావు.
- మితిమీరిన కోరిక లేదా ఆశతో తప్పుడు నిర్ణయాలు తీసుకుంటారు.
ఎల్ ఆకారంలో ఇంట్లో మెట్లు నిర్మించడం వల్ల కలిగే ప్రయోజనాలు ఏమిటి?
ఎల్ అక్షరం ఆకారంలో టెర్రస్ కు దారితీసే మెట్లను నిర్మించడం మరింత ప్రయోజనకరంగా ఉంటుంది. ఇది ఈ ఇంట్లో నివసించే ప్రజలకు సహాయపడుతుంది. ప్రారంభించిన పనులు త్వరితగతిన పూర్తవుతాయి. ఇది వారు సమాజంలో ఉన్నత స్థాయికి చేరుకోవడానికి దోహదపడుతుంది.
అదే విధంగా టెర్రస్ కు వెళ్లే మెట్లను వృత్తాకార పద్ధతిలో నిర్మించవచ్చు. కుటుంబ పనులు మందకొడిగా సాగినా విజయం సాధిస్తారు. కుటుంబ పెద్దల నిర్ణయాలను అందరూ గౌరవిస్తారు. దీనివల్ల కుటుంబంలో ప్రశాంతత నెలకొంటుంది. అవసరమైతే దక్షిణం వైపు మెట్లు నిర్మించుకోవచ్చు. దీనివల్ల కుటుంబ సభ్యులు అనారోగ్యానికి గురైనా ఎలాంటి ఇబ్బంది ఉండదు.
ఇలా చేస్తే మంచిది
మెట్లు ఎక్కే ప్రదేశంలో పూల మొక్కలను నాటాలి. కుదరకపోతే పూల కుండీలు పెట్టాలి. దీని వల్ల మరిన్ని మంచి ఫలితాలను పొందవచ్చు. ఇంటి లోపల ఉంటే మెట్ల అడుగున వంటగది నిర్మించకూడదు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
