Tata Tigor iCNG : స్టైలిష్ లుక్‌లో టిగోర్ సీఎన్‌జీ కారు.. ధర ఎంతంటే!
Jan 27, 2022, 02:32 PM , IST
- దేశీయ దిగ్గజ కార్ల తయారీ సంస్థ టాటా మోటార్స్ సీఎన్‌జీ వాహనాలపై దృష్టిపెట్టింది. తాజాగా సీఎన్‌జీ ప్యాసింజ‌ర్ సెగ్మెంట్‌లో టిగోర్ ఐ-సీఎన్‌జీ (Tata Tigor iCNG) వెహిక‌ల్‌ను మార్కెట్‌లో గ్రాండ్‌గా లాంచ్ చేసింది. ఈ కారు డిజైన్, ఫీచర్స్, ఇంజన్ పని తీరు వంటి వివరాల గురించి ఇప్పుడు తెలుసుకుందాం.
- దేశీయ దిగ్గజ కార్ల తయారీ సంస్థ టాటా మోటార్స్ సీఎన్‌జీ వాహనాలపై దృష్టిపెట్టింది. తాజాగా సీఎన్‌జీ ప్యాసింజ‌ర్ సెగ్మెంట్‌లో టిగోర్ ఐ-సీఎన్‌జీ (Tata Tigor iCNG) వెహిక‌ల్‌ను మార్కెట్‌లో గ్రాండ్‌గా లాంచ్ చేసింది. ఈ కారు డిజైన్, ఫీచర్స్, ఇంజన్ పని తీరు వంటి వివరాల గురించి ఇప్పుడు తెలుసుకుందాం.
(1 / 13)
టాటా టిగోర్ iCNG ధర రూ.7.69 లక్షల (ఎక్స్‌ షోరూం) నుంచి ప్రారంభం అవుతుంది. 1.2 లీటర్‌ బీఎస్‌-6 ఇంజిన్‌ సామర్ధ్యంతో ఈ కారును రూపొందించారు. ఇది 73 పీఎస్‌ గరిష్ఠ సామర్థ్యాన్ని ఉత్పత్తి చేస్తుంది.
(2 / 13)
సీఎన్‌జీ సెగ్మెంట్‌లో ఇప్పటికే ఉన్న మారుతి సుజుకి, హ్యుందాయ్ సీఎన్‌జీ కార్లకు పోటీగా ఇప్పుడు టాటా మోటార్స్ కూడా టియాగో సీఎన్‌జీ, టిగోర్ ఐ-సీఎన్‌జీ మోడల్స్‌ను మార్కెట్లోకి లాంచ్ చేసింది.
(3 / 13)
టాటా Tigor I-CNG.. XZ, XZ ప్లస్ అనే వేరియంట్లలో లభిస్తుంది. టాప్-ఎండ్ కార్లలో CNG ఆప్షన్స్‌‌తో వస్తున్న మెుదటి కారు ఇదే.
(4 / 13)
టాటా మోటార్స్ iCNG వేరియంట్లలో అనేక కొత్త ఫీచర్లను ప్రవేశపెట్టింది. టాటా టిగోర్ iCNGని.. స్టాండర్డ్ మోడల్‌ మాదిరిగా రూపొందించారు. 14-అంగుళాల హైపర్‌స్టైల్ వీల్స్ సెటప్‌తో దాదాపు 5 మిమీ మేర వీల్‌బేస్ ఉంటుంది
(5 / 13)
కారు ముందు భాగంలో రెయిన్ సెన్సింగ్ వైపర్‌లు, ఆటో హెడ్‌లైట్‌లను ఇచ్చారు. XZ+ వేరియంట్‌లో అయితే మాగ్నెటిక్ రెడ్ ఎక్స్‌టీరియర్ కలర్‌ను అందించారు. అలాగే ఈ కారు పైభాగంలో బ్లాక్ కలర్ రూఫ్‌తో డ్యూయల్ టోన్ థీమ్ ఆప్షన్ కూడా ఉంది.
(6 / 13)
Tigor iCNG క్యాబిన్ విషయానికి వస్తే డోర్‌లపై క్రోమ్ హ్యాండిల్స్‌తో పాటు లోపల ఇంటీరియర్ నలుపు, లేత గోధుమరంగు థీమ్‌తో సెట్ చేశారు. క్యాబిన్ లేఅవుట్ చాలావరకు స్టాండర్డ్ మోడల్స్ మాదిరిగానే ఉంటుంది.
(7 / 13)
డ్యాష్‌బోర్డులో ఆపిల్ కార్‌ప్లే, ఆండ్రాయిడ్ ఆటో సపోర్ట్ చేసే టచ్‌స్క్రీన్ ఇన్ఫోటైన్‌మెంట్ సిస్టమ్‌ను అందించారు. ఆటోమేటిక్ క్లైమేట్ కంట్రోల్, USB పోర్ట్‌లు, ఎలక్ట్రానిక్‌ ఫోల్డబుల్ ORVM మొదలగు ఆప్షన్స్ ఇందులో ఉన్నాయి.
(8 / 13)
Tigor iCNGలో స్పెషల్ స్విచ్ ఆప్షన్ ఇచ్చారు. ఈ స్విచ్ సహాయంతో CNG నుండి పెట్రోల్ మోడ్‌కు సులభంగా మారవచ్చు. కారులో CNG స్థాయి తక్కువ ఉన్నప్పుడు ఆటోమెటిక్‌గా పెట్రోల్ వర్షన్‌కు మారుతుంది.
(9 / 13)
డిజిటల్ డ్రైవర్ డిస్‌ప్లే ద్వారా కారు CNG మోడ్‌లో ఉందో లేదో ఈజీగా తెలుసుకోవచ్చు. అలాగే CNG ఎంత స్థాయిలో ఉందనే విషయాన్ని కూడా ఇక్కడ చూసుకోవచ్చు.
(10 / 13)
టాటా మోటార్స్.. Tigor iCNGని మాన్యువల్ గేర్‌బాక్స్‌తో మాత్రమే అందిస్తోంది. 5-స్పీడ్ ట్రాన్స్‌మిషన్‌తో ఈ మోడల్‌ లభిస్తోంది.
(11 / 13)
టిగోర్ iCNG సీట్లు, స్పేస్, ఇతర ఫీచర్లు పెట్రోల్ వేరియంట్‌ కార్లలాగే ఉంటాయి. వెనుక సీట్లకు సెంట్రల్ ఆర్మ్‌రెస్ట్‌ ఆప్షన్ ఉంటుంది.
(12 / 13)
బూట్ స్పేస్‌లో 60-లీటర్ల సామర్థ్యం కలిగిన సీఎన్‌జీ సిలిండర్‌ను అమర్చారు. అంటే సుమారు 10 కిలోల గ్యాస్ సామర్థ్యంతో ఉంటుంది. ఈ CNG కిట్ కోసం స్టెయిన్‌లెస్-స్టీల్ ట్యూబ్‌ను ఉపయోగించారు. ఎలాంటి గ్యాస్ లీక్‌లు జరగకుండా అనేక టెస్ట్‌ల అనంతరం దీనిని ఫిక్స్ చేస్తారు.
ఇతర గ్యాలరీలు