China Covid Protest: చైనాలో విస్తరిస్తున్న ఆందోళనలు.. తిరగబడుతున్న ప్రజలు

• China Covid Protest: జీరో కొవిడ్ పాలసీ (Zero Covid Policy) కి వ్యతిరేకంగా చైనాలో ఆందోళనలు ఉద్ధృతమవుతున్నాయి. క్రమంగా అన్ని నగరాలకు నిరసనలు వ్యాపిస్తున్నాయి. వేలాది మంది ప్రజలు రోడ్లపైకి వస్తున్నారు. సుదీర్ఘ క్వారంటైన్‍లు, లాక్‍డౌన్లు, టెస్టింగ్ కార్యక్రమాలను వ్యతిరేకిస్తూ ఉద్యమిస్తున్నారు. అధ్యక్షుడు షీ జిన్‍పింగ్ పదవి నుంచి దిగిపోవాలని కూడా నినదిస్తున్నారు. సాధారణంగా చైనీస్ కమ్యూనిస్ట్ పార్టీ పట్ల అక్కడి ప్రజలు బహిరంగంగా వ్యతిరేకత వ్యక్తం చేయరు. అయితే జీరో కొవిడ్ పాలసీ విషయంలో మాత్రం చైనా ప్రజలు తీవ్ర ఆగ్రహంగా ఉన్నారు.  ‘ఉరుమ్‍కి’ నగరంలోని ఓ భవనంలో అగ్నిప్రమాదం జరిగింది. ఈ దుర్ఘటనలో 10 మంది చనిపోయారు. లాక్‍డౌన్ కారణంగానే సహాయక చర్యలు సరిగా జరగలేదని ప్రజలు ఆగ్రహం వ్యక్తం చేస్తున్నారు. మరోవైపు క్రమంగా చాలా నగరాలకు ఈ ఆందోళనలు విస్తరిస్తున్నాయి.