YS Jagan Selfie : సెల్ఫీ కోసం బోరున ఏడ్చేసిన చిన్నారి, కారు ఆపి చిన్నారి కోరిక తీర్చిన వైఎస్ జగన్

మాజీ సీఎం, వైసీపీ అధినేత వైఎస్ జగన్‌ విజయవాడ పర్యటనలో ఒక ఆసక్తికర సన్నివేశం చోటుచేసుకుంది. అన్న ప్లీజ్ అంటూ సెల్ఫీ కోసం ఓ చిన్నారి కేకలు వేయడం, కారు ఆపి చిన్నారికి జగన్ సెల్ఫీ ఇవ్వడం సోషల్ మీడియోలో వైరల్ అవుతోంది. 

గన్నవరం మాజీ ఎమ్మెల్యే వల్లభనేని వంశీని పరామర్శించి గాంధీనగర్ జిల్లా జైలు నుంచి తిరిగి తాడేపల్లి బయలుదేరుతున్న సమయంలో ఒక అభిమాని తన కుమార్తెను తీసుకుని వైఎస్ జగన్ ను కలిసేందుకు వచ్చారు. 

జిల్లా జైలు వద్ద పెద్ద ఎత్తున కార్యకర్తలు, అభిమానులు ఉండడంతో ఆ రద్దీలో వైఎస్ జగన్ ను కలవలేననుకున్న చిన్నారి ఒక్కసారిగా ఏడ్చింది. దీనిని గమనించిన వైఎస్ జగన్‌ తన కాన్వాయ్‌ ఆపి ఆ చిన్నారిని దగ్గరకు తీసుకుని ముద్దాడారు. 

బాలికతో సీఎం జగన్ సెల్ఫీ దిగారు. దీంతో ఆ చిన్నారి ఆనందానికి హద్దుల్లేవు. తిరిగి వైఎస్‌ జగన్‌ ను ముద్దాడి సంతోషంగా ఇంటికి వెళ్లింది. 

సంతోషంతో ఉప్పొంగిపోయిన పాప ఏడుస్తూనే జగన్ ప్రయాణిస్తున్న కారు నుంచి దిగింది. వైఎస్ జగన్‌ చేసిన ఈ పనిని చూసి అక్కడున్న అభిమానుల్లో ఉత్సాహంగా నినాదాలు చేశారు. ప్రస్తుతం ఈ వీడియో సోషల్ మీడియాలో వైరల్‌గా మారింది.

విజయవాడలో మాజీ సీఎం జగన్ ను చూసేందుకు అభిమానులు, పార్టీ కార్యకర్తలు పెద్ద ఎత్తున తరలి వచ్చారు.