Polling Center Check : మీరు ఓటేసే పోలింగ్ కేంద్రం తెలుసా..? ఇలా తెలుసుకోండి

సార్వత్రిక ఎన్నికల పోలింగ్‌ మే 13వ తేదీన ప్రారంభం అవుతుంది.  ఉదయం 6 గంటల నుంచి సాయంత్రం ఆరు గంటల వరకు పోలింగ్‌ ప్రక్రియ జరగనుంది. కొన్ని నియోజకవర్గాల పరిధిలో సాయంత్రం 4కే పూర్తి అవుతుంది.

ఓటర్ స్లిప్‌ లేకుంటే ఓటు ఎక్కడ వేయాలనే విషయంలో క్లారిటీ ఉండదు. అయితే మొబైల్‌ ద్వారా మీరు మీ పోలింగ్‌ కేంద్రానికి సంబంధించిన వివరాలను చూసుకోవచ్చు

Voter Help Line Appను డౌన్లోడ్ చేసుకోని మీ పోలింగ్ సెంటర్ ను తెలుసుకోవచ్చు. ఇలా మాత్రమే కాకుండా…. మీ వద్ద ఓటరు కార్డు ఉంటే ఆ నంబర్‌ను 1950, 9211728082 నంబర్లకు పంపించాలి. క్షణాల వ్యవధిలోనే మీ పోలింగ్‌ కేంద్రం వివరాలు SMS రూపంలో మీకు చేరుతాయి.

మరోవైపు 24 గంటల పాటు పని చేసే టోల్‌ ఫ్రీ నంబర్‌ను ఈసీ అందుబాటులోకి తీసుకొచ్చింది.  1950కి ఫోన్‌ చేసి కూడా వివరాలు తెలుసుకోవచ్చు.

https://ceotelangana.nic.in/ వెబ్ సైట్ లోకి వెళ్లి కూడా మీ పోలింగ్ కేంద్ర వివరాలను తెలుుకోచవచ్చు.

మీ ఓటర్ స్లిప్ లేకపోతే వెంటనే బీఎల్వోను సంప్రదించాలని ఎన్నికల సంఘం అధికారులు సూచిస్తున్నారు. జాబితాలో పేరు ఉంటేనే ఓటు వేసేందుకు అనుమతి ఇస్తామని ఈసీ స్పష్టం చేసింది.