AP TG Weather Updates : పెరుగుతున్న చ‌లి తీవ్ర‌త‌ - తెలంగాణలోని ఈ జిల్లాలకు ఎల్లో హెచ్చరికలు..! ఏపీలో పొడి వాతావరణం

తెలంగాణలో ఇవాళ, రేపు  పలు జిల్లాల్లో శీతల గాలులు వీచే అవకాశం ఉందని హైదరాబాద్‌ వాతావరణ కేంద్రం వెల్లడించింది. సాధారణం కంటే 2 నుంచి 4 డిగ్రీలు తక్కువగా కనిష్ఠ ఉష్ణోగ్రతలు నమోదయ్యే అవకాశం ఉందని పేర్కొంది.

ఇవాళ(3 జనవరి 2025) తెలంగాణలోని ఆదిలాబాద్, కొమరంభీమ్ ఆసిఫాబాద్, నిర్మల్ జిల్లాల్లో అక్కడకక్కడ శీతల గాలులు వీచే అవకాశం ఉందని అంచనా వేసింది. ఈ జిల్లాలకు ఎల్లో హెచ్చరికలను జారీ చేసింది.
 

రేపు(4 జనవరి 2025) తెలంగాణలోని ఆదిలాబాద్, ఆసిఫాబాద్, నిర్మల్ జిల్లాల్లో శీతల గాలులు వీచే అవకాశం ఉందని తెలిపింది. ఈ జిల్లాలకు ఎల్లో వార్నింగ్ జారీ చేసింది.
 

జనవరి 5వ తేదీ నుంచి తెలంగాణలో పూర్తిగా పొడి వాతావరణమే ఉంటుందని హైదరాబాద్ వాతావరణ కేంద్రం స్పష్టం చేసింది. ఎలాంటి హెచ్చరికలు లేవని తెలిపింది.
 

ఆంధ్రప్రదే, యనాంలోని దిగువ ట్రోపో ఆవరణంలో ఈశాన్య దిశగా గాలులు వీస్తున్నాయని అమరావతి వాతావరణ కేంద్రం పేర్కొంది. ఉత్తర కోస్తా, దక్షిణ కోస్తాలో ఇవాళ, రేపు పొడి వాతావరణం ఉంటుందని తెలిపింది. కొన్నిచోట్ల పొగమంచు కురిసే అవకాశం ఉందని అంచనా వేసింది. 
 

రాయలసీమ జిల్లాల్లో ఇవాళ, రేపు, ఎల్లుండి పూర్తిగా పొడి వాతావరణమే ఉంటుందని అమరావతి వాతావరణ కేంద్రం స్పష్టం చేసింది. ఎలాంటి హెచ్చరికలు లేవని తెలిపింది.