World no Tobacco day 2024: సిగరెట్ మానేయకపోతే పదేళ్లు ముందుగానే మరణిస్తారు జాగ్రత్త

వరల్డ్ నో టొబాకో డే 2024: పొగాకును ఏ రూపంలో తీసుకున్నా శరీరానికి చాలా అనారోగ్యకరమే. ఇది క్యాన్సర్ఇ, తర వ్యాధులకు దారితీస్తుంది. రోజూ ధూమపానం చేసేవారిలో మరణం త్వరగా సంభవిస్తుంది. కేవలం స్మోకింగ్ చేసే వారే కాదు, వారి పక్కన నిల్చుని ఆ పొగను పీల్చేవారు కూడా ప్రమాదంలో పడతారు. ధూమపానం మాని ఆరోగ్యకరమైన జీవనశైలిని పాటించాలని ప్రజలను చైతన్యవంతం చేసేందుకు ప్రతి సంవత్సరం ప్రపంచ పొగాకు వ్యతిరేక దినోత్సవాన్ని జరుపుకుంటారు. మే 31న ఈ వరల్డ్ నో టొబాకో డే నిర్వహించుకుంటారు.

శరీరంపై  ధూమపానం ప్రభావాలు వెంటనే పడతాయి. స్మోకింగ్ అలవాటు లేని వారు కూడా ఆ పొగను పీల్చడం కారణంగా ఎన్నో రోగాల బారిన పడతారు.

కొరోనరీ హార్ట్ డిసీజెస్, ఊపిరితిత్తుల క్యాన్సర్,  స్ట్రోక్  వంటివి  ధూమపానం వల్ల కలుగుతాయి. ఇవి అకాల మరణానికి దారితీస్తాయి.

ధూమపానం  చేసే  మహిళల్లో లేదా ఆ పొగను పీల్చిన మహిళల్లో పునరుత్పత్తి ఆరోగ్య ప్రభావాలు కలుగుతాయి. వారికి పుట్టే పిల్లలు కూడా తక్కువ బరువుతో పుట్టే అవకాశం ఉంది.

ధూమపానం చేసేటప్పుడు వచ్చే పొగను పీలిస్తే అది శ్వాసకోశ వ్యవస్థపై ప్రభావం చూపిస్తుంది. దాదాపు ఆ ప్రభావం మూడు గంటల వరకు ఉంటుంది.