world autism awareness day 2024: పసిపిల్లల్లో ఆటిజం ప్రారంభ లక్షణాలు ఇవే

ప్రతి ఏడాది ఏప్రిల్ 2 న ప్రపంచ ఆటిజం అవగాహన దినోత్సవం నిర్వహించుకుంటారు,   ఆటిజం, సాధారణంగా బాల్యంలోనే లక్షణాలను చూపిస్తుంది. వైద్యులు దీన్ని రెండేళ్ల వయసులోపే నిర్ధారిస్తారు. తల్లిదండ్రులు పసిబిడ్డలలో ప్రారంభ సంకేతాలను ముందే గుర్తించి వైద్యులను సంప్రదించడం అవసరం.

ఆటిజం ఉన్న పిల్లలు పిలిచినా స్పందించరు. నేరుగా కంటిలోకి చూసి మాట్లాడరు. ఇతరులతో దూరంగా ఉంటారు. సామాజికంగా కలవరు. ఇతర పిల్లలతో కలవకుండా దూరంగా ఉంటారు. 

ఆటిజం ఉన్న పిల్లలకు మాటలు రావు. రెండేళ్లకే అమ్మా, నాన్న, తాత, అత్త వంటి మాటలు పలకాలి. అవి కూడా పిల్లలు పలకడం లేదంటే వారికి ఆటిజం ఉందేమోనని అనుమానించాలి.

 ఆటిజం ఉన్న పిల్లవాడు చేసిన పనులనే మళ్లీ మళ్లీ చేస్తూ ఉంటారు. అందరికీ దూరంగా ఉంటారు. ఎదురుగా ఉన్న మనుషులను చూడరు.

ఆటిజం ఉన్న పిల్లలు ఒకే ఒక బొమ్మతో ఆడేందుకు ఇష్టపడతారు. ఆ బొమ్మ కనిపించకపోతే వేరే బొమ్మతో ఆడేందుకు ఇష్టపడరు. పోయిన బొమ్మ కోసమే వెతుకుతూ ఉంటారు. వారికి గాయాలు తగిలినా పెద్దగా పట్టించుకోరు.

ఆటిజం ఉన్న చాలా మంది పిల్లల్లో కళ్లు, చెవులు, ముక్కు వంటి ఇంద్రియాలు సున్నితంగా పనిచేస్తాయి.  పెద్ద శబ్దాలు వచ్చినా పట్టించుకోరు.  కొత్త వస్తువులు, రుచి, రంగులకు పెద్దగా స్పందించరు.

కొంతమంది పిల్లలు ఎలాంటి కారణం లేకుండా ఏడుస్తూ ఉంటారు. ప్రపంచంలో 160 మంది పిల్లల్లో ఒకరికి ఆటిజం ఉన్నట్టు ప్రపంచ ఆరోగ్య సంస్థ చెబుతోంది.