Janmashtami: జన్మాష్టమి నాడు జన్మించిన ఈ లోకనాథ్ బాబాను శ్రీకృష్ణుడు లేదా శివుని అవతారంగా ఎందుకు భావిస్తారు?

భారతదేశంలోని కొన్ని ప్రాంతాల్లో లోకనాథ్ బాబాను శ్రీకృష్ణుడు, మహా శివుడితో సమానం భావిస్తారు. ఆయనను 'శివ లోక్ నాథ్' అని కూడా పిలుస్తారు. 

లోకనాథ్ బాబా తన గురువు భగవాన్ గంగోపాధ్యాయతో కలిసి కఠినమైన తపస్సు కోసం హిమాలయాలకు వెళతారు. ఈ భారీ మంచు గుహలో గురు భగవాన్ గంగోపాధ్యాయ సాధనలో కూర్చుంటే,  బాబా లోక్‌నాథ్ గుహను వదిలి బయటికి వచ్చి మంచులో కూర్చుని ధ్యానం చేశారు.  

రోజులు, వారాలు, నెలలు ఎలా గడిచాయో ఎవరికీ తెలియదు. లోకనాథ్ శరీరం మంచుతో కప్పడిపోయింది. దీన్ని గురుదేవ్ మంచు గుహ నుండి చూసేవాడు.  

అలా ధ్యానంలోనే గురుదేవ్ కు తొంభై ఏళ్ళు నిండాయి. ఆయన ఒకరోజు బయటికి తొంగి చూడగా లోక్‌నాథ్ బాబా కనిపించలేదు. అతని స్థానంలో ఆ మహా శివుడు కనిపించారు. 

గురుదేవ్ మంచు గుహలోంచి బయటకు వచ్చి సిద్ధాసనంలో కూర్చున్న బాబా లోకనాథుడిని చూశాడు. మరుక్షణం లోకనాథ్ బాబాకు బదులు మహాదేవుడు కూర్చుని ఉన్నట్టు కనిపించాడు.

ఆ రోజు బాబా లోకనాథుడు సిద్ధిని పొందాడని గురుదేవ్ కు అర్థమైంది. గురువు అయినప్పటికీ అతను లోక్ నాథ్ కు నమస్కరించాడు. అప్పటి నుంచి లోకనాథ్… మహాశివుడు అని అర్థం చేసుకున్నారు.