లక్ష్మీదేవికి ఇష్టమైన రాశులేంటో తెలుసా..? సంపద, కీర్తి, డబ్బు వర్షంలా ఏయే రాశుల వారికి కలుగుతాయంటే..

సంపదకు అధిదేవత అయిన లక్ష్మీదేవి అనుగ్రహం కొందరు వ్యక్తులపై ప్రత్యేకంగా ఉంటుంది. కొంతమంది అదృష్టవంతులుగా జన్మించి లక్ష్మీ దేవి ప్రత్యేక అనుగ్రహం పొందడం వల్ల సంతోషం, శ్రేయస్సు, సంపద, కీర్తి సమృద్ధిగా అందుతాయి. వారి జీవితాల్లో డబ్బుకు ఎప్పుడూ కొదవ ఉండదు. జ్యోతిషశాస్త్రం ప్రకారం వీరు ఖచ్చితంగా ధనవంతులు అవుతారట. ఆ అదృష్ట రాశులు ఏంటో తెలుసుకోండి.

వృషభ రాశి : ఈ రాశి జాతకుల పట్ల లక్ష్మీదేవి ఎల్లప్పుడూ ఎంతో దయగా ఉంటుంది. వృషభ రాశికి అధిపతి శుక్రుడు, ఆయన సంపద, శ్రేయస్సును ప్రసాదిస్తాడు. అందువల్ల ఈ రాశి వారు ధనవంతులై విలాసవంతమైన జీవితాన్ని గడుపుతారు. ఈ రాశి వారు కష్టపడి పనిచేసేవారు, తెలివైనవారు, నిజాయితీపరులు. వయసు పెరిగే కొద్దీ వీరి సంపద కూడా పెరుగుతుంది.

కర్కాటక రాశి : కర్కాటక రాశిలో జన్మించిన వారికి లక్ష్మీదేవి అనుగ్రహం లభిస్తుంది. చంద్రుడు ఈ రాశికి అధిపతి. లక్ష్మీదేవిని ప్రసన్నం చేసుకోవడానికి పౌర్ణమి రాత్రిని ప్రత్యేకమైనదిగా భావిస్తారు. చంద్రుని అనుగ్రహం వల్ల ఉల్లాసంగా ఉంటారు. ప్రతి క్షణాన్ని ఆస్వాదిస్తారు. వారి సంపద, కీర్తి పెద్ద మార్గాల్లో వస్తాయి. వారు డబ్బును ఆదా చేయడం, బలమైన బ్యాంక్ బ్యాలెన్స్‌లను మెయింటైన్ చేస్తుంటారు.

సింహం: సింహ రాశి జాతకులకు లక్ష్మీదేవి అంటే చాలా ఇష్టం. ఈ రాశి వారు పుట్టుకతోనే నాయకత్వ లక్షణాలతో ఉంటారు. సమాజంలో ప్రభావవంతమైన వ్యక్తులుగా పెరుగుతారు. ఈ లక్షణాల కారణంగా, వారు త్వరగా విజయవంతమవుతారు. ధనవంతులు అవుతారు.

తులా రాశి : తులా రాశికి శుక్రుడు అధిపతి. ఈ రాశి వారికి ఎల్లప్పుడూ లక్ష్మీదేవి అనుగ్రహం ఉంటుంది. తులా రాశి జాతకులు తెలివైనవారు, సమతుల్యత కలిగి ఉంటారు. ఆకర్షణీయమైన వ్యక్తిత్వాన్ని కలిగి ఉంటారు. వారి సమర్థత కారణంగా, వారు ఉన్నత స్థానాలను, చాలా సంపదను పొందుతారు. ఈ రాశి వారు ఖరీదైన వస్తువుల పట్ల చాలా ఆసక్తి చూపుతారు.

వృశ్చిక రాశి : వృశ్చిక రాశి వారు ఇతరుల చేత పనులు చేయించుకోవడంలో దిట్ట. ఈ రాశి వారు ఏ నిర్ణయం తీసుకున్నా దాన్ని అమలు చేయడానికి తమ వంతు ప్రయత్నం చేస్తారు. అలాగే, ఈ రాశివారికి అదృష్టం ఉంటుంది. వారు వారి కుటుంబం, జీవిత భాగస్వామి నుండి సంపదను పొందుతారు. కష్టపడకుండా విలాసవంతమైన జీవితాన్ని గడుపుతారు.