Summer Tips : పిల్లలు ఎండాకాలంలో ఎంత నీరు తాగాలి.. ఈ లక్షణాలు కనిపిస్తే నిర్లక్ష్యం చేయొద్దు

పిల్లల వయస్సు, బరువు, శారీరక శ్రమను బట్టి నీటి అవసరం మారుతుంది. సాధారణంగా, 1-3 సంవత్సరాల పిల్లలు రోజుకు 4 కప్పుల నీరు తాగాలి. 4-8 సంవత్సరాల పిల్లలు రోజుకు 5 కప్పుల నీరు తాగాలి. 9-13 సంవత్సరాల పిల్లలు రోజుకు 7-8 కప్పుల నీరు తాగాలి.

పిల్లలు ఆడుతున్నప్పుడు లేదా శారీరక శ్రమ చేస్తున్నప్పుడు ఎక్కువ నీరు తాగాలి. ఎండాకాలంలో, పిల్లలకు దాహం వేసినప్పుడు వెంటనే నీరు ఇవ్వాలి. నీరు, పండ్ల రసాలు, మజ్జిగ, కొబ్బరి నీరు వంటి ద్రవాలను కూడా ఇవ్వవచ్చు.

తక్కువ నీరు తాగడం వల్ల పిల్లలలో అలసట, తలనొప్పి, మైకం, మలబద్ధకం వంటి సమస్యలకు దారితీస్తుంది. వేడి దెబ్బ తగులుతుంది. ఇది తీవ్రమైన సందర్భాల్లో ప్రాణాంతకం కూడా కావచ్చు. 

పిల్లలు సరిగా నీరు తాగకపోతే.. మూత్రపిండాల సమస్యలు వస్తాయి. మూత్రపిండాలు సరిగ్గా పనిచేయవు. నీరు తక్కువగా తాగితే మలబద్ధకం సమస్య వస్తుంది. అలాగే చిరాకు, ఏకాగ్రత లోపం ఏర్పడుతుంది. డీహైడ్రేషన్ పిల్లల్లో చిరాకు, ఏకాగ్రత లోపానికి కారణమవుతుంది.

పిల్లలకు ఇష్టమైన కప్పుల్లో నీరు ఇవ్వండి. నీటిలో నిమ్మరసం లేదా పండ్ల ముక్కలు కలపండి. వారికి తరచుగా నీరు తాగమని గుర్తు చేయండి. భోజనం, ఆట తర్వాత నీరు తాగడం అలవాటు చేయండి.

నీటి శాతం ఎక్కువగా ఉండే పండ్లు, కూరగాయలు ఇవ్వండి. పిల్లలు ఇంట్లో లేదా బయట ఆడుతున్నప్పుడు నీటి బాటిల్ అందుబాటులో ఉంచండి. పిల్లల ఆరోగ్యం కోసం, వారికి తగినంత నీరు తాగించడం చాలా ముఖ్యం.