'వరంగల్ రైల్వేస్టేషన్' లుక్ మారింది...! ఈ కొత్త ఫొటోలు చూడండి

ఈ స్కీమ్ లో భాగంగా వరంగల్ రైల్వే స్టేషన్ రూపురేఖలను మార్చేలా రైల్వే శాఖ మాస్టర్ ప్లాన్ రూపొందించింది. ఇందుకు అనుగుణంగా… పనులను చేపట్టింది. ఇందుకు సంబంధించిన తాజా ఫొటోలను కేంద్రమంత్రి కిషన్ రెడ్డి… ట్విట్టర్ లో పోస్ట్ చేశారు.

వరంగల్ రైల్వే స్టేషన్ పునరుద్ధరణ కోసం రైల్వే శాఖ రూ. 25.41 కోట్లు కేటాయించింది. ఇందులో భాగంగా ఇప్పటికే మేజర్ పనులన్నీ పూర్తయ్యాయి. చిన్న చిన్న పనులు పురోగతిలో ఉన్నాయి.

రైల్వే స్టేషన్ ముఖ ద్వారాన్ని పునరుద్ధరించారు. స్టేషన్ మందు భాగంలో కాకతీయ కళాతోరణం ఉంటుంది. ప్రయాణికులకు ఎప్పటికప్పుడు సమాచారం తెలిసే బోర్డులను ఏర్పాటు చేస్తున్నారు.

వెయిటింగ్ హాల్ పనులు పూర్తయ్యాయి. కొత్త ఫర్నిచర్ ను ఏర్పాటు చేశారు. మరోవైపు పార్కింగ్ కు ఎలాంటి ఇబ్బందులు కూడా చర్యలు చేపట్టారు.

పునరుద్ధరణ పనుల్లో భాగంగా… టికెట్ కౌంటర్లతో పాటు యంత్రాలను కూడా సిద్ధం చేశారు. ప్రయాణికులకు ఇబ్బందులు లేకుండా క్యూలైన్లు ఏర్పాటు చేశారు.

ప్రయాణికుల సౌకర్యార్థం కోసం ఆధునాతమైన ఎస్కులేటర్ ను ఏర్పాటు చేశారు. అంతేకాకుండా ఫుట్‌ ఓవర్‌ బ్రిడ్జి, లిఫ్టులు, పైకప్పు, మరుగుదొడ్లు, వెయిటింగ్‌ హాల్‌, పార్కింగ్‌, పచ్చదనం తదితర పనులు చేపట్టారు.

వరంగల్ రైల్వే స్టేషన్ కాజీపేట-విజయవాడ సెక్షన్‌ పరిధిలో ఉంటుంది. సగటున రోజుకు 31 వేలకుపైగా ప్రయాణికులు రాకపోకలు సాగిస్తుంటారు. వార్షిక ఆదాయం రూ. 41.09 కోట్లుగా ఉంది.